हिब्रू 2:2 - परमेश्‍वरए ताँ तमु क्युइर

² स्‍वर्गदूतमैंइ बिबै ताँ चारसि, आछ्याँबै के लब्मैंइ दण्ड योंइ बिस्याँ,

हिब्रू 2:2 ပူးပေါင်းရင်းမြစ်များ

भजनमैं 68:17

परमेश्‍वरए रथमैं लाख लाख करोड करोड मुँ! सिनै कोंउँइले प्रभु ह्रोंसए पबित्र क्‍ल्‍ह्‍योर युइमुँ।

चेला चिब्मैंए केमैं 7:53

क्हेमैंइ स्वर्गदूतउँइँले परमेश्‍वरए ठिम योंल, दिलेया च ताँ क्हेमैंइ आम्हाँदि।”

गलाती 3:19

छ बिस्‍याँ ठिम तले चैदिइ? तलेबिस्याँ अब्राहामए सन्‍तान न्होंर्बै बाछा योंबै म्‍हि ख्रीष्‍ट आयुन् समा आछ्याँबै केमैं तो जा बिसि उँइँबै ल्हागिर ठिम चैदिल। च ठिम स्‍वर्गदूतमैंउँइँले योंइ धै म्हिमैंलाइ स्‍वर्गदूतमैंने क्ह्रिमिंबै ल्हागिर मोशाइ च ठिम स्‍वर्गदूतमैंए योउँइँले किंसि म्हिमैंलाइ पिंइ।

हिब्रू 1:1

स्‍योंमा परमेश्‍वर खीए ताँ बिमिंबै म्हिमैंउँइँले ङ्योए खेमैंने ल्‍हें खे, ल्हें खालर्बै चिनुमैंउँइँले पोंइ।

हिब्रू 10:28

मोशाइ प्ह्रिबै ठिम आम्हाँदिबै म्हिए बारेर म्‍हि ‍ङ्हिंदे सोंदेए ग्वाइ तइ बिस्याँ च म्हि ल्हयो आयोंल्‍ले सिल् त्हुम्।

हिब्रू 10:35

छतसि क्‍हेमैंइ लबै बिश्‍वास आपिद्, क्हेमैंए ल्हागिर थेबै इनाम मुँ।

हिब्रू 11:26

मोशाइ मिश्र ह्‍युलर्बै ताँन् सै न्होर योंब् भन्दा ख्रीष्‍टए ल्हागिर आगुइ स्यारलै सैदिइ टिब थेबै ताँ मैंइ, तलेबिस्याँ परमेश्‍वरउँइँले लिउँइँ योंबै इनाम चइ ङ्ह्‍योरिल।

हिब्रू 11:6

बिश्‍वास आलल्‍ले खाबज्‍यै या परमेश्‍वरलाइ सैं तोंन् लल् आखाँ। तलेबिस्याँ खाउ म्हि परमेश्‍वरए चेंदो खमुँ च म्हिइ “परमेश्‍वर क्ह्रोंसेंन मुँ धै खीलाइ म्‍हैब्मैंलाइ खीजी इनाम पिंब्‍मुँ,” बिसि बिश्‍वास लल् त्‍हुम्।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

२ पत्रुस 1:19

धै अगमवक्तामैंइ येशूए बारेर बिबै ताँलाइ ङ्योइ भर लल् खाँम्। न्हाँग छझँ मि म्रोंबै त्हे आतन् समा धै न्हाँग छझँबै मुसारा आत्होंब् धोंले प्रभु येशू ख्रीष्‍ट युसि क्हेमैंए खोंर आचारन् समा अगमवक्तामैंइ प्ह्रिबै ताँ मिछु खैबर चारबै बत्ति धों तम्। छतसि चमैंए ताँलाइ न्ह क्रों मि क्रोंले थेंस्‍याँ क्‍हेमैंलाइ फायदा तम्।

यहूदाइ प्‍ह्रिबै प्ह्रिछ्या 1:5

क्‍हेमैंइ चु ताँ ओंसोंन् था सेल् खाँल। दिलेया धबै क्हेमैंलाइ तिब्ले मैंमिंदा ङ्हाँइ, प्रभुजी इस्राएलीमैंलाइ मिश्र ह्‍युलउँइँले जोगेसि पखल, दिलेया चमैं न्होंरि लिउँइँ बिश्‍वास आलब्मैंलाइ परमेश्‍वरजी नास लवाइ।