हिब्रू 3:8 - परमेश्‍वरए ताँ तमु क्युइर

⁸ क्‍हेमैंए खेमैंइ क्यु आयोंबै क्ल्ह्‍योरि परमेश्‍वरए बिरोध लब् धोंले क्‍हेमैंए सैं सारो आलद्, च त्हेर चमैंइ परमेश्‍वरए सैं फो (जाँच) किंब् धोंलेन् क्‍हेमैंइ खीए सैं फो किंबै के आलद्।

हिब्रू 3:8 ပူးပေါင်းရင်းမြစ်များ

भजनमैं 106:14

तोइ आकेबै क्‍ल्‍ह्‍योर चमैंइ मिश्रर्बै लिंब-लिंबै चबै सै मैंसि बेल्‍ले चदा ङ्हाँइ, धै चमैंइ क्यु आयोंबै क्ल्ह्‍योर परमेश्‍वरए जाँच लइ।

भजनमैं 78:18

ह्रोंसए सैंर मैंब् धोंले चबै सै ह्रिसि चमैंइ सेन-सेन् परमेश्‍वरए जाँच लइ।

भजनमैं 78:56

दिलेया चमैंइ परमेश्‍वरए जाँच लइ, धै ताँन् भन्दा थेबै परमेश्‍वरए बिरोध लसि खीलाइ ह्रिस खल् लइ, धै खीजी बिबै ताँमैं आङिंल।

भजनमैं 95:8

याहवेहजी छले बिमुँ, “क्हेमैंए खेमैंइ मेरीबा नेरो क्यु आयोंबै क्‍ल्‍ह्‍योर्बै मस्साहर लब् धोंले ह्रोंसए सैं सारो आलद्।

प्रस्थान 17:7

याहवेह ङ्योए म्हाँजोर मुँ उ आरे बिसि इस्राएलीमैंइ आक्वेंसि प्होंगि कैगि लसि याहवेहए जाँच लइ, छतसि च क्ल्ह्‍योए मिं मोशाइ मस्साह नेरो मेरीबा थेंइ।

प्रस्थान 8:15

दिलेया फारोइ प्हद्गोमैं सियाब म्रोंलेया याहवेहजी बिब् धोंलेन् चइ ह्रोंसए सैं सारो लसि मोशा नेरो हारूनए ताँ आथे।

हितोपदेश 28:14

याहवेहलाइ म्हाँदिरिबै म्हिए फिर आशिक युम्, दिलेया खीजी बिब् आङिंबै म्हि नास तयाम्।

हितोपदेश 29:1

कतिन् हौदिसेया पोथाँइ आनबै म्हि थाइ आसेल्‍ले नास तयाम्।

मत्ती 13:15

तलेबिस्याँ चु म्‍हिमैंए सैं क्होल् आखाँब् तइमुँ। चमैंए न्‍ह थेल् आखाँब् तइमुँ, झाइले चमैंए मि च्युँ लइमुँ। तिंयाँ चमैंए मिइ म्रोंल् खाँस्‍याँ, चमैंए न्‍हइ थेल् खाँस्‍याँ, झाइले चमैंए सैंइ क्‍होल् खाँस्‍याँ, चमैं ङ ङाँइ एखमल, धै ङइ चमैं सल् लमिंमल।

चेला चिब्मैंए केमैं 19:9

दिलेया को-कोइ सैं सारो लसि क्वेंल् आङिं। धै झन् मुक्‍ति योंबै घ्याँए बिरोध लसि ताँनए उँइँर चमैं पोंबर होंइ। छतमा पावल चमैंउँइँले फ्रेसि चेलामैं बोसि टुरान्‍नस बिबै स्कूलर म्हिमैंने छलफल लसि परमेश्‍वरए ताँ त्हिंइ ह्रोंसे लोमिंमल।

चेला चिब्मैंए केमैं 7:36

चु मोशाइन मिश्र ह्‍युलर, ओल्ग्या मा ङ्युँइर, नेरो क्यु आयोंबै क्ल्ह्‍योरि प्लिच्यु बर्ष समन् औदिबै के नेरो चिनुमैं उँइँसि चमैं मिश्रउँइँले बैरु तेमिंइ।

१ कोरिन्थी 10:9

झाइले चमैं न्‍होंरि को-कोइ प्रभुए जाँच लब् धोंले ङ्योइ प्रभुए जाँच लल् आत। प्रभुए जाँच लबइले चमैंलाइ प्‍हुरिइ नास लवाइ।