हिब्रू 4:14 - परमेश्‍वरए ताँ तमु क्युइर

¹⁴ छतसि मु थोंसि ह्‍याबै परमेश्‍वरए च्ह येशू ङ्योए ल्हागिर ख्रो पिंबर युबै खेगि क्रथे तबइले ङ्योइ म्हाँदिरिबै बिश्‍वास जोगेसि थेंले।

हिब्रू 4:14 ပူးပေါင်းရင်းမြစ်များ

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

मर्कूस 1:1

चु परमेश्‍वरए च्‍ह येशू ख्रीष्‍टउँइँले खबै सैं तोंबै ताँ ग।

मर्कूस 16:19

येशू छले चेलामैंने पोंल् खाँबै लिउँइँ परमेश्‍वरजी खीलाइ स्वर्गउँइँ बोयाइ, धै परमेश्‍वरए क्‍योलोउँइँ टिइ।

लूका 24:51

छले आशिक पिंरिबै तोंर्न खी चमैंउँइँले स्वर्गर बोवाइ।

चेला चिब्मैंए केमैं 1:11

“ओ गालीलथेंमैं, क्हेमैं तले मुउँइँ ङ्‍ह्‍योसि रारिल? चुन् येशू, क्हेमैंउँइँले परमेश्‍वरजी स्वर्गर बोयाइ। तोगो खी खैले स्वर्गर ह्‍यारिब क्हेमैंइ म्रोंइ छलेन खी धबै युब्मुँ।”

चेला चिब्मैंए केमैं 3:21

दिलेया स्योंमन् परमेश्‍वरजी ह्रोंसए ताँ बिमिंबै पबित्र म्‍हिमैंइ बिब् धोंले तोन्दोंरि सैमैं छारा लबै त्हे आखन् समा ख्रीष्‍ट स्वर्गर्न टिल् त्हुम्।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

२ कोरिन्थी 12:2

येशूए फिर बिश्‍वास लबै ङइ ङो सेबै म्हि घ्रिलाइ च्युसे प्लिदि भन्दा ओंसों परमेश्‍वरजी तल सोंर्बै स्वर्ग समा क्‍वेबोइ। चलाइ ज्युर्न बोइ उ प्ल्ह मत्‍त्रे बोइ च ङइ आसे, च ताँ परमेश्‍वरजी सेइमुँ।

२ कोरिन्थी 9:13

ख्रीष्‍टउँइँले खबै सैं तोंबै ताँर बिब् धोंले क्‍हेमैं प्रसि यहूदीमैं नेरो अरू म्हिमैंए ल्हागिर क्हेमैंइ सैं प्ल्हसि पिंबै भेटिउँइँले परमेश्‍वरए मिं थेब् तब्मुँ।

एफिसी 4:10

चु पृथ्‍बीर तयुबै म्हि (येशू) ताँन् स्वर्गमैं भन्दा कैंडो क्रेयाइ। तारे खीजी ह्‍युलर मुँबै ताँन् सैमैं खीए सैंर मैंब् धोंलेन् तल् पिंम्।

हिब्रू 1:8

दिलेया च्‍हए बारेर बिस्‍याँ खीजी छ बिइमुँ, “ओ परमेश्‍वर, क्‍हिए ग्याल्स खोंयोंन् बिलै तरिब्‍मुँ। क्‍हिजी छेनाले निसाफ लसि ग्याल्स लम्।

हिब्रू 10:12

दिलेया ख्रीष्‍टजी म्‍हिमैं पापउँइँले फ्रेमिंबर ख्रो घ्रि मत्‍त्रे पिंइ। च ख्रो खोंयोंइ तरिम्, धै खी परमेश्‍वरए क्‍योलोउँइँ टिइमुँ।

हिब्रू 10:23

ङ्योइ खीए फिर बिश्‍वास लसि थेंबै आशार सैं ङ्हिरि आलल्‍ले भोंसि तसि टिले, तलेबिस्याँ ङ्योने बाछा फैबै परमेश्‍वर भर लल् खाँब मुँ।

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

हिब्रू 2:1

छतसि ङ्योइ तो ताँ थेइमुँ च ताँ झन् छेनाले थेल् त्हुम्। छेनाले आथेइ बिस्याँ ङ्योइ घ्‍याँ फ्लेयाम्।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 3:1

छतसि ओ परमेश्‍वरजी त्‍हाँबै ङिने स्वर्गर्बै हग योंबै अलि अङाँमैं, ङ्योइ बिश्‍वास लबै ङ्योए खेगि क्रथे येशूलाइ मैंन्।

हिब्रू 3:14

ङ्योइ ओंसों लब् धोंबै बिश्‍वास लिउँइँ समन् लरिस्याँ, ङ्योइ ख्रीष्‍टने बालुन् परमेश्‍वरजी पिंबै हग योंब्‍मुँ।

हिब्रू 6:20

चर मल्‍किसेदेक ख्रो पिंबै खेगि क्रथे तब् धोंले ङ्योए ल्हागिर येशू खेगि क्रथे तसि स्वर्गर फेनेल् खाँइमुँ।

हिब्रू 6:6

दिलेया चमैंइ परमेश्‍वरए फिर बिश्‍वास लब पिवास्याँ, चमैंए सैं एसि परमेश्‍वर ङाँर पखल् आखाँ! तलेबिस्याँ चमैंइ खेंमैंइ लबै पापइ लमा परमेश्‍वरए च्‍हलाइ धबै क्रूसर च्योवामुँ, धै ताँनए उँइँरि खीए आब्रु वाम्।

हिब्रू 7:3

च मल्‍किसेदेकल आबा, आमा नेरो खेमैंए बारेर तोइ था आरे। छलेन फिब नेरो सिबए बारेरै या तोइ था आरे। दिलेया परमेश्‍वरए च्‍ह धोंलेन् च खोंयोंइ बिलै ख्रो पिंबै खेगि तरिम्।

हिब्रू 8:1

ङिइ बिल् म्हैबै थेबै ताँ चुन् ग: ङ्योला छाबै ख्रो पिंबै खेगि क्रथे मुँ, खी स्‍वर्गर ताँन् भन्दा थेबै परमेश्‍वरए क्‍योलोउँइँ (कयोउँइँ) गद्दिर क्हुँइमुँ।

हिब्रू 9:12

र-क्युए कोजी आङिं, दिलेया म्हिमैंए पाप क्षमा लबर ख्रीष्‍टजी ह्रोंसए को पिंसि म्हिमैंलाइ खोंयोंइ आखाँबै छ्ह पिंबै ल्हागिर तिखेर्न ताँन् भन्दा पबित्र क्ल्ह्‍योर होंइ।

हिब्रू 9:24

ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।