हिब्रू 7:21 - परमेश्‍वरए ताँ तमु क्युइर

²¹ दिलेया येशू बिस्याँ कसम चबइले ख्रो पिंबै खेगि तब् ग, तलेबिस्याँ खीए बारेर परमेश्‍वरजी बिइमुँ, “याहवेहजी खीए सैं खोंयोंइ या फेर्दिरिब् आरे बिसि कसम चइमुँ: ‘क्हि खोंयोंइ बिलै ख्रो पिंबै खेगि तरिब्‍मुँ।’”

हिब्रू 7:21 ပူးပေါင်းရင်းမြစ်များ

भजनमैं 110:4

“मल्किसेदेकए पदरि क्हि खोंयोंन् बिलै खेगि तब्मुँ,” बिसि याहवेहजी कसम चइमुँ। खीए सैं फेर्दिरिब् आरे।

रोमी 11:29

तलेबिस्याँ परमेश्‍वरजी खीजी त्‍हाँबै म्हिमैंलाइ युगुर्ले आत्‍याग्‍दि, धै खीजी पिंबै आशिकमैं या आप्हें।

हिब्रू 5:6

अर्को क्‍ल्‍ह्‍योरै या परमेश्‍वरजी छ बिइमुँ, “मल्‍किसेदेक ख्रो पिंबै खेगि तब् धोंले क्हि खोंयोंइ बिलै खेगि तब्‍मुँ।”

हिब्रू 7:17

तलेबिस्याँ खीए बारेर परमेश्‍वरए छ्वेर छ बिइमुँ: “क्हि मेल्‍किसेदेक धोंलेन् खोंयोंइ तरिबै ख्रो पिंबै खेगि ग।”

हिब्रू 7:20

खीलाइ परमेश्‍वरजी कसम चसि खेगि तबर त्हाँब् ग। परमेश्‍वरजी छाबै कसम आचन्ले ओंसोंबै ख्रो पिंबै खेगिमैं त्हाँल।

हिब्रू 7:23

झाइले अर्को ताँ, ओंसों लेबीए कुलर्बै ख्रो पिंबै खेगिमैं ल्‍हेन् मुँल, तलेबिस्याँ चमैं सियासि चमैंइ लबै के युगुर्ले लल् आखाँल।

हिब्रू 7:28

मोशाइ प्ह्रिबै ठिमइ भों आरेबै म्‍हिमैं ख्रो पिंबै खेगि क्रथे तबर त्हाँइ, दिलेया ठिम पिंबै लिउँइँ परमेश्‍वरजी कसम चसि पोंबै बचनइ खोंयोंइ तरिबै पक्‍का खेगि क्रथेए ल्हागिर खीए च्‍हलाइ त्हाँइ।