याकूब 1:27 - परमेश्‍वरए ताँ तमु क्युइर

²⁷ बरु ङ्योए परमेश्‍वर आबाजी खोबै केमैं चुन् ग: टार-टोरमैं नेरो म्हरेस्योमैंए दुःखर ल्होमिंब, धै ह्रोंसै या चु ह्‍युलर्बै पाप केउँइँले ह्रेंगो टिब।

याकूब 1:27 ပူးပေါင်းရင်းမြစ်များ

भजनमैं 119:1

छ्याब् आरेब्मैंइ आशिक योंम्; चमैं याहवेहए ठिमर बिब् धोंले प्रम्।

भजनमैं 146:9

अरू ह्‍युलउँइँले खबै तोइ आरेब्मैं याहवेहजी रक्षा लम्, आबा-आमा आरेब्मैं नेरो म्हरेस्योमैं खीजी ल्होमिंम्, दिलेया दुष्‍ट म्हिमैंए चाँजो खीजी फुवाम्।

भजनमैं 68:5

ह्रोंसए पबित्र क्‍ल्‍ह्‍योर टिबै परमेश्‍वर आबा आरेब्मैंए आबा ग, धै खीजी म्हरेस्योमैंलाइ रक्षा लमिंम्।

मत्ती 12:32

‘म्हिए च्‍हए’ बिरोधर पोंब्मैंइ क्षमा योंल् खाँम्। दिलेया पबित्र प्ल्हए बिरोधर पोंबै म्‍हिमैंइ चु छ्हर मत्‍त्रे आङिं लिउँइँबै छ्‍हरै या क्षमा योंरिब् आरे।

मत्ती 5:8

छ्याँबै सैं प्‍ह्‍याब्‍मैंइ आशिक योंब्मुँ, तलेबिस्याँ चमैंइ परमेश्‍वर म्रोंल् योंब्‍मुँ।

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

रोमी 2:13

तलेबिस्याँ ठिमर प्ह्रिबै ताँमैं थेइरि मत्‍त्रे परमेश्‍वरए उँइँरि ठिक आठर्दि, चर प्ह्रिब् धोंले प्रब्मैं मत्‍त्रे परमेश्‍वरए उँइँर ठिक ठर्दिम्।

गलाती 1:4

चु जुगर्बै आछ्याँबै शक्‍तिउँइँले ङ्योलाइ फ्रेमिंबै ल्हागिर येशू ख्रीष्‍टजी ङ्योए आछ्याँबै केए सजैं नोइ। ङ्योए परमेश्‍वर आबाए सैंर मैंब् धोंले खीजी ह्रोंसलाइन ङ्योए ल्हागिर सुम्पिदिइ।

गलाती 3:11

छतसि ठिमइ बिब् धोंले लसि खाबै या परमेश्‍वरए उँइँर ठिक ठर्दिल् आखाँ बिसि परमेश्‍वरए छ्वेर छेनाले प्‍ह्रिथेंइमुँ: “खाब् म्‍हिइ परमेश्‍वरए फिर बिश्‍वास लमुँ, च म्‍हिन् खीए उँइँर ठिक ठर्दिब्मुँ, धै चइ खोंयोंइ आखाँबै छ्ह योंब्‍मुँ।”

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

गलाती 6:14

दिलेया ङ्योए प्रभु येशू ख्रीष्‍टए क्रूसए बारेर बाहेक तोइ सैरै या प्हैंबै ताँ ङ ङाँइँले ह्रेंगोन् तरिगे। खी ङ्योए ल्हागिर क्रूसर सिमिंबइले ह्‍युलर्बै सैमैं ङए ल्हागिर तोइ आङिं, ह्‍युलए ल्हागिर ङ क्रूसर च्योवासि सिब् धोंन् तइ।

एफिसी 2:2

च त्हेर क्‍हेमैं चु ह्‍युलर्बै रोसर प्रमल, धै शक्‍ति मुँबै मुर टिबै सैमैंए चिबलाइ म्‍हाँदिमल। तिंजोरो या परमेश्‍वरलाइ आम्‍हाँदिब्‍मैं च चिबए न्होंर्न टिइमुँ।

१ तिमोथी 1:5

चर्बै ताँन् प्रभुए फिर बिश्‍वास लब्मैंइ क्ह्रोंसेंन्बै बिश्‍वासउँइँले, छ्याँबै खों प्ह्‍यासि छ्याँबै सैंउँइँले, ताँनने म्हाँया लरिगे बिसि ङइ चु ताँ बिइ।

१ तिमोथी 5:4

म्हरेस्योमैंल च्‍ह, च्हमि, क्‍वें, क्‍वेंमिं मुँस्‍याँ, चमैंइ ह्रोंसए बाज्यु भुज्‍यूलाइ मान लसि छेनाले सुसार लरिगे, छले चमैंइ ह्रोंसए आबा, आमा नेरो बाज्‍यू भुज्‍यूए भारा फोरिगे, तलेबिस्याँ छाबै केमैं म्रोंसि परमेश्‍वर बेल्‍ले सैं तोंम्।

तीतस 2:12

खीए दयाम्हाँयाउँइँले खीजी ङ्योलाइ पाप केमैं नेरो चु ह्‍युलर्बै सैमैं पिवासि, आछ्याँबै केमैंउँइँले सैं फैसि, भक्‍ति लसि छ्याँबै छ्ह थोब लोमिंम्।

याकूब 3:17

दिलेया परमेश्‍वरजी ह्रब्-सेबै लमिंबै म्‍हिए सैं छ्याँब तम्, धै चइ आक्ह्रिब्मैं क्ह्रिमिंब, आगुए फिर ल्हयो खब, च्हैंसि मैंसि के लब, दयाम्हाँया लब, छ्याँबै केमैं लब, खाबै आफेलल्‍ले क्ह्रोंसेंन्बै ताँ लब तम्।

याकूब 3:9

चु लेउँइँलेन् ङ्योइ ङ्योए प्रभु नेरो परमेश्‍वर आबाए मिं क्वेम्, धै चु लेउँइँलेन् परमेश्‍वरजी बनेबै म्‍हिमैंलाइ गाल् केम्।

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।

२ पत्रुस 1:4

छलेन ह्रोंसए सैंउँइँले खबै आछ्याँबै केमैं लब् पिरिगे, धै क्हेमैंइ छ्याँबै बानि ब्योरउँइँले परमेश्‍वरजी लब् धोंबै छ्याँबै केमैं लरिगे बिसि खीजी बाछा फैब् धोंले ङ्योलाइ सै ल्हें फेबै बरदानमैं पिंइमुँ।

२ पत्रुस 2:20

ह्रोंसलाइ जोगेमिंबै येशू ख्रीष्‍टलाइ ङो सेसि चु ह्‍युलर्बै ह्रोंसलाइ पापर च्होवाबै सैमैंउँइँले स्योइ खसेया म्हिमैं धबै आछ्याँबै केमैं लसि पापर्न च्होयाम् बिस्याँ चमैंए गति ओंसोंबै भन्दा लिउँइँबै झन् आछ्याँब् तम्।

२ पत्रुस 3:14

छतसि ओ ङए थुमैं, च त्हिंइ खोंयों तब् ङ्‍हे बिसि क्हेमैं खीए घ्‍याँ ङ्ह्‍योब्मैं ग। छतसि प्रभुए उँइँर तोइ खोट नेरो छ्याब् आरेब् तसि ताँनने क्ह्रिसि टिबै भों लद्।

१ यूहन्‍ना 5:18

परमेश्‍वरए प्‍हसेमैं खाबज्यै खोंयोंइ पाप लरिब आरे बिसि ङ्योइ सेइमुँ, तलेबिस्याँ परमेश्‍वरए च्‍हजी चलाइ जोगेथेंम्, छतसि दुष्‍टइ चलाइ छुइल् आखाँ।