हिब्रू 8:7 - परमेश्‍वरए ताँ तमु क्युइर

⁷ ओंसों फैबै बाछा केर फेस्याँ चए क्ल्ह्‍योरि अर्को बाछा आचैदिमल।

हिब्रू 8:7 ပူးပေါင်းရင်းမြစ်များ

गलाती 3:21

छ बिस्‍याँ ठिम परमेश्‍वरजी फैबै बाछाए बिरोधर तइ वा? आत, छाबै ताँ कत्ति तल् आखाँ! म्हिमैंइ खोंयोंइ आखाँबै छ्ह योंरिगे बिसि ठिम पिंब् ग बिस्याँ, ठिमइ लद् बिबै केमैं लसिन् म्हिमैं परमेश्‍वरए उँइँर ठिक ठर्दिमल।

हिब्रू 7:11

परमेश्‍वरजी मोशाए योउँइँले ठिम ङयोए इस्राएली म्हिमैं पिंमा खीजी लेबीए कुलर्बै म्हिमैंलाइ “ख्रो पिंबै खेगिमैंए के लद्,” बिबै ठिमै या पिंल। दिलेया लेबीए कुलर्बै ख्रो पिंबै खेगिमैंइ लबै केउँइँले म्हिमैं पबित्र तल् खाँस्‍याँ अरू खालर्बै ख्रो पिंबै खेगि, प्रभु येशू ख्रीष्‍टन्, युल् आत्‍हुमल। येशू हारूनए खलकर्बै आङिं, मेल्‍किसेदेक धों तबै ख्रो पिंबै खेगि ग।

हिब्रू 7:18

स्योंम्बै ठिम तोइ लल् आखाँब नेरो केर आफेब मुँ। छतसि परमेश्‍वरजी च ठिम मेटिदिवाइमुँ,

हिब्रू 8:6

दिलेया च ओंसों फैबै बाछा भन्दा प्रभु येशूजी म्‍हिमैंए ल्हागिर लमिंबै बाछा झन् थेब मुँ। छतसि परमेश्‍वर नेरो म्‍हिमैं न्होंरि येशूजी लमिंबै बाछा ओंसोंबै बाछा भन्दा छ्याँब मुँ। छलेन स्‍योंम्‍बै खेगिमैंइ भन्दा येशूजी झन् बेल्‍ले थेबै के लइमुँ।