हिब्रू 6:13 - परमेश्‍वरए ताँ तमु क्युइर

¹³ परमेश्‍वरजी ङ्योए खे अब्राहामने बाछा फैमा ह्रोंस भन्दा थेब अरू खाबै आरेबइले खीजी ह्रोंसए मिंर्न छ बिसि कसम चइ,

हिब्रू 6:13 ပူးပေါင်းရင်းမြစ်များ

प्रस्थान 32:13

ह्रोंसए केब्छैंमैं अब्राहाम, इसहाक नेरो याकूबलाइ मैंन्दि। चमैंने बालु क्हिजी ह्रोंसए मिंर कसम चसि ‘ङइ क्हेमैंए सन्तान मुर्बै सारमैं धोंले ल्हें लमिंब्मुँ। ङइ क्हेमैंए खेमैंलाइ पिंम् बिसि बाछा फैबै चु ताँन् ह्‍युल क्हेमैंए सन्तानलाइ पिंब्मुँ, धै क्हेमैंए सन्तानमैंइ च क्ल्ह्‍योर खोंयोंन् बिलै क्ल्हे लब्मुँ’ बिसि बिल।”

लूका 1:73

खीजी ङ्योए खे अब्राहामने क्ह्रोंसेंन ङइ फैबै बाछा पूरा लमिंब्मुँ बिसि बाछा फैल।

गलाती 3:15

ओ ङए अलि-अङाँमैं, नमुना घ्रि बिले: तिखे पक्‍का तयाल् खाँबै बाछा कबूल खाबज्यै या प्लिंल् आखाँ, अर्को ताँ या थप्दिल् आखाँ।

गलाती 3:18

परमेश्‍वरउँइँले योंबै आशिक ठिमर बिब् धोंले केमैं लसि योंम् बिस्‍याँम्, परमेश्‍वरजी फैबै बाछाउँइँले आशिक आयोंमल। छ आङिं, तलेबिस्याँ परमेश्‍वरजी बाछा फैसिन् अब्राहामलाइ च आशिक छलेन् पिंइ।