हिब्रू 9:19 - परमेश्‍वरए ताँ तमु क्युइर

¹⁹ ठिमर बिब् धोंले लल् त्हुबै ताँमैं मोशाइ इस्राएलीमैंने बिमिंबै लिउँइँ चइ क्‍ल्‍या भारा, र-बुख्या नेरो क्‍युए को, क्यु, ओल्‍ग्‍या पै नेरो हिसप बिबै धुँए प्हो ठिमए फिर नेरो ताँन् म्‍हिमैंए फिर प्राइ।

हिब्रू 9:19 ပူးပေါင်းရင်းမြစ်များ

भजनमैं 51:7

लुँडइ ङए सैं म्यामिंन् धै ङए सैं छ्याँब तब्मुँ; छले ख्रुमिंमा ङ चोखो तसि क्लिं भन्दा तार्ग्या तब्मुँ।

प्रस्थान 12:22

हिसप धुँए ला भाँडार्बै कोर प्ल्हुँसि म्राए क्होवाइ नेरो त्हो ङ्हिंर प्राद्। क्हेमैं न्होंर खाबै या न्हाँग समा धिंर्बै म्राउँइँले बैरु आत्होंन्।

मत्ती 27:28

चमैंइ येशूए क्‍वें प्‍लिसि ओल्‍ग्‍या क्‍वें खिमिंइ।

मर्कूस 15:17

झाइले चमैंइ खीलाइ सुपारि रङर्बै क्‍वें खिमिंसि पुजुए मुकुट या लसि खीए क्रर कुमिंइ।

मर्कूस 15:20

छले येशूए बिल्‍लि लसि चमैंइ सुपारि रङर्बै क्‍वें प्‍लिवासि खीए क्‍वेंन् खिमिंसि क्रूसर च्योबै ल्हागिर येशू बैरु बोइ।

यूहन्‍ना 19:2

च लिउँइँ सिपाइमैंइ पुजुए मुकुट बनेसि येशूए क्रर कुमिंइ, धै कलेजी रङर्बै क्वें खिमिंइ।

यूहन्‍ना 19:5

च लिउँइँ पुजुए मुकुट नेरो कलेजी रङर्बै क्वें खिसि येशू बैरु त्होंयुमा पिलातसइ चमैंने बिइ, “लु, चु म्हिलाइ ङ्‍ह्‍योद्।”

हिब्रू 1:1

स्‍योंमा परमेश्‍वर खीए ताँ बिमिंबै म्हिमैंउँइँले ङ्योए खेमैंने ल्‍हें खे, ल्हें खालर्बै चिनुमैंउँइँले पोंइ।

हिब्रू 10:22

छतसि ङ्योए आछ्याँबै सैंमैं चोखो लसि पबित्र क्युइ ङ्योए ज्यु ख्रुमिंइ, छतसि छ्याँबै सैंइ खीए फिर बिश्‍वास लसि खीए फिर सैं केंसि ङ्यो परमेश्‍वरए उँइँर ह्‍याले।

हिब्रू 10:4

तलेबिस्याँ र क्युए कोइ म्हिमैंए पाप त्होल् आखाँ।

हिब्रू 12:24

छलेन क्हेमैं नेरो परमेश्‍वरए म्हाँजोर छारा बाछा फैमिंबै येशू ङाँर नेरो खीए पबित्र लमिंबै कोए ङाँर खइमुँ। येशूए कोजी हाबिलए कोइ भन्दा अझै छ्याँबै ताँ पोंम्।

हिब्रू 9:12

र-क्युए कोजी आङिं, दिलेया म्हिमैंए पाप क्षमा लबर ख्रीष्‍टजी ह्रोंसए को पिंसि म्हिमैंलाइ खोंयोंइ आखाँबै छ्ह पिंबै ल्हागिर तिखेर्न ताँन् भन्दा पबित्र क्ल्ह्‍योर होंइ।

हिब्रू 9:13

ओंसोंबै बाछार, र-क्यु, क्‍ल्‍या भाराए को नेरो क्‍ल्‍या भारालाइ ख्रोंबै मेब्रो म्‍हिमैंए फिर फ्रुँस्याँ चमैंए ज्यु चोखो तम् बिस्याँ।

हिब्रू 9:18

छतसि ओंसोंबै बाछा या को आबगेन् समा पक्‍का तल् आखाँ।

१ पत्रुस 1:2

येशू ख्रीष्‍टजी बिबै ताँ क्हेमैंइ ङिंसि खीए कोजी ख्रुमिंसि पबित्र प्ल्हउँइँले चोखो तबै ल्हागिर परमेश्‍वर आबाजी क्हेमैंलाइ स्योंमन् त्हाँल। क्हेमैं ताँनए फिर परमेश्‍वरए दयाम्हाँया नेरो शान्ति खोंयोंन् बिलै ल्हें ततै ह्‍यारिगे।