हिब्रू 8:12 - परमेश्‍वरए ताँ तमु क्युइर

¹² चमैंए पापमैं ङइ क्षमा लमिंब्‍मुँ, धै चमैंए आछ्याँबै केमैं ङइ धबै मैंरिब् आरे।”

हिब्रू 8:12 ပူးပေါင်းရင်းမြစ်များ

भजनमैं 25:7

ओ याहवेह, ङए फ्रेंसिर्बै पापमैं नेरो ङइ लबै आछ्याँबै केमैं आमैंमिंन्; क्हि खोंयोंन् बिलै म्हाँया लबै परमेश्‍वर ग, छतसि ङलाइ आम्‍लेमिंन्, तलेबिस्याँ क्हिए सैं छ्याँब मुँ।

भजनमैं 65:3

ङिइ छेरन् ङ्हाँबै केमैं लसि पापर प्ल्हुँरिम ङिए अपराधमैं क्हिजी क्षमा लमिंइ।

रोमी 11:27

ङइ चमैंए पाप मेटिदिसि चमैंने बालु फैबै बाछा पूरा लमिंब्‍मुँ।”

एफिसी 1:7

ङ्योइ लबै पाप त्होमिंबै ल्हागिर ख्रीष्‍टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्‍वरए दयाम्हाँया बेल्‍ले थेब् मुँ!

कलस्सी 1:14

खीजीन् ङ्योए पाप क्षमा लमिंसि ङ्यो जोगेमिंइमुँ।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।