हिब्रू 5:7 - परमेश्‍वरए ताँ तमु क्युइर

⁷ येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।

हिब्रू 5:7 ပူးပေါင်းရင်းမြစ်များ

भजनमैं 22:24

तलेबिस्याँ आगुइ ह्रुगुदिसि दुःख योंबै म्हिलाइ खीजी ल्होमिंम्, हेलै या आल, खीजी ह्रोंसए मोंडा छाबै म्हिमैंउँइँले आलो, चइ ल्होमिन् बिसि ग्वार ह्रिमा खीजी थेम्।

भजनमैं 69:1

ओ परमेश्‍वर, ङ जोगेमिंन् तलेबिस्याँ स्योंर्बै क्यु ङए खरि समा फेखइमुँ।

भजनमैं 88:1

ओ याहवेह, ङलाइ जोगेमिंबै परमेश्‍वर; ङइ त्हिंयाँ म्हुँइँस क्हिने ग्वार ह्रिइमुँ;

मत्ती 27:46

सों ह्राबै त्हेजरे येशू छ बिदै थेबै कैले ओरइ, “इलोइ, इलोइ, लामा सबखथनि?” (चुए अर्थ “ओ ङए परमेश्‍वर, ओ ङए परमेश्‍वर, क्‍हिजी ङलाइ तले पिवाल?”)

मत्ती 27:50

झाइले येशूजी धबै थेबै कै तेसि सो पिवाइ।

मर्कूस 15:34

सों ह्राबै त्हेजरे येशूजी थेबै कैले बिइ, “इलोइ, इलोइ, लामा सबखथनि?” (छ बिबै अर्थ “ओ ङए परमेश्‍वर, ओ ङए परमेश्‍वर, क्‍हिजी ङलाइ तले पिवाल?” बिब् ग।)

मर्कूस 15:37

झाइले येशूजी थेबै कै तेसि सो पिवाइ।

लूका 23:46

झाइले येशूजी थेबै कैले बिइ, “ओ आबा, ङए प्ल्ह ङइ क्‍हिए योर्न थेंमुँ।” च्हौ बिसि येशूजी खीए सो पिवाइ।

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 11:35

च त्हेर येशू क्रोइ।

यूहन्‍ना 11:42

क्हिजी ङए ताँ खोंयोंन् बिलै थेमुँ बिसि ङइ सेइमुँ। दिलेया क्हिजी ङ कुल्मिंब् ग बिब चुर रारिबै म्हिमैंइ क्वेंरिगे बिसि ङइ चु ताँ बिब् ग।”

यूहन्‍ना 17:1

चु ताँ बिल् खाँबै लिउँइँ येशूजी स्वर्गउँइँ ङ्‍ह्‍योसि बिइ, “ओ आबा, क्जिजी तोक्दिबै त्हे तखइमुँ। च्हइ क्हिए थेबै मान उँइँमिंरिगे बिसि च्हए थेबै मान तल् पिंन्।

रोमी 8:3

म्‍हिए आछ्याँबै इच्‍छाए भोंलाइ ट्होरिगे बिसि परमेश्‍वरजी खीए च्ह येशूलाइ ख्रो तबर चु ह्‍युलर कुल्‍मिंइ। परमेश्‍वरए च्‍ह येशूजी म्‍हिए कमजोरि आछ्याँबै बानि मुँबै रुप किंसि ख्रो तसि म्हिमैंए आछ्याँबै इच्‍छाए भोंलाइ नास लवाइ। छले ठिमइ लल् आखाँबै के परमेश्‍वरजी लमिंइ।

गलाती 4:4

दिलेया तोक्दिबै त्हे पूरा तमा परमेश्‍वरजी ह्रोंसए च्‍ह कुल्‍मिंइ। खी म्‍हि तसि च्हमिरिए कोखाउँइँले ठिमए न्होंर फिइ।

१ तिमोथी 3:16

येशू ख्रीष्‍टए बारेर परमेश्‍वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्‍ट म्‍हिए क्हो किंसि चु ह्‍युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्‍हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्‍युलर्बै म्‍हिमैंइ खीए फिर बिश्‍वास लइ, झाइले थेबै मानले खी स्‍वर्गउँइँ क्वेयाइ।

हिब्रू 10:10

तलेबिस्याँ येशू ख्रीष्‍टजी परमेश्‍वरए सैंर मैंबै ताँ पूरा लमिंइ। छतसि येशू ख्रीष्‍टजी खीए ज्यु खोंयोंइ तरिबै ख्रो तिब्ले पिंबइले ङ्यो पबित्र लमिंइमुँ।

हिब्रू 10:5

छतसि येशू ख्रीष्‍ट चु ह्‍युलर युमा खीजी परमेश्‍वरने छ बिइ, “क्‍हिजी ख्रो नेरो भेटिमैं आम्है, दिलेया क्‍हिजी ङए ल्हागिर ज्यु घ्रि बनेइ।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।

हिब्रू 12:28

छतसि ङ्योइ लाल् आखाँबै ग्याल्स योंबइले परमेश्‍वरलाइ धन्‍यबाद पिंले, धै खीए मान लदै खीने ङ्हिंदै खीजी खोल्‍ले खीए मिं क्वेले।

हिब्रू 13:20

परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

हिब्रू 2:14

चु च्ह च्हमिंमैं से को कोंसि तबइले येशू या चमैं धोंलेन् से कोए ज्यु तइ। तलेबिस्याँ खी सिमिंसि कालए शक्‍ति मुँबै दुष्‍टलाइ (दियाबलस) नास लवाइ।

१ यूहन्‍ना 4:3

दिलेया येशू परमेश्‍वर तसेया म्हिए क्हो किंसि ह्‍युलर युइ आबिब्मैंने परमेश्‍वरए प्ल्ह आत। चमैंने मुँबै प्ल्ह ख्रीष्‍ट बिरोधीए प्ल्ह ग। च बिरोधीए प्ल्ह त्‍होंखम् बिब क्हेमैंइ ओंसोंन् थेल। छ बिब् धोंले चए प्ल्ह चु ह्‍युलर्बै म्‍हिमैं न्‍होंर युल् खाँइमुँ।

२ यूहन्‍ना 1:7

“येशू ख्रीष्‍ट म्हि तसि चु ह्‍युलरि युब आङिं” बिसि भाँड्याल् म्हैबै म्हिमैं खन्तोंदोंन् खइमुँ। चुमैंन् स्‍योलिबै ताँ बिब्‍मैं नेरो ख्रीष्‍टए बिरोधीमैं ग।