हिब्रू 2:12 - परमेश्‍वरए ताँ तमु क्युइर

¹² खीजी छ बिइमुँ, “ङए अलिमैंए उँइँर ङइ क्‍हिए मिं थेब् लब्‍मुँ, म्‍हि च्होंए म्‍हाँजोर ङ क्‍हिए मिं क्वेब्‍मुँ।”

हिब्रू 2:12 ပူးပေါင်းရင်းမြစ်များ

भजनमैं 111:1

याहवेहए मिं थेब लद्! ठिक के लब्मैंए म्हाँजोर नेरो म्हि ल्हें च्होंबै क्ल्ह्‍योर ङए सैं न्होंउँइँले याहवेहलाइ धन्यबाद पिंब्मुँ।

भजनमैं 22:22

ङए अलिमैंए उँइँर क्हिजी लबै छ्याँबै केमैंए बयन लदै ङ क्हिए मिं थेब लब्मुँ। ल्हें म्हि च्होंबै क्ल्ह्‍योरै या ङ क्हिलाइन थेब् लब्मुँ

भजनमैं 22:25

ल्हें म्हि च्होंबै क्ल्ह्‍योर ङए छ्याँबै बयन तल् पिंब क्हिन् ग, छतसि क्हिलाइ मान लब्मैंए उँइँर बाछा फैसि लम् बिबै के ङइ पूरा लब्मुँ।

भजनमैं 40:10

क्हिजी रक्षा लमिंम् बिबै सैं तोंबै ताँ ङइ ह्रोंसए खोंर लोइरि आथेंइमुँ, बरु क्हि जोगेमिंब नेरो भर लल् खाँब मुँ बिसि ङइ पोंइमुँ। क्ह्रोंसेंन्बै खोंयोंइ आनुबै म्हाँया लबै परमेश्‍वर क्हिन् ग बिसि ङइ थेबै म्हि च्होंर बिइमुँ।

यूहन्‍ना 18:20

येशूजी चने बिइ, “ङइ म्हिमैंए उँइँर ताँनइ थेल्‍ले बिइमुँ। ङइ खोंयोंन् बिलै यहूदीमैं खागु तबै म्हि च्हों धिंर नेरो मन्दिरर लोमिंमल। ङइ आसेल्‍ले तोइ आबिइमुँ।

हिब्रू 12:23

स्वर्गर मिं दर्ता तबै च्‍ह थेब्मैंए ङाँर, ताँनए फिर छेनाले निसाफ लबै परमेश्‍वर ङाँर नेरो पबित्र लमिंबै ठिक के लब्मैंए प्ल्हए ङाँर क्हेमैं खइमुँ।