हिब्रू 8:2 - परमेश्‍वरए ताँ तमु क्युइर

² धै खेगि क्रथे तसि येशूजी स्‍वर्गर्बै क्ह्रोंसेंन्बै ताँन् भन्दा पबित्र क्ल्ह्‍योरि सेवा लम्। च पबित्र क्ल्ह्‍यो म्‍हिइ बनेब आङिं, दिलेया प्रभु परमेश्‍वरजी बनेब ग।

हिब्रू 8:2 ပူးပေါင်းရင်းမြစ်များ

प्रस्थान 25:9

ङइ क्हिने उँइँबै नमुना धोंले क्हिइ पबित्र तम्बु नेरो चर चैदिबै ताँन् सैमैं बनेद्।

प्रस्थान 28:1

“ङए ल्हागिर खेगि (पुजारि) के लरिगे बिसि इस्राएलीमैंए म्हाँजोउँइँले क्हिए आघें हारून नेरो चए च्हमैं नादाब, अबिहू, एलाजार नेरो इताममार क्हि ङाँर हुइद्।

प्रस्थान 28:35

हारूनइ खेगि के लमा च क्वें खिरिगे। च पबित्र क्ल्ह्‍योर ङए ओंसों खमा बैरु त्होंमा स्योंए कै थेब्मुँ धै च सिरिब् आरे।

प्रस्थान 33:7

म्हिमैं टिबै ब्यारेकउँइँले ल्हें ह्रेंगो मोशाइ तम्बु घ्रि टौंदिमल। च तम्बुलाइ मोशाइ याहवेहने त्होबै तम्बु बिमल, धै याहवेहने त्होदा ङ्हाँब्मैं च तम्बुर ह्‍यामल।

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

रोमी 15:8

तलेबिस्याँ ङ क्हेमैंने बिमुँ, यहूदीमैंए खेमैंने परमेश्‍वरजी फैबै बाछा पूरा लबै ल्हागिर परमेश्‍वर क्ह्रोंसेंन्ले भर लल् खाँब मुँ बिसि उँइँबर येशू ख्रीष्‍टजी यहूदीमैंलाइ ल्होमिंइ।

२ कोरिन्थी 5:1

चु ङ्योए ज्यु नास तयाम् बिसि ङ्योइ सेइमुँ। दिलेया परमेश्‍वरजी खोंयोंइ नास आतबै स्‍वर्गर्बै धिं ङ्योए ल्हागिर बनेथेंइमुँ। च धिं म्‍हिमैंइ बनेब आङिं, परमेश्‍वरजीन् ङ्योए ल्हागिर बनेमिंब् ग।

कलस्सी 2:11

ख्रीष्‍टए फिर बिश्‍वास लसि क्हेमैं ज्युर चिनु लब् धोंन् तइ। दिलेया च ज्युर चिनु लब म्‍हिमैंइ लब आङिं, ख्रीष्‍टजी लबै सैंर्बै चिनु ग। ख्रीष्‍टजी च सैंर्बै चिनु लमा क्हेमैंए सैंर्बै आछ्याँबै सिमैं थोवाइ।

हिब्रू 10:11

यहूदी ख्रो पिंबै खेगिमैंइ त्हिंइ ह्रोंसे ख्रो पिंमुँ। दिलेया छाबै ख्रोइ म्‍हिमैंए पाप खोंयोंइ त्होल् आखाँ।

हिब्रू 10:21

परमेश्‍वरए म्‍हिमैंलाइ छेनाले छैं लबै ल्हागिर ङ्योए खेगि क्रथे घ्रि मुँ।

हिब्रू 11:10

तलेबिस्याँ परमेश्‍वरजीन् बनेबै खोंयोंइ बिलै तरिबै जग मुँबै सहरए घ्याँ अब्राहामइ ङ्ह्‍योरिल।

हिब्रू 9:1

ओंसोंबै बाछार परमेश्‍वरए मिं क्वेबर ओलेबै ठिममैं नेरो परमेश्‍वर म्हाँदिबै ल्हागिर म्हिमैंइ बनेबै पबित्र क्ल्‍ह्‍यो घ्रि या मुँल।

दर्शन 21:3

धै राजगद्दिउँइँले थेबै कैले छ बिब ङइ थेइ, “तारे परमेश्‍वर म्‍हिमैंने टिब्‍मुँ, झाइले चमैं खीए म्‍हिमैं तब्‍मुँ। परमेश्‍वर खीन् चमैंने तब्‍मुँ, धै खी चमैंए परमेश्‍वर तब्मुँ।