हिब्रू 6:19 - परमेश्‍वरए ताँ तमु क्युइर

¹⁹ चु आशार्न ङ्यो सोरिइमुँ। चु आशा क्ह्रोंसेंन्बै मुँ, धै स्‍वर्गर्बै पबित्र क्‍ल्‍ह्‍योर्बै पर्दा क्‍वें न्‍होंर्न फेनेइमुँ।

हिब्रू 6:19 ပူးပေါင်းရင်းမြစ်များ

भजनमैं 39:7

“तारे ओ याहवेह, ङइ तोए ल्हागिर पैंले? ङए आशा क्हिनेन् मुँ।

भजनमैं 42:11

ओ ङए सो, क्हि तले आतोंल? धै ङए खों न्होंर क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 42:5

ओ ङए सो, क्हि तले आतोंल? धै ङए खों न्होंर क्हि तले च्हतर्लै आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 43:5

ओ ङए सैं, क्हि तले आतोंल? ओ ङए खों, क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइना थेब् लब्मुँ।

मत्ती 27:51

च त्हेर्न मन्दिरर्बै पर्दा क्‍वें ङ्हिबाँ फैले ताइले माइ समा ट्होह्‍याइ, धै सयो खइ, पारामैं तियाइ।

चेला चिब्मैंए केमैं 23:6

च थेबै म्हि च्होंर सदुकीमैंए टोलि नेरो फरिसीमैंए टोलि मुँन बिब सेसि पावलइ थेबै कैले बिइ, “ओ अलिमैं, ङम् फरिसीमैंए च्ह फरिसीन् ग। म्हि सिइरि धबै सोगों तब्मुँ बिबै आशा ङइ थेंबइले ङए फिर चु मुद्दा ल्हैदिइमुँ।”

चेला चिब्मैंए केमैं 27:29

झाइले क्यु च्युगुदे ततै ह्‍यामा खनिज्यै क्यु झाज युँमार थुरयाम् उ बिसि ङ्हिंसि चमैंइ क्यु झाजए लिउँइँले अँगुसि मुँबै सँउँलिमैं प्लिउँलो खारवाइ, धै युनन् नाँ न्होंरिगे बिसि प्राथना लबर होंइ।

चेला चिब्मैंए केमैं 27:40

छतसि चमैंइ क्यु झाज फैबै सँउँलिमैं खारवासि क्युर पिवाइ। धै क्यु झाज ओलेबै सैमैं फैथेंबै छोमैं प्ल्हवासि ओंसोंबै पाल क्वेसि खैं खबै हाराइ तोमिंमा क्यु झाज माँ ङ्युँइँए छेउउँइँ चैं बोइ।

रोमी 4:16

परमेश्‍वरजी पिंम् बिसि फैबै बाछा अब्राहामए सन्‍तानमैंइ योंरिगे बिसि म्‍हिमैंइ बिश्‍वास लबइले परमेश्‍वरजी पिंइ। च थेबै दयाम्हाँया ठिमर्बै ताँमैं म्हाँदिबै सन्‍तानए ल्हागिर मत्‍त्रे आङिं, अब्राहामइ धोंले बिश्‍वास लब्‍मैंए ल्हागिरै ग। तलेबिस्याँ ङ्यो ताँनए खे अब्राहाम ग।

रोमी 4:18

छलेन “क्‍हिए सन्‍तानै या च्योलै आखाँल्‍ले तब्‍मुँ” बिसि परमेश्‍वरजी चने बिल। छतसि प्हसे तम् बिसि तिफुँइ आशा आरेबै त्हेरै या अब्राहामइ बिश्‍वास लसि आशा थेंबइले च ह्रें-ह्रेंमैंए खे तइ।

रोमी 5:4

छलेन दुःख सैदिबै भोंइ ङ्योए बिश्‍वास भोंब तमुँ, बिश्‍वासर भोंबइले ङ्योइ आशा योंल् खाँम्।

१ कोरिन्थी 13:13

छतसि खीए फिर थेंबै बिश्‍वास, खीए फिर लबै आशा नेरो म्हाँया लब, चु ताँ सों खोंयोंइ तरिम्। चुमैं न्‍होंरि ताँन् भन्दा थेब म्हाँया लब् ग।

१ कोरिन्थी 15:58

छतसि ओ ङइ खोबै अलि-अङाँमैं, क्हेमैं छाइ-छुइ आतल्‍ले भोंन्ले टिद्। खोंयोंन् बिलै प्रभुए के लरिद्। तलेबिस्याँ प्रभुए ल्हागिर लबै के फाक्‍कर्न आत बिबै ताँ क्‍हेमैंइ सेइमुँ।

एफिसी 2:6

ङ्योलाइ ख्रीष्‍ट येशूने बालुन् सोगों लमिंसि ख्रीष्‍टजी ग्याल्स लबै क्‍ल्‍ह्‍योर ङ्योलाज्यै या खीजी ग्याल्स लल् पिंइ।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

कलस्सी 3:1

क्‍हेमैं ख्रीष्‍टने बालुन् सोगों तसि रेइमुँ! छतसि स्‍वर्गर्बै सैमैं म्हैद्। स्‍वर्गर परमेश्‍वरए क्‍योलोउँइँ ख्रीष्‍ट येशू टिइमुँ।

२ तिमोथी 2:19

दिलेया परमेश्‍वरजी बिबै ताँ बिस्याँ थेबै जग धोंले भोंब मुँ। च जगए फिर पबित्र प्ल्हजी छाप ल्हैदिइमुँ, “प्रभुजी खीए म्हिमैं ङो सेमुँ” धै “प्रभए मिं किंब्मैं ताँन् आछ्याँबै केउँइँले ह्रेंगो तल् त्हुम्।”

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।

हिब्रू 9:3

च न्‍होंर्न पर्दा क्‍वें लिउँइँ अर्को च्योंने कोठा मुँल। च “ताँन् भन्दा पबित्र क्‍ल्‍ह्‍यो” मुँल।

हिब्रू 9:7

दिलेया ताँन् भन्दा न्होंर्बै पबित्र क्ल्ह्‍योर ख्रो पिंबै खेगि क्रथे मत्‍त्रे बर्षर तिब्ले ह्‍याल् योंमल। खेगि क्रथे चर ह्‍यामा कोइ या बोसि ह्‍याल् त्हुमल, तलेबिस्याँ ह्रोंसइ लबै पापए ल्हागिर नेरो म्हिमैंइ था आसेन्ले लबै पापए ल्हागिर को पिंल् त्हुमल।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।