हिब्रू 3:3 - परमेश्‍वरए ताँ तमु क्युइर

³ धिं भन्दा धिं बनेबै म्‍हि थेब् ग। च धोंलेन मोशा भन्दा येशू थेब् ग।

हिब्रू 3:3 ပူးပေါင်းရင်းမြစ်များ

मत्ती 16:18

छतसि ङइ क्‍हिलाइ पत्रुस बिम्। ङए चर्च ङ च पाराए फिर बनेब्‍मुँ, धै नर्गर्बै म्रामैंइ च चर्चए फिर ट्होल् खाँरिब् आरे।

१ कोरिन्थी 3:9

ङि बालुन् परमेश्‍वरए के लब्मैं ग, क्‍हेमैं बिस्याँ छ्याँबै रोमैं रोमिंबै म्रों नेरो परमेश्‍वरए धिं ग।

२ कोरिन्थी 3:7

परमेश्‍वरजी मोशालाइ पिंबै ठिम युँमा प्‍लानर कुन्दिथेंल। च युँमार प्‍ह्रिबै ठिम म्‍हिमैंलाइ पिंमा परमेश्‍वरए थेबै ह्‍वे चारइ। च थेबै ह्‍वे मदुरो तदै ह्‍यालेया इस्राएलीमैंइ मोशाए लि ङ्ह्‍योल् आखाँमल।

कलस्सी 1:18

खीए फिर बिश्‍वास लब्मैं खीए ज्यु ग, चमैंए क्र खीन् ग। खीजी चमैंलाइ सोल् लमिंमुँ। ख्रीष्‍ट ताँन् सै भन्दा थेब तरिगे बिसि परमेश्‍वरजी ताँन् भन्दा ओंसों ख्रीष्‍टलाइ सोगों लमिंइ।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

हिब्रू 3:4

धिंमैंम् म्‍हिमैंइ बनेम्, दिलेया तोन्दोंरि सै बनेबम् परमेश्‍वरन् ग।

हिब्रू 3:6

दिलेया ख्रीष्‍ट बिस्याँ परमेश्‍वरए च्‍ह मुँल। छतसि ङ्योइ थेंबै आशार लिउँइँ समा खीए फिर भर थेंसि सैं भोंब् लरिस्याँ ङ्यो या परमेश्‍वरए प्हसेमैं तम्।