हिब्रू 9:26 - परमेश्‍वरए ताँ तमु क्युइर

²⁶ ख्रो पिंबर ह्‍याब्रे लल् त्हुस्याँम् खी ह्‍युल बनेबै त्हे ओंनोंन् ल्हें खे दुःख नोब्रें लल् त्‍हुमल। दिलेया म्हिमैंए पाप क्षमा लमिंबर खोंयोंइ बिलैए ल्हागिर ख्रीष्‍ट तिब्‍ले मत्‍त्रे खीए ज्युलाइ ख्रों पिंबर चु जुग नुबै त्हेर युइमुँ।

हिब्रू 9:26 ပူးပေါင်းရင်းမြစ်များ

भजनमैं 103:12

स्यारउँइँले (पूर्व) न्हुँर (पश्‍चिम) कति ह्रेंगो मुँ, ङ्योइ लबै छेरन् ङ्हाँबै केमैं खीजी च्हगन् ह्रेंगो स्योवाइमुँ।

मत्ती 13:39

सम्रिं प्‍लुबै शत्तुर दुष्‍ट ग। रा-रोमैं खुबै त्हे बिस्याँ चु ह्‍युल नुयाबै त्हे ग। झाइले रा-रोमैं खुबै म्रोंमैं स्‍वर्गदूतमैं ग।

मत्ती 13:40

सम्रिं स्युइसि मिर ख्रोंवाब् धोंले चु ह्‍युल नुयाबै त्हेरै या छान् तब्‍मुँ।

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

१ कोरिन्थी 10:11

चमैंए फिर तबै चु ताँन् ताँमैं अरूमैंलाइ लोमिंबै ल्हागिर तल। च ताँमैं ङ्योज्यै सेरिगे बिसि प्‍ह्रिथेंइ। तलेबिस्याँ चु ह्‍युल नुखबै त्हे तखइमुँ।

गलाती 4:1

ङइ बिल् म्हैबै ताँ चुन् ग: हकवाला ताँन् सम्‍पत्तिए क्‍ल्‍हे तनाबिलेया च उमेर आयुन् समा केब्छैं धोंलेन् टिल् त्‍हुम्।

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 1:2

दिलेया चु नुखबै त्हिंइजरे परमेश्‍वर खीए च्‍हउँइँले ङ्योने पोंइमुँ। परमेश्‍वरजी खीए च्हउँइँलेन् ह्‍युलर्बै तोन्दोंरि सैमैं बनेइ। धै ह्‍युलर्बै ताँन् सैए फिर क्ल्हे तबर खीजी खीए च्‍हलाइन त्हाँइ।

हिब्रू 10:10

तलेबिस्याँ येशू ख्रीष्‍टजी परमेश्‍वरए सैंर मैंबै ताँ पूरा लमिंइ। छतसि येशू ख्रीष्‍टजी खीए ज्यु खोंयोंइ तरिबै ख्रो तिब्ले पिंबइले ङ्यो पबित्र लमिंइमुँ।

हिब्रू 10:12

दिलेया ख्रीष्‍टजी म्‍हिमैं पापउँइँले फ्रेमिंबर ख्रो घ्रि मत्‍त्रे पिंइ। च ख्रो खोंयोंइ तरिम्, धै खी परमेश्‍वरए क्‍योलोउँइँ टिइमुँ।

हिब्रू 10:26

तलेबिस्याँ क्ह्रोसंन्बै ताँ सेसेया ङ्योइ ह्रना-ह्नन् पाप लइ बिस्याँ पाप त्होमिंबै ल्हागिर तारे अरू ख्रो आरे।

हिब्रू 10:4

तलेबिस्याँ र क्युए कोइ म्हिमैंए पाप त्होल् आखाँ।

हिब्रू 4:3

तलेबिस्याँ ङ्यो खीए फिर बिश्‍वास लब्‍मैं मत्‍त्रे परमेश्‍वरजी भों न्‍हल् पिंबै क्ल्ह्‍योर होंल् योंम्। खीए फिर बिश्‍वास आलब्‍मैंए बारेर परमेश्‍वरजी छ बिइमुँ, “ह्रिस खसि ङइ छाबै कसम चइ, ‘ङए भों न्‍हबै क्‍ल्‍ह्‍योर चमैं खोंयोंइ होंल् योंरिब आरे।’” खीजी चु चाँजो ह्‍ययल् बनेब् ओंनोंन् लथेंल।

हिब्रू 7:27

अरू ख्रो पिंबै खेगि क्रथेमैंइ त्हिंइ ह्रोंसे ओंसों ह्रोंसए पाप त्होमिंबै ल्हागिर, झाइले लिउँइँ म्‍हिमैंए पाप त्होमिंबै ल्हागिर ख्रो पिंरिल् त्‍हुरिल। दिलेया येशू चमैं धोंले आङिं। खीजी खोंयोंइ तरिबै ख्रोए ल्हागिर तिखेर्न क्रूसर सिसि ह्रोंसइन चु के लमिंइ।

हिब्रू 9:12

र-क्युए कोजी आङिं, दिलेया म्हिमैंए पाप क्षमा लबर ख्रीष्‍टजी ह्रोंसए को पिंसि म्हिमैंलाइ खोंयोंइ आखाँबै छ्ह पिंबै ल्हागिर तिखेर्न ताँन् भन्दा पबित्र क्ल्ह्‍योर होंइ।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

१ पत्रुस 1:20

परमेश्‍वरजी ह्‍युल बनेब् भन्दा ओंसोंन् ख्रीष्‍टलाइ त्‍हाँल, दिलेया क्हेमैं जोगेबै ल्हागिर चु नुखबै त्हेर खी युइ।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

१ यूहन्‍ना 3:5

म्‍हिमैंए पाप त्होवाबर ख्रीष्‍ट युब् ग, खीने तिफुँइ पाप आरे बिब क्‍हेमैंइ सेइमुँ।

१ यूहन्‍ना 3:8

दुष्‍टइ ओंसों ओनोंन् पाप लइमुँ, छतसि पाप लरिबै म्हि दुष्‍टए म्हि ग। दुष्‍टइ लबै पाप केमैं नास लवाबर परमेश्‍वरए च्‍ह ह्‍युलर युब् ग।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।