हिब्रू 5:8 - परमेश्‍वरए ताँ तमु क्युइर

⁸ खी परमेश्‍वरए च्‍ह तनाबिलेया खीजी नोबै दुःखउँइँले परमेश्‍वरजी बिब ङिंब लोइ।

हिब्रू 5:8 ပူးပေါင်းရင်းမြစ်များ

मत्ती 3:15

दिलेया येशूजी यूहन्‍नाने बिइ, “तोगो छान् तरिगे। छले ङ्योइ परमेश्‍वरजी बिब् धोंले लब् छ्याँब मुँ।” छबिमा यूहन्‍नाइ येशूलाइ बप्‍तिस्‍मा पिंइ।

यूहन्‍ना 10:18

खाबज्यै या ङ ङाँइँले ङए सो किंल् आखाँ, दिलेय ङ ह्रोंसइन ह्रोंसए सो पिंम्। ह्रोंसए सो पिंबै हग ङने मुँ, धै किंबै हगैया ङनेन् मुँ। चु ताँ ङए आबा ङाँइँले ङइ योंब् ग।”

यूहन्‍ना 15:10

ङए आबाए ताँमैं ङिंसि खीए म्हाँयार ङ टिरिब् धोंले क्हेमैंइ ङइ बिबै ताँमैं ङिंइ बिस्याँ क्हेमैं ङए म्हाँयार टिरिब्मुँ।

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

यूहन्‍ना 6:38

ह्रोंसए सैंर्बै ताँ पूरा लबर ङ स्वर्गउँइँले युब आङिं, ङलाइ कुल्‍मिंबै आबाए सैंर मैंबै केमैं पूरा लबर ङ युब् ग।

फिलिप्पी 2:8

छले म्‍हिए क्‍हो किंसि, ह्रोंसन् च्‍योंब तसि क्रूसर सिबै त्हे समा परमेश्‍वरजी बिबै ताँ ङिंइ।

हिब्रू 1:2

दिलेया चु नुखबै त्हिंइजरे परमेश्‍वर खीए च्‍हउँइँले ङ्योने पोंइमुँ। परमेश्‍वरजी खीए च्हउँइँलेन् ह्‍युलर्बै तोन्दोंरि सैमैं बनेइ। धै ह्‍युलर्बै ताँन् सैए फिर क्ल्हे तबर खीजी खीए च्‍हलाइन त्हाँइ।

हिब्रू 1:5

“क्हि ङए च्‍ह ग, तिंयाँ ङ क्‍हिए आबा तइमुँ” बिसि परमेश्‍वरजी स्वर्गदूतमैंने खोंयोंइ आबि, छलेन खाब् स्वर्गदूतए बारेरै या “ङ चए आबा तब्मुँ, धै च ङए च्ह तब्मुँ,” बिसि खीजी खोंयोंइ आबि।

हिब्रू 1:8

दिलेया च्‍हए बारेर बिस्‍याँ खीजी छ बिइमुँ, “ओ परमेश्‍वर, क्‍हिए ग्याल्स खोंयोंन् बिलै तरिब्‍मुँ। क्‍हिजी छेनाले निसाफ लसि ग्याल्स लम्।

हिब्रू 3:6

दिलेया ख्रीष्‍ट बिस्याँ परमेश्‍वरए च्‍ह मुँल। छतसि ङ्योइ थेंबै आशार लिउँइँ समा खीए फिर भर थेंसि सैं भोंब् लरिस्याँ ङ्यो या परमेश्‍वरए प्हसेमैं तम्।