हिब्रू 13:8 - परमेश्‍वरए ताँ तमु क्युइर

⁸ येशू ख्रीष्‍ट खोंयोंन् बिलै ङ्‍हरि-कुरि आत! खी तेला, तिंयाँ, खोंयोंइ बिलेन् घ्रिन् तरिम्।

हिब्रू 13:8 ပူးပေါင်းရင်းမြစ်များ

उत्पत्ति 21:33

अब्राहामइ बेर्शेबार झ्याउए सिंधुँ घ्रि रुँइँसि खोंयोंन् बिलै तरिबै याहवेह परमेश्‍वरलाइ सेवा लइ।

भजनमैं 103:17

दिलेया खीए मान लब्मैं खीजी खोंयोंन् बिलै म्हाँया लरिम्। धै चमैंए च्ह-क्वेंमैं,

भजनमैं 90:2

कोंमैं तखब् भन्दा ओंसों, क्हिजी पृथ्बी नेरो ह्‍युल बनेब भन्दा ओंसों, ओंसोंउँइँले लिउँइँ समा क्हिन् परमेश्‍वर ग।

भजनमैं 90:4

क्हिए ल्हागिर हजार बर्ष घ्रि ह्‍याबै त्हिंइ घ्रि धों मत्‍त्रे ग, धै म्हुँइँसर्बै तिस्याँ मत्‍त्रे धों तब् ग।

प्रस्थान 3:14

छबिमा परमेश्‍वरजी मोशाने बिइ, “ङ ग, च ङन् ग।” धबै खीजी बिइ, “इस्राएलीमैंने क्हिइ छ बिद्, ‘ङ ग’ बिबजी क्हेमैं ङाँर ङ कुलब् ग।”

२ कोरिन्थी 1:19

परमेश्‍वरए च्‍ह येशू ख्रीष्‍टए बारेर बिबै ताँ “ङिंबन् ग” नेरो “आङिं” आत। तलेबिस्याँ येशू ख्रीष्‍टर मुँबै ताँन् सै खोंयोंन् बिलै “ङिंबन् तम्” बिसि सिलास, तिमोथी नेरो ङइ क्हेमैंए म्हाँजोर खीए बारेर बिल।

२ कोरिन्थी 1:20

तलेबिस्याँ परमेश्‍वरजी लबै ताँन् बाछामैं येशू ख्रीष्‍टर पूरा तम्। छतसि परमेश्‍वरए थेबै मानए ल्हागिर “येशू ख्रीष्‍टए मिंउँइँले छान् तरिगे” बिसि ङ्योइ बिल् खाँम्।

हिब्रू 1:12

क्हिजी चमैं क्‍वें धोंलेन् फेर्दिब्‍मुँ, धै स्योब क्वें भ्योंब् धोंले चमैं भ्योंवाब्मुँ। दिलेया क्हि खोंयोंइ आफेर्दि, क्‍हि खोंयोंन् बिलै तरिम्।”

याकूब 1:17

तलेबिस्याँ ताँन् छ्याँबै दान बरदानमैं त्हिंयाँ नेरो लयाँ बनेबै परमेश्‍वरउँइँले युम्। तलेबिस्याँ खी खोंयोंइ ङ्हरि कुरि आत।

यहूदाइ प्‍ह्रिबै प्ह्रिछ्या 1:25

छाबै ङ्योलाइ जोगेमिंबै घ्रि मत्‍त्रे मुँबै परमेश्‍वरलाइ ङ्योए प्रभु येशू ख्रीष्‍टउँइँले थेबै मान, थेबै शक्‍ति, थेबै भों नेरो अधिकार, ओंसोंउँइँले तिंयाँ धै प्हँना लिउँइँ समा खोंयोंन् बिलै तरिगे! आमेन, छाबन् तरिगे!

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।

दर्शन 1:8

“ताँन् भन्दा ओंसोंबै नेरो ताँन् भन्दा लिउँइँबै ङन् ग। बिसि तोन्दोंरि लल् खाँबै परमेश्‍वरजी बिइमुँ, खी मुँल, मुँ, लिउँज्यै या युब्‍मुँ। ग!”