हिब्रू 9:25 - परमेश्‍वरए ताँ तमु क्युइर

²⁵ यहूदी ख्रो पिंबै खेगि क्रथे पृथ्‍बीर्बै “ताँन् भन्दा पबित्र क्‍ल्‍ह्‍योर” सालर तिला खेदोए को बोसि ह्‍यामल। दिलेया येशू ख्रीष्‍ट बिस्याँ खीए ज्यु ख्रो पिंबर घरि घरि ह्‍याल् आत्हु।

हिब्रू 9:25 ပူးပေါင်းရင်းမြစ်များ

प्रस्थान 30:10

सालर तिला हारूनइ पाप ख्रुबर ख्रो पिंबै खेदोए को चए प्लिउलो रुर फोसि चु क्ल्ह्‍यो पबित्र लरिगे। चु पबित्र लबै के पुस्ता-पुस्ता समा सालर तिला लरिल् त्हुम्। ङ याहवेहए ल्हागिर चु क्ल्ह्‍यो बेल्‍ले पबित्र ग।”

हिब्रू 10:10

तलेबिस्याँ येशू ख्रीष्‍टजी परमेश्‍वरए सैंर मैंबै ताँ पूरा लमिंइ। छतसि येशू ख्रीष्‍टजी खीए ज्यु खोंयोंइ तरिबै ख्रो तिब्ले पिंबइले ङ्यो पबित्र लमिंइमुँ।

हिब्रू 10:19

छतसि ओ अलि-अङाँमैं, येशूए कोजी लमा “ताँन् भन्दा पबित्र क्‍ल्‍ह्‍योर” होंबै भों ङ्योइ योंइमुँ।

हिब्रू 9:12

र-क्युए कोजी आङिं, दिलेया म्हिमैंए पाप क्षमा लबर ख्रीष्‍टजी ह्रोंसए को पिंसि म्हिमैंलाइ खोंयोंइ आखाँबै छ्ह पिंबै ल्हागिर तिखेर्न ताँन् भन्दा पबित्र क्ल्ह्‍योर होंइ।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

हिब्रू 9:2

च पबित्र क्ल्ह्‍योए ओंसोंबै कोठार अर्को च्‍योंबै कोठा या मुँल। ओंसोंबै कोठार बत्ति म्रोंबै पानस घ्रि नेरो टेबल घ्रि मुँल। च टेबलए फिर परमेश्‍वरए मिंर पिंबै क्हें थेंमल। च ओंसोंबै कोठाने “पबित्र क्‍ल्‍ह्‍यो” बिमल।

हिब्रू 9:26

ख्रो पिंबर ह्‍याब्रे लल् त्हुस्याँम् खी ह्‍युल बनेबै त्हे ओंनोंन् ल्हें खे दुःख नोब्रें लल् त्‍हुमल। दिलेया म्हिमैंए पाप क्षमा लमिंबर खोंयोंइ बिलैए ल्हागिर ख्रीष्‍ट तिब्‍ले मत्‍त्रे खीए ज्युलाइ ख्रों पिंबर चु जुग नुबै त्हेर युइमुँ।

हिब्रू 9:7

दिलेया ताँन् भन्दा न्होंर्बै पबित्र क्ल्ह्‍योर ख्रो पिंबै खेगि क्रथे मत्‍त्रे बर्षर तिब्ले ह्‍याल् योंमल। खेगि क्रथे चर ह्‍यामा कोइ या बोसि ह्‍याल् त्हुमल, तलेबिस्याँ ह्रोंसइ लबै पापए ल्हागिर नेरो म्हिमैंइ था आसेन्ले लबै पापए ल्हागिर को पिंल् त्हुमल।