हिब्रू 9:10 - परमेश्‍वरए ताँ तमु क्युइर

¹⁰ तलेबिस्याँ चु सैमैं ताँन् चब्, थुँबै ल्हागिर नेरो ज्यु ख्रुसि चोखो लबै रोसमैं मत्त्रे ग। परमेश्‍वरउँइँले अर्को छारा ठिम आयुन् समा चु रोसमैंइ ज्युए ल्हागिर मत्‍त्रे के लम्।

हिब्रू 9:10 ပူးပေါင်းရင်းမြစ်များ

प्रस्थान 29:4

“च लिउँइँ हारून नेरो चए च्हमैं ङ टिबै पबित्र तम्बुए म्रा ङाँर पखसि चमैंलाइ ख्रुमिंन्।

प्रस्थान 40:12

“च लिउँइँ हारून नेरो चए च्हमैं पबित्र तम्बुए म्रार पखसि ख्रुबर ल्हैदिद्।

मर्कूस 7:4

झाइले बजारउँइँले खमा ह्रोंस आख्रुन् समा चमैंइ तोइ आचमल। धै थलि प्‍हेला भाँडमैं आम्‍यान् समा ह्‍योब् तेब आलबै छ्या मुँल।

गलाती 4:9

दिलेया तोगो क्‍हेमैंइ परमेश्‍वरलाइ ङो सेइमुँ - बिलन् त्हुमा: परमेश्‍वरजी क्‍हेमैंलाइ ङो सेइमुँ। परमेश्‍वर ङो सेसेया क्‍हेमैं तले ओंसोंन् म्हाँदिबै केर आफेबै सैमैंन् म्हाँदिसि धबै चु ह्‍युलर्बै छ्यामैंए न्होंर तदा ङ्हाँमुँ?

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

एफिसी 2:15

खीजी यहूदी नेरो अरू ह्रेंर्बै म्हिमैंलाइ क्ह्रिमिंसि छारा ह्रें घ्रि लबर खीए ज्युर यहूदीमैंए ठिम नेरो ठिमइ लद् बिबै ताँन् छ्यामैं म्हाँदिल् आत्हुब लमिंइ।

कलस्सी 2:16

छतसि चब-थुँब, चाड म्हाँदिब, औंसि नेरो प्रिबै त्हिंइ म्हाँदिबै बारेर क्‍हेमैंलाइ खाबज्‍यै छ्याब् आल्‍हैदिरिगे।

हिब्रू 10:22

छतसि ङ्योए आछ्याँबै सैंमैं चोखो लसि पबित्र क्युइ ङ्योए ज्यु ख्रुमिंइ, छतसि छ्याँबै सैंइ खीए फिर बिश्‍वास लसि खीए फिर सैं केंसि ङ्यो परमेश्‍वरए उँइँर ह्‍याले।

हिब्रू 13:9

क्‍हेमैं तब आतबै ताँमैं लोमिंबै म्हिमैंए लिलि आप्रद्। चु चल् तमु, चु चल् आत िबबै ताँ म्हिमैंइ बिबै ताँ मत्‍त्रे ग, बरु परमेश्‍वरए दयाम्हाँयाउँइँले ङ्योइ सैं भोंब् लबै ताँ छ्याँबै मुँ। चु चल् तमु, चु चल् आत िबबै ताँ ङिंब्मैंइ मुक्‍ति आयों, चमैंला बिब् धोंइ तोइ आतइमुँ।

हिब्रू 2:5

ङ्योइ ताँ लबै तारे खबै ह्‍युल परमेश्‍वरजी स्‍वर्गदूतमैंए योर आपिं।

हिब्रू 6:2

बप्‍तिस्मा बारेर्बै ताँमैं, यो थेंसि आशिक पिंबै ताँमैं, परमेश्‍वरजी म्हिमैं सिबउँइँले धबै सोगों लमिंबै ताँमैं धै परमेश्‍वरजी म्हिमैंए निसाफ लमा खोंयोंइ दण्ड योंरिल् त्हुम् बिबै ताँमैं लाछेंरि आटिले।

हिब्रू 6:5

धै परमेश्‍वरए ताँ छ्याँब मुँ बिसि था सेइमुँ, धै तारे तखबै जुगर परमेश्‍वरजी लबै शक्‍तिए केमैं या सेल् खाँइमुँ,

हिब्रू 7:12

ख्रो पिंबै खेगि फेर्दिस्‍याँ ठिमै या फेर्दिलन् त्‍हुम्।

हिब्रू 7:16

म्‍हिमैंइ बनेबै ठिमर बिब् धोंले नेरो म्‍हिमैंए रोस अनुसार येशू ख्रो पिंबै खेगि तब आङिं, बरु खोंयोंइ आखाँबै छ्ह पिंबै भोंउँइँले खी ख्रो पिंबै खेगि तइमुँ।

हिब्रू 9:1

ओंसोंबै बाछार परमेश्‍वरए मिं क्वेबर ओलेबै ठिममैं नेरो परमेश्‍वर म्हाँदिबै ल्हागिर म्हिमैंइ बनेबै पबित्र क्ल्‍ह्‍यो घ्रि या मुँल।