हिब्रू 13:6 - परमेश्‍वरए ताँ तमु क्युइर

⁶ छतसि ङ्योइ ढुक्‍कले बिले, “याहवेहजी ङलाइ ल्होमिंम्, छतसि ङ ङ्हिंरिब् आरे। म्‍हिमैंइ ङलाइ तो लल् खाँमुँ?”

हिब्रू 13:6 ပူးပေါင်းရင်းမြစ်များ

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

भजनमैं 124:8

स्वर्ग नेरो पृथ्बी बनेबै याहवेहए मिंर ङ्योइ ग्वार योंम्।

भजनमैं 146:3

क्रथे मिंथेमैं नेरो सिल् त्हुबै म्हिमैंए फिर भर आथेंन्, तलेबिस्याँ चमैंइ जोगेमिंल् आखाँ।

भजनमैं 27:9

ओ ङए मुक्‍ति पिंबै परमेश्‍वर! क्हिए मोंड ङ ङाँइँले आलोमिंन्, ह्रिस खमा क्हिए के लबै म्हिलाइ आस्योमिंन्। ङलाइ जोगेमिंबै परमेश्‍वर क्हि ग। छतसि ङलाइ आपिमिंन्।

भजनमैं 33:20

छ बिसि याहवेहए फिर आशा थेंसि ङ्योइ खीए घ्याँ ङ्‍ह्‍योरिम्; तलेबिस्याँ ङ्योलाइ ल्होमिंब नेरो ङ्योए रक्षा लबै परमेश्‍वर खीन् ग।

भजनमैं 40:17

ङ बिस्याँ आयोंब् नेरो आख्युब मुँ, दिलेया प्रभुजी ङलाइ मैंम्। क्हिजी ङलाइ ल्होसि ताँन् दुःखउँइँले फ्रेमिंम्। ओ ङए परमेश्‍वर, युनन् यमिंन्।

भजनमैं 54:4

परमेश्‍वरजी खैलसेया ङलाइ ल्होमिंम्, याहवेहजी ङ जोगेमिंम्।

भजनमैं 56:4

परमेश्‍वरजी पोंबै ताँमैंए बयन ङ लरिमुँ। खीए फिर्न ङइ भर लइमुँ, छतसि ङ ङ्हिंरिब् आरे। म्हिमैंइ ङलाइ तो लल् खाँमुँ?

भजनमैं 63:7

तलेबिस्याँ क्हिजी ङ ल्होमिंइमुँ, छतसि ङ क्हिए प्ह्‍यागोंमैंए छरि न्होंर सैं तोंसि क्वे प्रिंमुँ।

भजनमैं 94:17

याहवेहजी ङ आल्होस्याँ ङए सो उँयाँनन् तोइ कै आथेबै क्रोंर ह्‍यामल।

प्रस्थान 18:4

अर्को च्हए मिं एलीएजर मुँल, तलेबिस्याँ मोशाइ, “ङए आबाए परमेश्‍वरजी ङलाइ ल्होमिंसि फारोए सेलाँउँइँले ङ जोगेमिंइ,” बिल। छतसि च्हए मिं चइ एलीएजर थेंइ।)

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

रोमी 8:31

चु ताँमैं सैंर मैंमा ङ्योइ अझै या तो बिल् खाँम्? परमेश्‍वरन् ङ्योने बालुन् मुँ बिस्याँ, ङ्योए बिरोधर खाब् तम्?

एफिसी 3:12

छले ङ्यो ख्रीष्‍टने घ्रिन् तसि खीए फिर बिश्‍वास लबइले ङ्यो तिफुँइ आङ्हिंन्‍ले परमेश्‍वर ङाँर ह्‍याल् योंइमुँ।

हिब्रू 10:19

छतसि ओ अलि-अङाँमैं, येशूए कोजी लमा “ताँन् भन्दा पबित्र क्‍ल्‍ह्‍योर” होंबै भों ङ्योइ योंइमुँ।

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।