हिब्रू 7:3 - परमेश्‍वरए ताँ तमु क्युइर

³ च मल्‍किसेदेकल आबा, आमा नेरो खेमैंए बारेर तोइ था आरे। छलेन फिब नेरो सिबए बारेरै या तोइ था आरे। दिलेया परमेश्‍वरए च्‍ह धोंलेन् च खोंयोंइ बिलै ख्रो पिंबै खेगि तरिम्।

हिब्रू 7:3 ပူးပေါင်းရင်းမြစ်များ

प्रस्थान 6:18

कहातए च्हमैं अम्राम, यिसहार, हेब्रोन नेरो उज्जीएल मुँल। (कहात प्रसे सोंच्युसे सोंदि समा सोइ।)

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

हिब्रू 4:14

छतसि मु थोंसि ह्‍याबै परमेश्‍वरए च्ह येशू ङ्योए ल्हागिर ख्रो पिंबर युबै खेगि क्रथे तबइले ङ्योइ म्हाँदिरिबै बिश्‍वास जोगेसि थेंले।

हिब्रू 7:1

चु मल्‍किसेदेक शालेम बिबै सहरर्बै म्रुँ नेरो ताँन् भन्दा थेबै परमेश्‍वरए मिंर ख्रो पिंबै खेगि मुँल। अब्राहामइ म्रुँमैंलाइ ट्होइ एखमा मेल्‍किसेदेकइ चने त्‍होसि आशिक पिंल।

हिब्रू 7:17

तलेबिस्याँ खीए बारेर परमेश्‍वरए छ्वेर छ बिइमुँ: “क्हि मेल्‍किसेदेक धोंलेन् खोंयोंइ तरिबै ख्रो पिंबै खेगि ग।”

हिब्रू 7:2

अब्राहामइ चने मुँबै ताँन् सैउँइँले च्युबाँरि तिबाँ मेल्‍किसेदेकलाइ पिंइ। (मल्‍किसेदेक बिबै मिंए ओंसोंबै अर्थ हिब्रू क्‍ह्‍युइरि “ठिक के लबै म्रुँ,” धै शालेम सहरर्बै म्रुँ तसि खी “शान्‍ति पिंबै म्रुँ,” ग।)

हिब्रू 7:6

दिलेया मल्‍किसेदेक लेबीए कुलर्बै म्‍हि आङिंलैया खीजी अब्राहामउँइँले च्युबाँर्बै तिबाँ किंइ। परमेश्‍वरजी अब्राहामने बाछा फैसि ङइ आशिक पिंम् बिइ। धै मल्किदेसकजी अब्राहामलाइ आशिक पिंइ।