हिब्रू 4:9 - परमेश्‍वरए ताँ तमु क्युइर

⁹ छतसि परमेश्‍वरजी ङिरोर भों न्‍हब् धोंलेन् खीए म्‍हिमैंए ल्हागिर अझै या भों न्‍हबै क्ल्ह्‍यो मुँ।

हिब्रू 4:9 ပူးပေါင်းရင်းမြစ်များ

भजनमैं 47:9

अब्राहामए परमेश्‍वरए म्हिमैंने बालु अरू ह्रेंमैंए क्रथे मिंथेमैं खागु तइमुँ। तलेबिस्याँ पृथ्बीर्बै म्रुँमैं परमेश्‍वरए योर्न मुँ; खी बेल्‍ले थेब मुँ!

प्रस्थान 16:30

छतसि म्हिमैंइ ङिगैंर भों न्हइ।

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 11:25

पाप लसि तिस्याँदे सुख योंब् भन्दा बरु परमेश्‍वरए म्‍हिमैंने दुःख योंसिन् टिब चइ त्‍हाँइ।

हिब्रू 3:11

छतसि ङ ह्रिस खसि छले कसम चइ, ‘चमैं ङए भों न्‍हबै क्‍ल्‍ह्‍योर खोंयोंइ होंल् योंरिब् आरे।’”

हिब्रू 4:1

परमेश्‍वरजी खी टिबै क्ल्ह्‍योर भों न्हल् पिंम् बिसि ङ्योने फैबै बाछा अझै मुँ। छतसि न्ह क्रों मि क्रोंले टिद्, क्‍हेमैं न्‍होंरि खाबै या च भों न्‍हबै क्ल्ह्‍योउँइँले स्योवाल् आत्हुरिगे।

हिब्रू 4:10

तलेबिस्याँ परमेश्‍वरजी ह्रोंसए ताँन् केमैं लल् खाँसि भों न्हब् धोंले खीजी भों न्हल् पिंबै क्ल्ह्‍योर होंब्मैं ताँनइ ह्रोंसइ लबै केउँइँले भों न्‍हल् योंम्।

हिब्रू 4:3

तलेबिस्याँ ङ्यो खीए फिर बिश्‍वास लब्‍मैं मत्‍त्रे परमेश्‍वरजी भों न्‍हल् पिंबै क्ल्ह्‍योर होंल् योंम्। खीए फिर बिश्‍वास आलब्‍मैंए बारेर परमेश्‍वरजी छ बिइमुँ, “ह्रिस खसि ङइ छाबै कसम चइ, ‘ङए भों न्‍हबै क्‍ल्‍ह्‍योर चमैं खोंयोंइ होंल् योंरिब आरे।’” खीजी चु चाँजो ह्‍ययल् बनेब् ओंनोंन् लथेंल।

हिब्रू 4:8

तलेबिस्याँ यहोशूइ इस्राएलीमैंलाइ परमेश्‍वरजी बाछा फैसि पिंम् बिबै भों न्हबै क्ल्ह्‍योर बोल् खाँस्याँ, लिउँइँ खीजी अर्को त्हिंइए बारेर ताँ आलमल।

१ पत्रुस 2:10

ओंसों क्‍हेमैं परमेश्‍वरए म्हिमैं आतल, दिलेया तिंजोरो क्हेमैं खीए म्हिमैं तइमुँ। ओंसों क्हेमैंइ परमेश्‍वरए म्हाँया आयोंल, दिलेया तिंजोरो क्‍हेमैंइ परमेश्‍वरए म्हाँया योंइमुँ।

दर्शन 14:13

च लिउँइँ “चु ताँ प्‍ह्रिद्: प्रभुए फिर बिश्‍वास लबइले तारे पिरु दु:ख योंसि सिब्‍मैंइ आशिक योंब्मुँ,” बिसि स्‍वर्गउँइँले युबै कै ङइ थेइ। झाइले पबित्र प्ल्हजी बिइ, “चु ताँ क्‍ह्रोंसेंन् ग। चमैंइ दु:खले लबै केमैंए नों योंसि छिं ङ्हाँल् योंब्‍मुँ।”

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”