हिब्रू 9:8 - परमेश्‍वरए ताँ तमु क्युइर

⁸ बैरुउँइँबै पबित्र क्ल्ह्‍यो मुँरिन् समा “ताँन् भन्दा पबित्र क्ल्ह्‍योर” ह्‍याबै घ्याँ थोंरिब् आरे बिसि पबित्र प्ल्हजी उँइँमिंइमुँ।

हिब्रू 9:8 ပူးပေါင်းရင်းမြစ်များ

लूका 1:80

च लिउँइँ कोलो यूहन्‍ना थेब् तदै ह्‍यासि सैं या चिदै ह्‍याइ। दिलेया इस्राएलीमैंए म्हाँजोर चु ताँमैं बिबै त्हे आतन् समा च म्‍हि आटिबै ‍क्ल्ह्‍योर्न टिइ।

यूहन्‍ना 10:7

छतसि येशूजी धबै चमैंने बिइ, “क्ह्रोंसेंन ङ क्‍हेमैंने बिमुँ, क्युमैंए खोरए म्रा ङन् ग।

यूहन्‍ना 10:9

म्रा ङन् ग। ङउँइँले न्‍होंर होंब्मैं ताँन् जोगेल् योंब्‍मुँ। धै चमैं खोरए न्हों, बैरु ह्‍याब खब लल् योंब्मुँ, धै छि मुँबै क्ल्ह्‍योर रेंल् योंब्‍मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

चेला चिब्मैंए केमैं 28:25

छतसि चमैं खें-खेंमैंन् ताँ आक्‍ह्रिसि ह्‍याबि छेमा पावलइ चमैंने बिइ, “परमेश्‍वरए प्ल्हजी क्हेमैंए खेमैंने यशैया अगमबक्‍ताउँइँले बिमिंबै चु ताँ ठिकन् मुँल,

गलाती 3:8

परमेश्‍वरजी अरू ह्रेंमैंलासेया खीए फिर्बै बिश्‍वासर्न ठिक ठर्दिमिंब्‍मुँ बिबै ताँ ओंसोंन् छ्वेर प्ह्रिथेंल। छतसि परमेश्‍वरजी अब्राहामलाइ “क्‍हिउँइँलेन् ताँन् ह्रेंमैंइ आशिक योंब्‍मुँ” बिसि सैं तोंबै ताँ बिल।

एफिसी 2:18

यहूदीमैं मुँलेया अरू ह्रेंमैं मुँलेया ङ्यो ताँनइ पबित्र प्ल्ह घ्रिउँइँलेन् परमेश्‍वर आबा ङाँर ह्‍याल् योंइमुँ।

हिब्रू 10:15

पबित्र प्ल्हज्‍यै या ङ्योने चु ताँए ग्वाइ पिंइमुँ। ओंसों खीजी छ बिइमुँ,

हिब्रू 3:7

छतसि पबित्र प्ल्हजी बिइमुँ, “तिंयाँ क्‍हेमैंइ परमेश्‍वरजी बिबै ताँ थेइबिस्‍याँ,

हिब्रू 9:3

च न्‍होंर्न पर्दा क्‍वें लिउँइँ अर्को च्योंने कोठा मुँल। च “ताँन् भन्दा पबित्र क्‍ल्‍ह्‍यो” मुँल।

२ पत्रुस 1:21

तलेबिस्याँ अगमबाणि पोंमा म्हिमैंइ खेंमैंए सैंर खबै ताँमैं पोंब आङिं, बरु पबित्र प्ल्हजी म्‍हिमैंलाइ लोमिंसि चमैंइ परमेश्‍वरजी पोंन् बिबै ताँमैं पोंब् ग।