हिब्रू 6:7 - परमेश्‍वरए ताँ तमु क्युइर

⁷ नमुना बिले: नाँइ स क्योमिंमा सइ खेति लब्मैंलाइ चैदिबै रा-रोमैं पिंम्, धै परमेश्‍वरजी च सलाइ आशिक पिंम्।

हिब्रू 6:7 ပူးပေါင်းရင်းမြစ်များ

उत्पत्ति 1:11

झाइले परमेश्‍वरजी बिइ, “सइ ट्हा-ट्हुमैं, प्‍लु तबै रो-रोबै धुँमैं नेरो खें-खेंमैंन् पाह्रसि प्लु तबै सिंधुँमैं म्‍लोरिगे,” बिमा छान् तयाइ।

उत्पत्ति 27:27

याकूब आबा ङाँर ह्‍यासि म्वें लमा इसहाकइ चए क्वेंमैंए थाँ किंसि “ङए च्हए थाँ याहवेहजी आशिक पिंबै म्रोंर्बै थाँ धोंबन् मुँ बिसि चए फिर आशिक पिंइ।

भजनमैं 126:6

क्रोदै प्लु नोसि प्लुबर ह्‍याब्मैंइ म्ल्हा-नारेए तिमैं नोसि सैं तोंबै क्वे प्रिंदै एखब्मुँ।

भजनमैं 24:5

छाबै म्हिमैंइन याहवेह ङाँइँले आशिक योंब्मुँ, धै चमैंलाइ जोगेमिंबै परमेश्‍वरजी चमैंलाइ ठिक ठर्दिमिंब्मुँ।

मत्ती 7:8

तलेबिस्याँ खाबइ ह्रिमुँ चइ योंब्मुँ, खाबइ म्हैमुँ चइ स्याब्मुँ, धै खाबइ म्रा ह्रामुँ चए ल्हागिरि म्रा थोंमिंब्मुँ।

२ तिमोथी 2:6

झाइले दुःख तलेया छेनाले खेद् ल्हैदिबै म्हिइ खैलसेया ह्रोंसए बालिए रोमैं ओंसों योंल् त्हुम्।

याकूब 5:7

छतसि ओ अलि-अङाँमैं, प्रभु आयुन् समा ढुक्‍काले टिद्। ताँ घ्रि बिले, म्रों रुँइँसि म्‍हिइ बालि आखुन् समा ढुक्‍काले टिरिम्। चइ आरुँइँन् समा बर्ख नेरो सर्खर्बै नाँ युब पैंरिम्।