हिब्रू 9:9 - परमेश्‍वरए ताँ तमु क्युइर

⁹ चु ताँ तिंजरेबै ल्हागिर नमुना घ्रि ग। चुए मतलब भेटिमैं नेरो परमेश्‍वरए मिंर पिंबै र-क्‍युए ख्रोइ म्‍हिए सैंलाइ ख्रुसि चोखो लल् आखाँ।

हिब्रू 9:9 ပူးပေါင်းရင်းမြစ်များ

रोमी 5:14

दिलेया आदमए पलो ओंनों मोशाए पलो समा ताँन् म्‍हिमैं सिल् त्‍हुइ। आदमइ लब् धोंबै के आलबै म्हिमैं या सिल् त्हुइ। आदमइ लबै केए नों ताँन् म्‍हिमैंइ योंब् धोंले येशू ख्रीष्‍टजी लबै केए नों या ताँनइ योंम्। छतसि येशू ख्रीष्‍टए नमुना आदम तइ।

गलाती 3:21

छ बिस्‍याँ ठिम परमेश्‍वरजी फैबै बाछाए बिरोधर तइ वा? आत, छाबै ताँ कत्ति तल् आखाँ! म्हिमैंइ खोंयोंइ आखाँबै छ्ह योंरिगे बिसि ठिम पिंब् ग बिस्याँ, ठिमइ लद् बिबै केमैं लसिन् म्हिमैं परमेश्‍वरए उँइँर ठिक ठर्दिमल।

हिब्रू 10:11

यहूदी ख्रो पिंबै खेगिमैंइ त्हिंइ ह्रोंसे ख्रो पिंमुँ। दिलेया छाबै ख्रोइ म्‍हिमैंए पाप खोंयोंइ त्होल् आखाँ।

हिब्रू 11:19

छतसि म्हिमैं सिलेया परमेश्‍वरजी धबै सोगों लमिंल् खाँम् बिबै ताँ अब्राहामइ मैंइ, धै क्ह्रोंसेंन चए च्‍ह इसहाकलाइ सिबउँइँले सोगो लमिब् धोंलेन् चइ धबै योंइ।

हिब्रू 5:1

ताँन् ख्रो पिंबै खेगि क्रथेमैं म्‍हिमैंउँइँले त्‍हाँम्, धै म्हिमैंए पाप क्षमा लबै ल्हागिर परमेश्‍वरए मिंर भेटि नेरो ख्रो पिंबर खटिदिम्।

हिब्रू 7:11

परमेश्‍वरजी मोशाए योउँइँले ठिम ङयोए इस्राएली म्हिमैं पिंमा खीजी लेबीए कुलर्बै म्हिमैंलाइ “ख्रो पिंबै खेगिमैंए के लद्,” बिबै ठिमै या पिंल। दिलेया लेबीए कुलर्बै ख्रो पिंबै खेगिमैंइ लबै केउँइँले म्हिमैं पबित्र तल् खाँस्‍याँ अरू खालर्बै ख्रो पिंबै खेगि, प्रभु येशू ख्रीष्‍टन्, युल् आत्‍हुमल। येशू हारूनए खलकर्बै आङिं, मेल्‍किसेदेक धों तबै ख्रो पिंबै खेगि ग।

हिब्रू 8:4

खी चु पृथ्‍बीर्न मुँरिस्याँम् ख्रो पिंबै खेगि आतमल, तलेबिस्याँ ठिमर बिब् धोंले भेटि पिंबै ल्हागिरि लेबीए कुलर्बै ख्रो पिंबै खेगिमैं चुर्न मुँ।

हिब्रू 9:24

ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।

१ पत्रुस 3:21

चु नाँ बाडिए क्यु बप्‍तिस्‍माए नमुना ग, तलेबिस्याँ नोआ नेरो चए परवालाइ क्‍युउँइँले जोगेब् धोंले क्‍हेमैंलाज्यै या येशूए मिंर क्‍युर प्ल्हुँसि जोगेमिंब्मुँ। खैले जोगेम् बिस्‍याँ परमेश्‍वरजी येशू ख्रीष्‍टलाइ सिबइले धबै सोगों लमिंबइले क्‍हेमैंइ छारा छ्ह योंइमुँ। चु बप्‍तिस्‍मा क्‍युइ ज्यु ख्रुब् धों तब आङिं, बरु क्‍हेमैंए सैं छ्याँब् प्ह्‍यासि बानि ब्योर छ्याँब् तरिगे बिबै ल्हागिर परमेश्‍वरउँइँले खबै बाछा ग।