हिब्रू 3:18 - परमेश्‍वरए ताँ तमु क्युइर

¹⁸ “परमेश्‍वरजी बिबै ताँ आङिंब्मैं खीए भों न्हबै क्‍ल्‍ह्‍योर खोंयोंइ होंल् योंरिब् आरे,” बिसि खीजी चमैंए बारेर कसम चब आङिं वा?

हिब्रू 3:18 ပူးပေါင်းရင်းမြစ်များ

भजनमैं 78:22

तलेबिस्याँ चमैंइ परमेश्‍वरए फिर बिश्‍वास आलल, खीजी जोगेमिंम् बिबै ताँर चमैंइ भर आथेंल।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

रोमी 11:30

स्‍योंम क्‍हेमैं अरू ह्रेंर्बै म्‍हिमैंइ परमेश्‍वरए ताँ आक्वेंमल, दिलेया यहूदीमैंइ परमेश्‍वरजी बिब् आङिंबइले क्‍हेमैंइ परमेश्‍वरए ल्हयो योंबै मौका योंइमुँ।

हिब्रू 3:11

छतसि ङ ह्रिस खसि छले कसम चइ, ‘चमैं ङए भों न्‍हबै क्‍ल्‍ह्‍योर खोंयोंइ होंल् योंरिब् आरे।’”

हिब्रू 4:11

छतसि परमेश्‍वरजी भों न्हल् पिंबै क्ल्ह्‍योर होंल् योंबै ल्हागिर ङ्योइ भों लले। स्योंम्बै म्हिमैं परमेश्‍वरजी बिबै ताँ आङिंसि भों न्हबै क्ल्ह्‍योर होंल् आयों छतमा ङ्यो या चमैं धोंब तल आत्हुरिगे।

हिब्रू 4:2

मोशाइ मिश्र ह्‍युलउँइँले तेइ पखबै इस्राएलीमैंइ धोंले ङ्योज्‍यै या सैं तोंबै ताँ थेइमुँ। दिलेया चमैंइ सैं तोंबै ताँ थेलेया आक्वें छतसि चमैंलाइ तोइ फायदा आत।

हिब्रू 4:6

ओंसोंन् सैं तोंबै ताँ थेब्‍मैंइ परमेश्‍वरजी बिबै ताँ आङिंबइले भों न्‍हल् योंबै क्ल्ह्‍योर होंल् आयों। छतसि भों न्हल् योंबै क्ल्ह्‍योर होंल् त्हुब्मैं अझै को-कोइ चैमुँ।