हिब्रू 2:3 - परमेश्‍वरए ताँ तमु क्युइर

³ खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

हिब्रू 2:3 ပူးပေါင်းရင်းမြစ်များ

मत्ती 23:33

प्‍हुरिमैं, ओ साँबे प्‍हुरिए प्हसेमैं! क्‍हेमैं नर्गर्बै मिउँइँले खैले स्योल् खाँमुँ?

मत्ती 4:17

येशू कफर्नहुम नाँसर टिबै त्हे ओंनोंन् म्हिमैंने “पाप केमैं लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स (राज्‍य) चेंदोन् खइमुँ बिबर होंइ।”

मर्कूस 1:14

हेरोद म्रुँइ बप्‍तिस्‍मा पिंबै यूहन्‍ना झेलर च्युवाबै लिउँइँ येशू गालील ह्‍युलर एह्‍यासि परमेश्‍वरउँइँले खबै सैं तोंबै ताँ बिमिंइ।

लूका 1:2

ओंसों ओंनोंन् चु ताँन् ताँ म्रोंब नेरो येशूउँइँले खबै सैं तोंबै ताँ बिमिंबै म्‍हिमैंइ च ताँमैं ङ्योलाइ सेल् पिंल। छतसि चमैंउँइँले ल्हें ताँमैं योंसि म्‍हिमैंइ प्‍ह्रिना।

लूका 1:69

खीजी दाऊद म्रुँए कुलर ङ्यो जोगेमिंबै ल्हागिर थेबै शक्‍ति मुँबै मुक्‍तिदाता कुल्मिंइमुँ।

लूका 24:19

“तो ताँ जा?” बिसि येशूजी चमैंने ङ्योएमा चमैंइ बिइ, “नासरतथें येशूए बारेर्बै ताँ खी अगमबक्‍ता मुँल, खीजी परमेश्‍वर नेरो म्हिमैंए उँइँरि शक्‍ति मुँबै के लसि छ्याँबै ताँमैं लोमिंमल।

यूहन्‍ना 15:27

क्हेमैं ओंसों ओंनोंन् ङने बालु मुँबइले क्हेमैं या ङए साक्षि ग।”

चेला चिब्मैंए केमैं 1:22

यूहन्‍नाइ येशूलाइ बप्‍तिस्‍मा पिंबै त्हिंइउँइँले येशू स्वर्गर बोवाबै त्हे समा ङ्योने बा-बालु प्रब्-टिबै म्हि तल् त्हुम्। च म्हिइ येशू सिबउँइँले धबै सोगों तइ बिसि ग्वाइ पिंल् खाँब तल् त्हुम्।”

चेला चिब्मैंए केमैं 2:22

“ओ इस्राएलीमैं, चु ताँ थेद्, नासरतथें येशू परमेश्‍वरजी कुल्‍मिंबै म्‍हि मुँन बिब क्हेमैंइ सेरिगे नेरो क्होरिगे बिसि परमेश्‍वरजी येशूउँइँले शक्‍तिए केमैं, प्लेटोयाबै केमैं, नेरो चिनुमैं उँइँमिंसि क्हेमैंए म्हाँजोरि प्रमाण पिंल् खाँइमुँ। खीजी चु केमैं लब क्हेमैंइ सेइमुँ।

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

रोमी 11:14

चु केइ लमा ह्रोंसए ह्रेंर्बै म्‍हिमैंज्‍यै या क्‍हेमैं म्रोंसि ह्रिस लसि को-कोइ परमेश्‍वर ङाँइ सैं एल् खाँलै।

रोमी 2:3

छाबै आछ्याँबै के लइ बिसि क्हिइ अरूलाइ दोष ल्हैदिमुँ, दिलेया ह्रोंसज्यै च केन् लप्रम् बिस्याँ परमेश्‍वरजी निसाफ लमा क्‍हि स्योल् खाँम्‍मा? आखाँ!

१ कोरिन्थी 1:21

तलेबिस्याँ परमेश्‍वरए बुद्धिउँइँलेन् म्‍हिमैंइ ह्रोंसने बुद्धि मुँब् धों ङ्हाँलेया चमैंइ खेंमैंए “बुद्धिउँइँले” खीलाइ ङो सेल् आखाँ। छतसि ङ्योइ बिप्रबै सैं तोंबै ताँउँइँलेन् खीजी ह्रोंसए फिर बिश्‍वास लब्‍मैंलाइ जोगेबै चाँजो लइ।

१ थेसलोनिकी 5:3

च त्हेर म्‍हिमैंइ “शान्‍ति ने सुरक्षा तइमुँ, ङ्योए फिर आछ्याँबै ताँ तोइ तल् आखाँ,” बिरिमा सुत्‍केरि बेथा ल्हैदिब् धोंले तिखेर्न चमैंए फिर दुःख तब्‍मुँ। च दुःखउँइँले खाबै या स्योरल् आखाँ।

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

तीतस 2:11

तलेबिस्याँ ताँन् म्‍हिमैं जोगेमिंबै ल्हागिर परमेश्‍वरजी खीए दयाम्हाँया उँइँमिंइमुँ।

हिब्रू 1:1

स्‍योंमा परमेश्‍वर खीए ताँ बिमिंबै म्हिमैंउँइँले ङ्योए खेमैंने ल्‍हें खे, ल्हें खालर्बै चिनुमैंउँइँले पोंइ।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।

हिब्रू 1:2

दिलेया चु नुखबै त्हिंइजरे परमेश्‍वर खीए च्‍हउँइँले ङ्योने पोंइमुँ। परमेश्‍वरजी खीए च्हउँइँलेन् ह्‍युलर्बै तोन्दोंरि सैमैं बनेइ। धै ह्‍युलर्बै ताँन् सैए फिर क्ल्हे तबर खीजी खीए च्‍हलाइन त्हाँइ।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

हिब्रू 4:1

परमेश्‍वरजी खी टिबै क्ल्ह्‍योर भों न्हल् पिंम् बिसि ङ्योने फैबै बाछा अझै मुँ। छतसि न्ह क्रों मि क्रोंले टिद्, क्‍हेमैं न्‍होंरि खाबै या च भों न्‍हबै क्ल्ह्‍योउँइँले स्योवाल् आत्हुरिगे।

हिब्रू 4:11

छतसि परमेश्‍वरजी भों न्हल् पिंबै क्ल्ह्‍योर होंल् योंबै ल्हागिर ङ्योइ भों लले। स्योंम्बै म्हिमैं परमेश्‍वरजी बिबै ताँ आङिंसि भों न्हबै क्ल्ह्‍योर होंल् आयों छतमा ङ्यो या चमैं धोंब तल आत्हुरिगे।

हिब्रू 5:9

खी ताँन् जाँचउँइँले पास तल् खाँसि खीए ताँ म्हाँदिब्‍मैं ताँनए ल्हागिर खी खोंयोंइ आखाँबै छ्हए मुल तइमुँ।

हिब्रू 9:28

छलेन ल्‍हें म्‍हिमैंए पाप त्होमिंबर ख्रीष्‍ट या तिब्‍ले ख्रो तसि सिमिंइ। दिलेया खी धबै युब्‍मुँ। च त्हेर खी म्हिमैंए पाप त्होमिंबै ल्हागिर आङिं, दिलेया सैं तोंदै खीलाइ ह्रेरिब्मैंलाइ जोगेमिंबर युब्‍मुँ।

१ यूहन्‍ना 1:1

खोंयोंइ आखाँबै छ्ह पिंबै बचन ओंसों ओंनोंन् मुँल। खीए बारेर ङिइ थेइमुँ, ङिए मिइन खीलाइ म्रोंइमुँ, ङिए योइन छुइमुँ।

यहूदाइ प्‍ह्रिबै प्ह्रिछ्या 1:17

छतसि ओ ङए खोबै थुमैं, ङ्योए प्रभु येशू ख्रीष्‍टजी कुल्मिंबै चेला चिब्मैंइ ओंसोंन् बिबै ताँमैं क्हेमैंइ मैंन्।

दर्शन 7:10

झाइले चमैंइ थेबै कैले बिइ, “राजगद्दिर क्हुँबै ङ्योए परमेश्‍वर नेरो क्‍यु च्हजजी मुक्‍ति पिंम्।”