हिब्रू 9:24 - परमेश्‍वरए ताँ तमु क्युइर

²⁴ ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।

हिब्रू 9:24 ပူးပေါင်းရင်းမြစ်များ

भजनमैं 68:18

क्हि नुबर क्रे ह्‍यामा क्हाइ बोब्मैंलाइ क्हिए लिलि बोइ, क्हिजी म्हिमैंउँइँले क्होल्सै किंइ, ओं, क्हिजी बिब् आङिंब्मैंउँइँले या किंइ। छलेन याहवेह पारमेश्‍वर चर टिम्।

प्रस्थान 28:12

इस्राएलए च्हमैं मैंबै ल्हागिर च युँमा ङ्हिं एपोदए प्हैंदर च्योमिंन्। झाइले याहवेहजी खोंयोंन् बिलै मैंरिगे बिसि चमैंए मिं हारूनइ ह्रोंसए प्हैंदर नोरिगे।

प्रस्थान 28:29

“हारून पबित्र क्ल्ह्‍योर होंमा चइ इस्राएलए कुलए मिं खोप्दिबै तिंर खिबै क्वें खिब्मुँ धै ङ याहवेहजी ङए म्हिमैं मैंरिब्मुँ।

मत्ती 18:10

“छतसि ङ क्हेमैंने बिमुँ, छेनाले मैंन्! क्हेमैंइ छाबै कोलोमैं धों तब्‍मैं खाबलाज्यै या हेल आलद्। तलेबिस्याँ चमैं जोगेमिंबर स्‍वर्गदूतमैं स्‍वर्गरि खोंयोंन् बिलै ङए आबाए उँइँर्न तम्।

मर्कूस 14:58

“‘म्‍हिमैंइ बनेबै चु मन्दिर फुवासि म्‍हिए योइ आबनेबै अर्को मन्दिर ङइ सोंरोर्न बनेब्‍मुँ,’ बिब ङिइ थेइ।”

मर्कूस 16:19

येशू छले चेलामैंने पोंल् खाँबै लिउँइँ परमेश्‍वरजी खीलाइ स्वर्गउँइँ बोयाइ, धै परमेश्‍वरए क्‍योलोउँइँ टिइ।

लूका 24:51

छले आशिक पिंरिबै तोंर्न खी चमैंउँइँले स्वर्गर बोवाइ।

यूहन्‍ना 16:28

ङ आबउँइँले ह्‍युलर युइमुँ, तारे ह्‍युल पिसि ङ आबा ङाँर एह्‍याम्।”

यूहन्‍ना 6:62

म्हिए च्ह ओंसों टिबै स्वर्गर एह्‍यारिब् म्रोंस्याँ क्हेमैं तो लमुँ?

चेला चिब्मैंए केमैं 3:21

दिलेया स्योंमन् परमेश्‍वरजी ह्रोंसए ताँ बिमिंबै पबित्र म्‍हिमैंइ बिब् धोंले तोन्दोंरि सैमैं छारा लबै त्हे आखन् समा ख्रीष्‍ट स्वर्गर्न टिल् त्हुम्।

रोमी 8:33

ह्रोंसजी त्‍हाँबै म्‍हिमैंलाइ परमेश्‍वरजीन् छ्याब् आरेब् ठर्दिमिंइमुँ बिस्याँ चमैंलाइ खाबइ छ्याब् ल्‍हैदिल् खाँम्?

२ कोरिन्थी 5:1

चु ङ्योए ज्यु नास तयाम् बिसि ङ्योइ सेइमुँ। दिलेया परमेश्‍वरजी खोंयोंइ नास आतबै स्‍वर्गर्बै धिं ङ्योए ल्हागिर बनेथेंइमुँ। च धिं म्‍हिमैंइ बनेब आङिं, परमेश्‍वरजीन् ङ्योए ल्हागिर बनेमिंब् ग।

कलस्सी 3:2

छतसि क्‍हेमैंए सैं चु पृथ्‍बीर्बै सैर आल्हैदिद्, स्‍वर्गर मुँबै सैमैं म्हैद्।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

हिब्रू 4:14

छतसि मु थोंसि ह्‍याबै परमेश्‍वरए च्ह येशू ङ्योए ल्हागिर ख्रो पिंबर युबै खेगि क्रथे तबइले ङ्योइ म्हाँदिरिबै बिश्‍वास जोगेसि थेंले।

हिब्रू 6:20

चर मल्‍किसेदेक ख्रो पिंबै खेगि क्रथे तब् धोंले ङ्योए ल्हागिर येशू खेगि क्रथे तसि स्वर्गर फेनेल् खाँइमुँ।

हिब्रू 8:2

धै खेगि क्रथे तसि येशूजी स्‍वर्गर्बै क्ह्रोंसेंन्बै ताँन् भन्दा पबित्र क्ल्ह्‍योरि सेवा लम्। च पबित्र क्ल्ह्‍यो म्‍हिइ बनेब आङिं, दिलेया प्रभु परमेश्‍वरजी बनेब ग।

हिब्रू 8:5

दिलेया चुर्बै ख्रो पिंबै खेगिमैंइ स्‍वर्गर्बै पबित्र क्ल्ह्‍योए नकल लसि छरिए सेवा मत्‍त्रे लम्। तलेबिस्याँ मोशाइ पबित्र क्ल्ह्‍यो बनेल् म्हैमा परमेश्‍वरजी चने बिइ, “क्‍हिने कोंर उँइँमिंबै नमुना अनुसार ताँन् सै बनेद्।”

हिब्रू 9:1

ओंसोंबै बाछार परमेश्‍वरए मिं क्वेबर ओलेबै ठिममैं नेरो परमेश्‍वर म्हाँदिबै ल्हागिर म्हिमैंइ बनेबै पबित्र क्ल्‍ह्‍यो घ्रि या मुँल।

हिब्रू 9:23

स्वर्गर्बै नकल लबै सैमैंलाइमि छले पबित्र लल् त्हुम् बिस्याँ, स्‍वर्गर्बै सैमैंलाइ पबित्र लबै ल्हागिर झन् बेल्‍ले पबित्र सैए ख्रो चैदिइ।

हिब्रू 9:9

चु ताँ तिंजरेबै ल्हागिर नमुना घ्रि ग। चुए मतलब भेटिमैं नेरो परमेश्‍वरए मिंर पिंबै र-क्‍युए ख्रोइ म्‍हिए सैंलाइ ख्रुसि चोखो लल् आखाँ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।

दर्शन 8:3

झाइले माराए धुपारा छेबै अर्को स्‍वर्गदूत घ्रि परमेश्‍वरए मिंर ख्रो पिंबै क्ल्ह्‍योर खसि राइ। चइ परमेश्‍वरए राजगद्दिए उँइँर्बै माराइ बेनबै ख्रो पिंबै क्ल्ह्‍योए फिर परमेश्‍वरए ताँन् म्‍हिमैंए प्राथनाने बालु चडेबै ल्हागिर चलाइ ल्हें धुप पिंल।