हिब्रू 8:10 - परमेश्‍वरए ताँ तमु क्युइर

¹⁰ “दिलेया चु त्‍हिंइ लिउँइँ, बिसि याहवहजी बिइमुँ। ङ इस्राएलए सन्तानमैंने छाबै बाछा फैब्‍मुँ: चमैंए सैंर ङए ठिम थेंमिंब्‍मुँ, धै चमैंए खोंर च ठिममैं प्‍ह्रिमिंब्‍मुँ। ङ चमैंए परमेश्‍वर तब्‍मुँ, धै चमैं ङए म्हिमैं तब्‍मुँ।

हिब्रू 8:10 ပူးပေါင်းရင်းမြစ်များ

प्रस्थान 24:4

झाइले मोशाइ याहवेहए ताँन् ताँमैं प्ह्रिइ। धै प्हँन्हाँग्धों न्हाँकर्न रेसि मोशाइ कोंए जरर ख्रो पिंबै क्ल्ह्‍यो घ्रि बनेसि चर इस्राएलए कुल घ्रि-घ्रि ल्हागिर घ्रि-घ्रि लसि च्युसे ङ्हिं युँमा क्योइ।

प्रस्थान 24:7

च लिउँइँ मोशाइ याहवेहजी ल्हैदिबै ताँ प्ह्रिबै कितब किंसि म्हिमैंए उँइँर थेबै कैले खेमिंमा “याहवेहजी ल्हैदिबै ताँन् ताँमैं ङिं लब्मुँ,” बिसि चमैंइ बिइ।

प्रस्थान 34:1

याहवेहजी मोशाने बिइ, “ओंसोंबै धोंलेन् युँमाए प्लना ङ्हिं थोसि पखो। क्हिइ ओंसों तिवाबै युँमाए प्लनार प्ह्रिबै ताँमैं च युँमाए प्लनार ङइ प्ह्रिब्मुँ।

प्रस्थान 34:27

याहवेहजी मोशाने बिइ, “चु ताँमैं प्ह्रिद्, तलेबिस्याँ चु ताँ धोंलेन् क्हि नेरो इस्राएलीमैंने ङइ बाछा फैइमुँ।”

मत्ती 22:32

‘ङ अब्राहाम, इसहाक नेरो याकूबए परमेश्‍वर ग।’ परमेश्‍वर सियाबै म्‍हिमैंए परमेश्‍वर आङिं, सोगोंमैंए परमेश्‍वर ग।”

रोमी 11:27

ङइ चमैंए पाप मेटिदिसि चमैंने बालु फैबै बाछा पूरा लमिंब्‍मुँ।”

१ कोरिन्थी 6:16

फ्यालुस्योने प्रबै म्हि ज्युरै या चनेन् क्ह्रिम् बिब क्‍हेमैंइ आसे वा? तलेबिस्याँ “चमैं ङ्हिं ज्यु घ्रिन् तब्‍मुँ।” बिसि परमेश्‍वरए छ्वेर बिइमुँ।

२ कोरिन्थी 3:3

ङिइ लबै केमैंए रो नेरो ख्रीष्‍टजी प्‍ह्रिबै प्ह्रिछ्या क्‍हेमैंन् ग। मसिइ प्‍ह्रिबै प्ह्रिछ्या क्हेमैं आङिं, क्हेमैंने मुँबै प्ह्रिछ्या खोंयोंन् बिलै तरिबै परमेश्‍वरए प्ल्हजी प्‍ह्रिब् ग। चु युँमा प्‍लानर प्ह्रिब् धोंबै प्ह्रिछ्या आङिं, क्‍हेमैंए खोंर्न प्‍ह्रिथेंबै प्ह्रिछ्या ग।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 11:16

बरु चमैंल झन् छ्याँबै ह्‍युल, अथवा स्‍वर्गर, ह्‍याबै सैं मुँल। छतसि परमेश्‍वर “चमैंए परमेश्‍वर ग” बिबर फा आपिल, तलेबिस्याँ खीजी चमैंए ल्हागिर सहर घ्रि तयार लथेंइमुँ।

याकूब 1:18

खीजी बनेबै ताँन् सैमैं न्‍होंर ङ्यो ओंसोंबै रो धों तरिगे बिसि खीए सैंर मैंब् धोंले खीए क्‍ह्रोंसेंन्‍बै ताँउँइँले ङ्यो खीए प्‍हसेमैं तल् पिंइ।

याकूब 1:21

छतसि ताँन् आछ्याँबै ताँ नेरो दुष्‍ट केमैं लब पिवाद्, बरु परमेश्‍वर म्हाँदिसि खीए छ्वेर बिबै ताँ क्हेमैंए सैंर थेंसि च्योंने तद्। छलस्याँ क्‍हेमैं जोगेब्मुँ।

१ पत्रुस 1:23

तलेबिस्याँ क्‍हेमैंइ परमेश्‍वरए खोंयोंइ तरिबै सोगों बचनउँइँले खोंयोंइ आखाँबै छ्ह योंइमुँ। चु छ्ह क्‍हेमैंए आबा-आमाउँइँले योंब आङिं, खोंयोंन् बिलै तरिबै सोगों बचनउँइँले छारा तसि क्‍हेमैं फिइमुँ।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।