हिब्रू 2:13 - परमेश्‍वरए ताँ तमु क्युइर

¹³ अर्को क्‍ल्‍ह्‍योरै या खीजी बिइमुँ, “ङइ खीए फिर्न भर लमुँ।” अर्को क्‍ल्‍ह्‍योरै या खीजी बिइमुँ, “ङ्ह्‍योद्, ङ नेरो परमेश्‍वरजी ङलाइ पिंबै च्ह च्हमिंमैं।”

हिब्रू 2:13 ပူးပေါင်းရင်းမြစ်များ

उत्पत्ति 33:5

एसावइ च्हमिरिमैं नेरो कोलोमैं म्रोंसि “क्हिने बालु मुँब्मैं खाब्मैं जा?” बिमा याकूबइ “परमेश्‍वरजी क्हिए केब्छैंए फिर दयाम्हाँया लसि पिंबै ङए च्ह-च्हमिमैं ग,” बिइ।

उत्पत्ति 48:9

योसेफइ ह्रोंसए आबाने बिइ, “परमेश्‍वरजी मिश्र ह्‍युलर पिंबै ङए च्हमैं ग।” छबिमा याकूबइ बिइ, “चमैं ङ ङाँर पखोदि, चमैंए फिर ङइ आशिक पिंम्।”

भजनमैं 127:3

च्ह च्हमिमैं याहवेहजी पिंबै आशिकमैं ग, फो न्होंर्बै प्हसेमैं खीजी पिंबै इनाम ग।

भजनमैं 16:1

ओ परमेश्‍वर, ङ जोगेमिंन्, तलेबिस्याँ ङ क्हिए प्हलेर ग्वार योंबर खइमुँ।

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 91:2

याहवेहए बारेर ङ बिब्मुँ, “खी ङए ग्वार योंबै क्‍ल्‍ह्‍यो नेरो ङए किल्‍ला ग, खी ङए परमेश्‍वर ग, खीए फिर ङइ भर थेंम्।”

मत्ती 27:43

चुइ परमेश्‍वरए फिर बिश्‍वास लम्, ‘ङ परमेश्‍वरए च्‍ह ग,’ बिसि चुइ बिमल। छतसि परमेश्‍वरजी चुने म्हाँया लम् बिस्याँ खीजीन् तोगो चुलाइ जोगेमिंरिगे।”

यूहन्‍ना 10:29

तलेबिस्याँ ङए आबाजी चमैं ङलाइ पिंइँमुँ, खी ताँन् भन्दा थेब मुँ। छतसि ङए आबाए योउँइँले खाब‍ज्‍यै चमैं प्हेंसि बोल् खाँरिब् आरे।

१ कोरिन्थी 4:15

तलेबिस्याँ क्हेमैंलाइ ख्रीष्‍टए ताँ लोमिंबै म्हिमैं हजार च्‍युन् मुँलेया ख्रीष्‍टउँइँले खबै सैं तोंबै ताँ धाँसे ओंसो क्हेमैंने बिमिंसि क्हेमैंलाइ ख्रीष्‍ट ङो सेल् लमिंबै क्हेमैंए आबा ङन् ग।