हिब्रू 7:25 - परमेश्‍वरए ताँ तमु क्युइर

²⁵ छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

हिब्रू 7:25 ပူးပေါင်းရင်းမြစ်များ

यूहन्‍ना 14:13

क्हेमैंइ ङए मिंर तो ह्रिलैया च्हउँइँले आबाए मान तरिगे बिसि क्हेमैंइ ह्रिबै सैमैं ङइ पूरा लमिंब्मुँ।

यूहन्‍ना 14:16

झाइले ङ आबाने यो छ्युँ लब्मुँ, धै खीजी क्हेमैं ङाँर अर्को ल्होमिंबै थु कुलब्मुँ। धै खी क्हेमैंने खोंयोंन् बिलै तरिब्‍मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

रोमी 5:10

तलेबिस्याँ ङ्यो परमेश्‍वरए शत्तुर मुँमन् खीए च्‍ह येशू ख्रीष्‍ट सिमिंबइले परमेश्‍वरजी ङ्यो खीए म्हिमैं तल् पिंइमुँ बिस्याँ, खीए म्हिमैं तबइले झन् ख्रीष्‍टए कोजी ङ्योलाइ खैलेबिलेन् जोगेमिंब्मुँ।

रोमी 5:2

खीए फिर बिश्‍वास लबइले ङ्योइ खीए दयाम्हाँया योंइमुँ। परमेश्‍वरए दयाम्हाँया तोगो ङ्योइ योंइमुँ, छतसि ङ्योइ परमेश्‍वरए चारबै ह्‍वे योंम् बिबै आशा थेंसि ङ्यो सैं तोंम्।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

१ कोरिन्थी 1:21

तलेबिस्याँ परमेश्‍वरए बुद्धिउँइँलेन् म्‍हिमैंइ ह्रोंसने बुद्धि मुँब् धों ङ्हाँलेया चमैंइ खेंमैंए “बुद्धिउँइँले” खीलाइ ङो सेल् आखाँ। छतसि ङ्योइ बिप्रबै सैं तोंबै ताँउँइँलेन् खीजी ह्रोंसए फिर बिश्‍वास लब्‍मैंलाइ जोगेबै चाँजो लइ।

एफिसी 2:18

यहूदीमैं मुँलेया अरू ह्रेंमैं मुँलेया ङ्यो ताँनइ पबित्र प्ल्ह घ्रिउँइँलेन् परमेश्‍वर आबा ङाँर ह्‍याल् योंइमुँ।

एफिसी 3:12

छले ङ्यो ख्रीष्‍टने घ्रिन् तसि खीए फिर बिश्‍वास लबइले ङ्यो तिफुँइ आङ्हिंन्‍ले परमेश्‍वर ङाँर ह्‍याल् योंइमुँ।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

फिलिप्पी 3:21

च त्हेर खीजी ङ्योए केर आफेबै ज्युलाइ खील् धों तबै ज्यु लमिंब्मुँ। खीजी खैले ताँन् सैमैं खीए न्होंर थेंल् खाँमुँ, छलेन ङ्योए केर आफेबै ज्यु या फेर्दिवासि खील् धों तबन् लमिंब्‍मुँ।

१ तिमोथी 2:5

तलेबिस्याँ परमेश्‍वर घ्रि मत्‍त्रेन् मुँ, धै परमेश्‍वर ङाँर फेनबै घ्‍याँ या घ्रि मत्‍त्रे मुँ। च घ्‍याँ येशू ख्रीष्‍ट बिबै म्हि ग।

२ तिमोथी 1:12

छतसि तोगो ङइ चु दुःखमैं नोरिइमुँ, दिलेया ङ फापिसि सैं च्योंब् आल। तलेबिस्याँ ङइ खाबै फिर बिश्‍वास लइमुँ बिब ङइ सेइमुँ, ङलाइ ढुक्‍का मुँ तो सैमैं ङइ खीने थेंल् पिंइमुँ, च सैमैं खीजी छेनाले थेंमिंम्।

हिब्रू 11:6

बिश्‍वास आलल्‍ले खाबज्‍यै या परमेश्‍वरलाइ सैं तोंन् लल् आखाँ। तलेबिस्याँ खाउ म्हि परमेश्‍वरए चेंदो खमुँ च म्हिइ “परमेश्‍वर क्ह्रोंसेंन मुँ धै खीलाइ म्‍हैब्मैंलाइ खीजी इनाम पिंब्‍मुँ,” बिसि बिश्‍वास लल् त्‍हुम्।

हिब्रू 13:15

छतसि येशूए मिंउँइँले परमेश्‍वरए सैं तोंबै ख्रो खोंयोंन् बिलै ङ्योइ पिंरिले। “येशू ङए प्रभु ग,” बिब्मैंइ परमेश्‍वरए छ्याँबै बयन लदै पोंस्याँ, चुन् ङ्योइ परमेश्‍वरए मिंर पिंबै ख्रो धों तब् ग। छले ङ्योइ येशू ख्रीष्‍टन् प्रभु ग बिबन् परमेश्‍वरए सैं तोंन् लबै ख्रो ग।

हिब्रू 2:18

तलेबिस्याँ खीजी ह्रोंसजीन् थेबै दुःख नोल् त्हुइ दिलेया दुःखलाइ खीजी ट्होवाइ, छतसि दुःख तब्मैंलाइ खीजी ल्होमिंल् खाँम्।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।

हिब्रू 7:16

म्‍हिमैंइ बनेबै ठिमर बिब् धोंले नेरो म्‍हिमैंए रोस अनुसार येशू ख्रो पिंबै खेगि तब आङिं, बरु खोंयोंइ आखाँबै छ्ह पिंबै भोंउँइँले खी ख्रो पिंबै खेगि तइमुँ।

हिब्रू 7:19

तलेबिस्याँ ओंसोंबै ठिमइ तोइ के पक्‍का लल् आखाँ। तारे चए क्ल्ह्‍योर च भन्दा छ्याँबै आशा मुँबै ठिम तइमुँ। च घ्‍याँउँइँले ङ्यो परमेश्‍वरए ङाँर फेनेल् खाँम्।

हिब्रू 7:24

दिलेया येशू बिस्याँ खोंयोंइ बिलै सोगों तबइले खी खोंयोंन् बिलै खेगि क्रथे तरिब्मुँ।

हिब्रू 7:8

छुइ सिल् त्हुबै म्हिमैंइ च्युबाँर्बै तिबाँ किंम्। छाइ मल्किदेसकजी च्युबाँर्बै तिबाँ किंइ, धै खीए बारेर “खोंयोंन् बिलै सोरिम्” बिबै ताँ मुँ।

हिब्रू 9:24

ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।

यहूदाइ प्‍ह्रिबै प्ह्रिछ्या 1:24

क्‍हेमैंलाइ पापर च्होवाबै सैउँइँले परमेश्‍वरजी जोगेल् खाँम्, धै तोइ छ्याब् आरेब् लमिंसि परमेश्‍वरए उँइँर सैं तोंन्ले टिल् योंब लमिंल् खाँम्।