हिब्रू 6:8 - परमेश्‍वरए ताँ तमु क्युइर

⁸ दिलेया चइ पुजु नेरो क्ह्रुमैं म्‍लोइ बिस्याँ च तो केरै आफे, धै परमेश्‍वरउँइँले चइ सराप योंल् खाँम्। लिउँइँ च मिर ख्रोंवाम्।

हिब्रू 6:8 ပူးပေါင်းရင်းမြစ်များ

उत्पत्ति 4:11

क्हिइ सराप योंइमुँ। तारे क्हिइ सर खेति लल् योंरिब आरे। क्हिइ अलि सैवामा सइ सुँ फैइ। क्हिए अलिए कोइ स प्हाँइमुँ।

उत्पत्ति 5:29

चइ ह्रोंसए च्हए मिं नोआ थेंसि बिइ, “याहवेहजी सलाइ सराप पिंल। दिलेया च सउँइँलेन् ङ्योइ लबै केउँइँले चु कोलोइ भों न्हल् पिंब्मुँ।”

भजनमैं 107:34

धै मलिलो सलाइ चज ङ्हाँबै ह्रुखो लमिंइ। चर टिबै म्हिमैंइ आछ्याँबै केमैं लबइले छ तब् ग।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 3:10

तोगोंन् सिं धुँर त फेल् खाँइँमुँ। छतसि छ्याँबै रो आरोबै ताँन् सिंधुँ परमेश्‍वरजी थोवाब्मुँ, धै मिर ख्रोंवाब्‍मुँ।

मत्ती 7:19

छतसि म्हिमैंइ छ्याँब रो आरोबै ताँन् धुँमैं थोवासि मिर भ्योवाम्।

मर्कूस 11:14

छाब् म्रोंसि खीजी च तुँबुए धुँने बिइ, “तारे क्हिउँइँले खाबज्यै रोमैं चल् आयोंरिगे।” छ बिब खीए चेलामैंइ थेइ।

मर्कूस 11:21

छतब म्रोंसि पत्रुसइ तेल्‍बै ताँ मैंसि येशूने बिइ, “ओ गुरु, ङ्‌ह्‍योत्ति, क्‍हिजी सराप झोंबै तुँबुए धुँम् कारह्‍यान।”

यूहन्‍ना 15:6

ङने आटिब्मैं बिस्याँ रोमैं आरोबै हाँग धोंले बैरु भ्योंवाब्मुँ, धै कारयाब्मुँ। छाबै हाँगमैं म्हिमैंइ खागु लसि मिर ख्रोंवाब्मुँ।

हिब्रू 10:27

बरु ङ्हिंन् ङ्हाँबै दण्ड पैंसि टिल् त्हुम्, धै परमेश्‍वरए बिरोध लब्‍मैंलाइ नास लवाबै मिए राबा मत्‍त्रे तब्मुँ।

हिब्रू 12:17

लिउँइँ क्रोदै चइ चए आबाने आशिक ह्रिइ दिलेया आबाउँइँले चइ आशिक आयों। तलेबिस्याँ चइ पछुत ललेया च्ह थेबाइ योंबै हग ओंसोंन् चब् तिछोने त्हेवाल। चु ताँ क्हेमैंइ सेइमुँ।

दर्शन 20:15

खोंयोंइ आखाँबै छ्ह योंब्मैंए मिं प्‍ह्रिबै कितबर मिं आरेबै म्‍हिमैंलाइ परमेश्‍वरजी च मि मुँबै होंल्दोंर भ्‍योंवाइ।