हिब्रू 5:9 - परमेश्‍वरए ताँ तमु क्युइर

⁹ खी ताँन् जाँचउँइँले पास तल् खाँसि खीए ताँ म्हाँदिब्‍मैं ताँनए ल्हागिर खी खोंयोंइ आखाँबै छ्हए मुल तइमुँ।

हिब्रू 5:9 ပူးပေါင်းရင်းမြစ်များ

भजनमैं 45:17

लिउँइँबै पुस्त-पुस्त समा क्हिए मिं मैंरिब लमिंब्मुँ; छतसि अरू ह्रेंमैंइ खोंयोंन् बिलै क्हिए मिं थेब् लब्मुँ।

भजनमैं 51:6

क्ह्रोंसेंन क्हिजी ङए खों छ्याँब् तरिगे ङ्हाँम्, छतसि क्हिजी ङए सैंर ज्ञान-बुद्धिए ताँमैं झोंमिंम्।

भजनमैं 51:8

ङलाइ सैं तोंबै ताँ नेरो आनन्‍द तबै ताँमैं थेल् पिंन्; क्हिजी त्हुल भुँ लवाबै ङए ह्रिबमैं सरिगे धै ङ सैं तोंल् योंरिगे।

मत्ती 17:5

पत्रुसइ छले ताँ लनालन् चारबै न्‍हाँम्‍स्योइ खेमैंलाइ हुवाइ। धै “चु ङइ खोबै च्‍ह ग। चु म्रोंसि ङ बेल्‍ले सैं तोंइमुँ। चइ बिबै ताँ छेनाले थेद्!” बिबै कै च न्‍हाँम्‍स्यो न्‍होंउँइँले थेइ।

लूका 13:32

येशूजी चमैंने बिइ, “‘तिंयाँ नेरो प्‍हँना मोंइ स्‍यासि नब्मैं नेरो अरू बेथाइ नब्‍मैं ङइ सल् लसिन् मुँ, नोगि मत्‍त्रे ङए के खाँम्’ बिसि च सेला हेरोदने बिने।

यूहन्‍ना 19:30

झाइले येशूजी प्हा क्युँ थुँसि बिइ, “तारे ङए के खाँयाँइ!” च्हौ बिसि क्र कुरसि खीजी सो पिवाइ।

चेला चिब्मैंए केमैं 3:15

झाइले म्‍हिमैंलाइ खोंयोंन् बिलै आखाँबै छ्ह पिंबै येशू क्‍हेमैंइ सैवाइ। दिलेया परमेश्‍वरजी खीलाइ सिबउँइँले धबै सोगों लमिंइ। चु ताँ ङिइ म्रोंइमुँ।

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

चेला चिब्मैंए केमैं 5:32

चु ताँन् ताँए साँक्षिमैं ङि मुँ, धै परमेश्‍वरजी बिब् ङिंब्मैंलाइ पिंबै पबित्र प्ल्ह या साँक्षि मुँ।”

रोमी 1:5

प्रभु येशू ख्रीष्‍टउँइँले परमेश्‍वरजी ङए फिर दयाम्हाँया उँइँसि ख्रीष्‍टए के लबै ल्हागिर ङ कुल्मिंबै चेला चिब तल् पिंइ। ताँन् ह्रेंर्बै म्‍हिमैंइ बिश्‍वास लसि परमेश्‍वरजी बिबै ताँ म्हाँदिरिगे बिसि खीजी ङलाइ त्‍हाँइ।

रोमी 10:16

दिलेया सैं तोंबै ताँ थेनाबिलेया ल्हें म्हिइ वास्‍था आल। छतसि “ओ प्रभु, ङिइ बिबै ताँ खाबै क्‍वेंइमुँ?” बिसि यशैया अगमबक्‍ताइ ओंसोंन् बिइमुँ।

रोमी 15:18

तलेबिस्याँ अरू सैए बारेर आङिं, दिलेया येशू ख्रीष्‍टजी ङए छ्हउँइँले लबै केए बारेर मत्‍त्रे प्‍हैंमुँ। ङए के नेरो प्रचारउँइँले,

रोमी 2:8

दिलेया प्होंगि कैगि लब्मैं, क्ह्रोंसेंन्बै ताँ आङिंब्मैं नेरो आछ्याँबै के लब्मैंए फिर बिस्याँ परमेश्‍वर ह्रिस खसि सजैं पिंब्‍मुँ।

रोमी 6:17

ओंसों क्‍हेमैं पापए केब्छैं मुँल, दिलेया तोगो क्‍हेमैंए सैं न्होंउँइँले परमेश्‍वरजी बिबै ताँ ङिंब्मैं तइमुँ। छतसि परमेश्‍वरलाइ धन्‍यबाद तरिगे।

२ कोरिन्थी 10:5

परमेश्‍वरए ज्ञानए बिरोध लसि आतबै ताँ पोंब्मैं नेरो थेब् प्हैंसि पोंबै म्हिमैंए बिचारमैं ङिइ नास लवाम्, धै छाबै म्हिमैंलाइ ख्रीष्‍टजी बिबै ताँ म्हाँदिलन् त्हुब लवाम्।

फिलिप्पी 2:12

छतसि, ओ ङइ खोबै अलि-अङाँमैं, क्हेमैंइ खोंयोंइ ङइ बिबै ताँमैं ङिंरिइमुँ। ङ क्‍हेमैंने मुँमा ङए उँइँर लब् धोंले मत्‍त्रे आङिं, ङ क्हेमैंने आरेबै त्हेरै या छलेन परमेश्‍वरने ङ्हिंदै ह्रोंसइ योंबै मुक्‍ति जोगेबर के लसि उँइँन्।

२ थेसलोनिकी 1:8

परमेश्‍वर ङो सेल् आङिंब्मैं नेरो ङ्योए प्रभु येशूउँइँले खबै सैं तोंबै ताँ आक्वेंब्‍मैं ताँनलाइ खीजी दण्ड पिंब्‍मुँ।

२ थेसलोनिकी 2:16

परमेश्‍वरजी ङ्योलाइ म्हाँया लइमुँ धै खीए दयाम्हाँयाउँइँले ङ्योलाइ थेबै आशा नेरो सैं क्होल् लबै भों पिंइमुँ। धै ङ्योए प्रभु येशू ख्रीष्‍ट नेरो ङ्योए परमेश्‍वर आबाजी

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।

हिब्रू 11:40

तलेबिस्याँ परमेश्‍वरजी ङ्योए ल्हागिर झन् छ्याँबै चाँजो लल, धै ङ्योने बालु मत्‍त्रे चमैं पबित्र तरिगे बिब खीए सैं मुँल।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

हिब्रू 2:10

परमेश्‍वरजी खीउँइँलेन् ताँन् सै बनेइ बनेबै ताँन् सै खीए ल्हागिर्न बनेइ। चु बेल्‍ले छ्याँब मुँल। परमेश्‍वरजी ल्‍हें सन्तानमैं खीने बालुन् मान योंबै क्ल्ह्‍योर पखबै ल्हागिर चमैंए मुक्‍ति पिंबै येशूलाइ ल्‍हें दुःख नोल् पिंसि म्हिमैंए पाप त्होमिंइ।

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

हिब्रू 9:12

र-क्युए कोजी आङिं, दिलेया म्हिमैंए पाप क्षमा लबर ख्रीष्‍टजी ह्रोंसए को पिंसि म्हिमैंलाइ खोंयोंइ आखाँबै छ्ह पिंबै ल्हागिर तिखेर्न ताँन् भन्दा पबित्र क्ल्ह्‍योर होंइ।

हिब्रू 9:15

छतसि ख्रीष्‍टजी छारा बाछा लमिंबइले परमेश्‍वरजी त्‍हाँबै म्‍हिमैंइ खीजी फैबै बाछार्बै खोंयोंन् बिलै तरिबै आशिक योंल् खाँम्। तलेबिस्याँ ओंसोंबै बाछाए न्‍होंर टिमा चमैंइ पाप लइ, दिलेया चमैंए पापए ल्हागिर ख्रीष्‍ट सिमिंसि चमैंलाइ जोगेमिंइमुँ।

हिब्रू 9:28

छलेन ल्‍हें म्‍हिमैंए पाप त्होमिंबर ख्रीष्‍ट या तिब्‍ले ख्रो तसि सिमिंइ। दिलेया खी धबै युब्‍मुँ। च त्हेर खी म्हिमैंए पाप त्होमिंबै ल्हागिर आङिं, दिलेया सैं तोंदै खीलाइ ह्रेरिब्मैंलाइ जोगेमिंबर युब्‍मुँ।

१ पत्रुस 1:22

क्‍हेमैंइ क्ह्रोंसेंन्बै परमेश्‍वर म्हाँदिसि ह्रोंसलाइ चोखो लबइले, ह्रोंसए आघें अलिलाइ आफेलनाले म्हाँया लद्, धै घ्रिइ घ्रिलाइ सैं न्होंउँइँलेन् म्हाँया लद्,

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

यहूदाइ प्‍ह्रिबै प्ह्रिछ्या 1:21

धै खोंयोंइ आखाँबै छ्ह योंबै ल्हागिर ङ्योए प्रभु येशू ख्रीष्‍टजी लबै ल्हयो ह्रेरिमा क्हेमैं परमेश्‍वरए म्हाँयार टिरिद्।