हिब्रू 8:9 - परमेश्‍वरए ताँ तमु क्युइर

⁹ चु बाछा ङइ चमैंए खेमैं-माँमैंने फैबै बाछा धोंब तरिब् आरे। च त्हेरि ङइ चमैंए यो क्‍हासि मिश्र ह्‍युलउँइँले डोरेसि पखल। दिलेया ङइ फैबै बाछाए ताँमैंर चमैं दरले टिल् आखाँ। छतसि ङइ चमैंए वास्‍ता आल,” बिसि याहवहजी बिइमुँ।

हिब्रू 8:9 ပူးပေါင်းရင်းမြစ်များ

उत्पत्ति 19:16

दिलेया लोतइ क्हैल् लरिमा याहवेहजी चमैंए फिर ल्हयो खसि स्वर्गदूतमैंइ लोत, चए प्ह्रेंस्यो नेरो च्हमि ङ्हिंए यो क्हासि च क्ल्ह्‍योउँइँले बैरु पखइ।

भजनमैं 105:43

खीजी ह्रोंसइ त्हाँबै म्हिमैंलाइ सैं तोंन् लदै जयजय बिदै ओरदै पखइ।

भजनमैं 77:20

मोशा नेरो हारूनए योउँइँले क्हिजी ह्रोंसए म्हिमैं क्युमैंए बगल धोंले डोरेइ।

भजनमैं 78:57

चमैं ह्रोंसए खेबाज्युमैं धोंले बाछा फुवाब् नेरो धोका पिंब्मैं तइ, धै भर लल् आखाँबै न्होंयाबै मेत्हले धों तब् मुँल।

प्रस्थान 32:8

ङइ प्रबर ल्हैदिबै घ्याँ चमैंइ च्हौ युनन् पिवासि अर्कोन् घ्याँ प्रइमुँ। चमैंइ ह्रोंसए ल्हागिर क्ल्या भाराए कु बनेसि चलाइन म्हाँदिसि ख्रो पिंसि, ‘ओ इस्राएलीमैं, क्हेमैंलाइ मिश्र ह्‍युलउँइँले तेइ पखबै क्हेमैंए देवता चुन् ग’ बिइमुँ।”

प्रस्थान 34:10

याहवेहजी मोशाने बिइ, “थेद्, ङ इस्राएलीमैंने बालु बाछा घ्रि फैम्। क्हिए म्हिमैंए ओंसों ङ औदिबै केमैं लब्मुँ। छाबै के पृथ्‍बीर्बै खाब् ह्रेंमैंए ङाँर आलइमुँ। ङ याहवेहजी क्हिए ल्हागिर छाबै औदिबै के लमना बिसि क्हिने बालु मुँबै म्हिमैंइ म्रोंब्मुँ।

मर्कूस 8:23

छलमा येशूजी च मि आम्रोंबै म्‍हिए योर क्‍हासि नाँसउँइँले बैरु बोइ। झाइले चए मिर तु फोमिंसि चए मिर ह्रोंसए यो थेंसि “क्‍हिइ म्रोंल् खाँम् उ आखाँ?” बिसि चने ङ्योएइ।

चेला चिब्मैंए केमैं 13:11

तारे ङ्‍ह्‍योद्, प्रभुए यो क्हिए फिर फेइमुँ! तारे क्हि तिस्याँदे समा त्हिंयाँए ह्‍वे म्रोंल् आखाँसि कन तयाब्मुँ।” छबिबै तोंदोंन् म्हस्यो नेरो मिछु खैबइ चए मि हुवाइ। छतमा खाबज्यै चए यो क्हासि डोरेमिंम् उ ङ्हाँसि च छाम-छुम् लबर होंइ।

चेला चिब्मैंए केमैं 7:36

चु मोशाइन मिश्र ह्‍युलर, ओल्ग्या मा ङ्युँइर, नेरो क्यु आयोंबै क्ल्ह्‍योरि प्लिच्यु बर्ष समन् औदिबै के नेरो चिनुमैं उँइँसि चमैं मिश्रउँइँले बैरु तेमिंइ।

चेला चिब्मैंए केमैं 9:8

शाऊल रेसि मि ङ्‍ह्‍योमा चइ तोइ म्रोंल आखाँल। छतमा चने ह्‍याबै थुमैंइ च डोरेसि दमस्कसर पखइ।

गलाती 4:24

चु च्हमिरि ङ्हिंउँइँले ङ्योइ छले क्होल् खाँम्: च च्हमिरि ङ्हिंए मतलब बाछा ङ्हिं ग। हागार बिबै केब्स्‍योए मतलब सिनै बिबै कोंउँइँले युबै बाछा ग। च केब्स्‍योइ केब्छैं तल् त्हुबै प्‍हसेमैं फिल।