हिब्रू 7:27 - परमेश्‍वरए ताँ तमु क्युइर

²⁷ अरू ख्रो पिंबै खेगि क्रथेमैंइ त्हिंइ ह्रोंसे ओंसों ह्रोंसए पाप त्होमिंबै ल्हागिर, झाइले लिउँइँ म्‍हिमैंए पाप त्होमिंबै ल्हागिर ख्रो पिंरिल् त्‍हुरिल। दिलेया येशू चमैं धोंले आङिं। खीजी खोंयोंइ तरिबै ख्रोए ल्हागिर तिखेर्न क्रूसर सिसि ह्रोंसइन चु के लमिंइ।

हिब्रू 7:27 ပူးပေါင်းရင်းမြစ်များ

रोमी 6:10

पाप नास लवाबै ल्हागिर ख्रीष्‍ट तिला सिमिंइ, दिलेया ख्रीष्‍ट धबै सोसि परमेश्‍वरए सैंर मैंब् धोंबै के लसिन् टिरिइमुँ।

एफिसी 2:22

छले ख्रीष्‍टने घ्रिन् तबइले क्हेमैं अरू ह्रेंमैंलाज्यै या परमेश्‍वरए पबित्र प्ल्ह टिबै धिं बनेसिन् मुँ।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 5:1

ताँन् ख्रो पिंबै खेगि क्रथेमैं म्‍हिमैंउँइँले त्‍हाँम्, धै म्हिमैंए पाप क्षमा लबै ल्हागिर परमेश्‍वरए मिंर भेटि नेरो ख्रो पिंबर खटिदिम्।

हिब्रू 5:3

छतसि चइ म्हिमैंए पाप क्षमा लबर मत्‍त्रे ख्रो पिंब आङिं, ह्रोंसए पाप क्षमा तरिगे बिसेया ख्रो पिंल् त्‍हुम्।

हिब्रू 8:4

खी चु पृथ्‍बीर्न मुँरिस्याँम् ख्रो पिंबै खेगि आतमल, तलेबिस्याँ ठिमर बिब् धोंले भेटि पिंबै ल्हागिरि लेबीए कुलर्बै ख्रो पिंबै खेगिमैं चुर्न मुँ।

हिब्रू 9:12

र-क्युए कोजी आङिं, दिलेया म्हिमैंए पाप क्षमा लबर ख्रीष्‍टजी ह्रोंसए को पिंसि म्हिमैंलाइ खोंयोंइ आखाँबै छ्ह पिंबै ल्हागिर तिखेर्न ताँन् भन्दा पबित्र क्ल्ह्‍योर होंइ।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

हिब्रू 9:25

यहूदी ख्रो पिंबै खेगि क्रथे पृथ्‍बीर्बै “ताँन् भन्दा पबित्र क्‍ल्‍ह्‍योर” सालर तिला खेदोए को बोसि ह्‍यामल। दिलेया येशू ख्रीष्‍ट बिस्याँ खीए ज्यु ख्रो पिंबर घरि घरि ह्‍याल् आत्हु।

हिब्रू 9:26

ख्रो पिंबर ह्‍याब्रे लल् त्हुस्याँम् खी ह्‍युल बनेबै त्हे ओंनोंन् ल्हें खे दुःख नोब्रें लल् त्‍हुमल। दिलेया म्हिमैंए पाप क्षमा लमिंबर खोंयोंइ बिलैए ल्हागिर ख्रीष्‍ट तिब्‍ले मत्‍त्रे खीए ज्युलाइ ख्रों पिंबर चु जुग नुबै त्हेर युइमुँ।

हिब्रू 9:28

छलेन ल्‍हें म्‍हिमैंए पाप त्होमिंबर ख्रीष्‍ट या तिब्‍ले ख्रो तसि सिमिंइ। दिलेया खी धबै युब्‍मुँ। च त्हेर खी म्हिमैंए पाप त्होमिंबै ल्हागिर आङिं, दिलेया सैं तोंदै खीलाइ ह्रेरिब्मैंलाइ जोगेमिंबर युब्‍मुँ।

हिब्रू 9:7

दिलेया ताँन् भन्दा न्होंर्बै पबित्र क्ल्ह्‍योर ख्रो पिंबै खेगि क्रथे मत्‍त्रे बर्षर तिब्ले ह्‍याल् योंमल। खेगि क्रथे चर ह्‍यामा कोइ या बोसि ह्‍याल् त्हुमल, तलेबिस्याँ ह्रोंसइ लबै पापए ल्हागिर नेरो म्हिमैंइ था आसेन्ले लबै पापए ल्हागिर को पिंल् त्हुमल।