हिब्रू 5:5 - परमेश्‍वरए ताँ तमु क्युइर

⁵ ख्रीष्‍टज्यै या ख्रो पिंबै खेगि क्रथे तबर ह्रोंसइन-ह्रोंसलाइ थेब आलल, दिलेया खीलाइ “क्हि ङए च्‍ह ग, तिंयाँ ङ क्‍हिए आबा तइमुँ,” बिबै परमेश्‍वरजी त्हाँब् ग।

हिब्रू 5:5 ပူးပေါင်းရင်းမြစ်များ

भजनमैं 2:7

“याहवेहजी बिद् बिबै ताँ ङइ बिब्मुँ: खीजी ङने बिइ, ‘क्हि ङए च्ह ग; तिंयाँ ङ क्हिए आबा तइमुँ।

यूहन्‍ना 3:16

तलेबिस्याँ खीए च्हए फिर बिश्‍वास लब्मैं खाबै या नास आतरिगे, बरु खोंयोंइ आनुबै छ्ह योंरिगे बिसि परमेश्‍वरजी ह्‍युलर्बै म्हिमैंने ल्‍हें म्हाँया लसि खीए घ्रि दे मुँबै च्‍ह पिंइ।

यूहन्‍ना 7:18

ह्रोंसन् ह्रब् सेब् प्हैंसि पोंब्मैंइ ह्रोंसए मान म्हैम्, दिलेया खाबइ खी कुल्मिंबै परमेश्‍‍वरए मान म्हैमुँ, चन् क्ह्रोंसेंन्बै सैं प्ह्‍याबै म्हि ग। चइ तो ताँरै या स्योर आतेनाले क्ह्रोंसेंन्बै ताँ पोंम्।

यूहन्‍ना 8:54

येशूजी बिइ, “ङइ ह्रोंसइन ह्रोंस क्वेइ बिस्याँ च फाक्‍कर्न तम्। ङलाइ क्वेबाम् ङए आबा मुँ। खीनेन् क्‍हेमैंइ ‘ङिए परमेश्‍वर’ बिम्।

चेला चिब्मैंए केमैं 13:33

छाबन् भजनसंग्रह ङ्हिंरै या प्ह्रिइमुँ, ‘क्‍हि ङए च्‍ह ग, तिंयाँ ङइ क्‍हि योंइँमुँ।’

रोमी 8:3

म्‍हिए आछ्याँबै इच्‍छाए भोंलाइ ट्होरिगे बिसि परमेश्‍वरजी खीए च्ह येशूलाइ ख्रो तबर चु ह्‍युलर कुल्‍मिंइ। परमेश्‍वरए च्‍ह येशूजी म्‍हिए कमजोरि आछ्याँबै बानि मुँबै रुप किंसि ख्रो तसि म्हिमैंए आछ्याँबै इच्‍छाए भोंलाइ नास लवाइ। छले ठिमइ लल् आखाँबै के परमेश्‍वरजी लमिंइ।

हिब्रू 1:1

स्‍योंमा परमेश्‍वर खीए ताँ बिमिंबै म्हिमैंउँइँले ङ्योए खेमैंने ल्‍हें खे, ल्हें खालर्बै चिनुमैंउँइँले पोंइ।

हिब्रू 1:5

“क्हि ङए च्‍ह ग, तिंयाँ ङ क्‍हिए आबा तइमुँ” बिसि परमेश्‍वरजी स्वर्गदूतमैंने खोंयोंइ आबि, छलेन खाब् स्वर्गदूतए बारेरै या “ङ चए आबा तब्मुँ, धै च ङए च्ह तब्मुँ,” बिसि खीजी खोंयोंइ आबि।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 3:1

छतसि ओ परमेश्‍वरजी त्‍हाँबै ङिने स्वर्गर्बै हग योंबै अलि अङाँमैं, ङ्योइ बिश्‍वास लबै ङ्योए खेगि क्रथे येशूलाइ मैंन्।

हिब्रू 5:10

छतसि मेल्‍किसेदेक ख्रो पिंबै खेगि क्रथे तब् धोंले परमेश्‍वरजी येशूलाइ खेगि क्रथे तबर त्हाँइ।