हिब्रू 5:1 - परमेश्‍वरए ताँ तमु क्युइर

¹ ताँन् ख्रो पिंबै खेगि क्रथेमैं म्‍हिमैंउँइँले त्‍हाँम्, धै म्हिमैंए पाप क्षमा लबै ल्हागिर परमेश्‍वरए मिंर भेटि नेरो ख्रो पिंबर खटिदिम्।

हिब्रू 5:1 ပူးပေါင်းရင်းမြစ်များ

रोमी 15:17

छतसि येशू ख्रीष्‍टने घ्रिन् तसि परमेश्‍वरए ल्हागिर ङइ लबै के म्रोंसि ङ सैं तोंइमुँ।

१ कोरिन्थी 15:3

तलेबिस्याँ ङइ योंबै ताँन् भन्दा थेबै सै ङइ क्‍हेमैंलाइ पिंइमुँ। च थेबै सै चुन् ग: परमेश्‍वरए छ्वेर प्‍ह्रिब् धोंले ङ्योए पाप त्होमिंबै ल्हागिर येशू ख्रीष्‍ट सिमिंइ।

हिब्रू 10:11

यहूदी ख्रो पिंबै खेगिमैंइ त्हिंइ ह्रोंसे ख्रो पिंमुँ। दिलेया छाबै ख्रोइ म्‍हिमैंए पाप खोंयोंइ त्होल् आखाँ।

हिब्रू 10:12

दिलेया ख्रीष्‍टजी म्‍हिमैं पापउँइँले फ्रेमिंबर ख्रो घ्रि मत्‍त्रे पिंइ। च ख्रो खोंयोंइ तरिम्, धै खी परमेश्‍वरए क्‍योलोउँइँ टिइमुँ।

हिब्रू 11:4

बिश्‍वासउँइँलेन् कयिनइ भन्दा हाबिलइ बेल्‍ले छ्याँबै ख्रो परमेश्‍वरलाइ पिंइ। छाबै बिश्‍वासइ लमा हाबिल परमेश्‍वरए उँइँर ठिक ठर्दिइ, तलेबिस्याँ चइ पिंबै ख्रो म्रोंसि परमेश्‍वर सैं तोंइ। हाबिल सियालेया चइ लबै बिश्‍वासउँइँलेन् अझै च पोंसिन्मुँ।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 7:27

अरू ख्रो पिंबै खेगि क्रथेमैंइ त्हिंइ ह्रोंसे ओंसों ह्रोंसए पाप त्होमिंबै ल्हागिर, झाइले लिउँइँ म्‍हिमैंए पाप त्होमिंबै ल्हागिर ख्रो पिंरिल् त्‍हुरिल। दिलेया येशू चमैं धोंले आङिं। खीजी खोंयोंइ तरिबै ख्रोए ल्हागिर तिखेर्न क्रूसर सिसि ह्रोंसइन चु के लमिंइ।

हिब्रू 8:3

ताँन् खेगि क्रथे भेटि नेरो ख्रो पिंबर त्‍हाँम्। छतसि ङ्योए खेगि क्रथे येशूने ख्रो पिंबै सै तल् त्हुम्।

हिब्रू 8:4

खी चु पृथ्‍बीर्न मुँरिस्याँम् ख्रो पिंबै खेगि आतमल, तलेबिस्याँ ठिमर बिब् धोंले भेटि पिंबै ल्हागिरि लेबीए कुलर्बै ख्रो पिंबै खेगिमैं चुर्न मुँ।

हिब्रू 9:9

चु ताँ तिंजरेबै ल्हागिर नमुना घ्रि ग। चुए मतलब भेटिमैं नेरो परमेश्‍वरए मिंर पिंबै र-क्‍युए ख्रोइ म्‍हिए सैंलाइ ख्रुसि चोखो लल् आखाँ।