हिब्रू 13:20 - परमेश्‍वरए ताँ तमु क्युइर

²⁰ परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

हिब्रू 13:20 ပူးပေါင်းရင်းမြစ်များ

भजनमैं 23:1

याहवेह ङए प्ह्रोंछैं ग, ङने तोइ खाँचो तरिब् आरे।

भजनमैं 80:1

ओ इस्राएलए प्ह्रोंछैं, न्ह तोमिंन्! तलेबिस्याँ क्युए बगल धोंले क्हिजी योसेफए सन्तानमैंलाइ डोरेम्। क्हि करूबमैंए म्हाँजोर टिम्, छतसि क्हिए शक्ति उँइँमिंन्।

प्रस्थान 24:8

च लिउँइँ मोशाइ भाँडोर्बै को किंसि म्हिमैं फिर प्रासि बिइ, “थेद्, चु याहवेहजी बाछा फैबै को ग। खीजी चु बाछा खीजी ताँन् ताँमैं बिब् धोंले क्हेमैंने फैइमुँ।”

मत्ती 26:28

तलेबिस्याँ चु परमेश्‍वरजी फैबै छारा बाछार्बै ङए को ग। ल्‍हें म्‍हिमैंए पाप क्षमा तरिगे बिसि ङए को बगेब्मुँ।

मर्कूस 14:24

झाइले खीजी चमैंने बिइ, “चु परमेश्‍वरजी फैबै बाछार्बै ङए को ग। ल्‍हें म्‍हिमैंए पाप क्षमा तरिगे बिसि ङए को बगेब्मुँ।

लूका 22:20

छलेन क्हें चल् खाँबै लिउँइँ येशूजी प्‍हेला घ्रि छेइ, झाइले चमैंने पिंसि बिइ, “चु क्‍हेमैंए ल्हागिर बगेबै ङए को ग। चु को परमेश्‍वरजी क्‍हेमैंने फैबै छारा बाछाए छाप ग।

यूहन्‍ना 10:11

“छ्याँबै प्ह्रोंछैं ङन् ग। छ्याँबै प्ह्रोंछैंजी ह्रोंसए क्युमैं जोगेबै ल्हागिरि ह्रोंसए ज्यु पिंम्।

यूहन्‍ना 10:14

“छ्याँबै प्ह्रोंछैं ङन् ग। ङइ ह्रोंसए क्युमैं ङो सेम्, धै ङए क्युमैंइ ङलाइ ङो सेम्।

चेला चिब्मैंए केमैं 13:30

दिलेया परमेश्‍वरजी खी सिबइले धबै सोगों लमिंइ।

चेला चिब्मैंए केमैं 17:31

तलेबिस्याँ खीजी ह्‍युलर्बै ताँन् म्हिमैंए निसाफ लबै त्हिंइ तोक्दिमिंइँमुँ। च त्हिंइर खीजी त्हाँबै म्हि घ्रिउँइँले ह्‍युलर्बै ताँन् म्हिमैंए निसाफ लब्मुँ। च म्हिने निसाफ लबै हग मुँ बिसि प्रमाण ताँनने उँइमिंबर परमेश्‍वरजी च म्हि सिबउँइँले सोगों लमिंइ।”

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

चेला चिब्मैंए केमैं 2:32

चुन् येशू परमेश्‍वरजी सिबउँइँले सोगों लमिंइ। चु ताँए साक्षि ङि ताँन् मुँ।

चेला चिब्मैंए केमैं 3:15

झाइले म्‍हिमैंलाइ खोंयोंन् बिलै आखाँबै छ्ह पिंबै येशू क्‍हेमैंइ सैवाइ। दिलेया परमेश्‍वरजी खीलाइ सिबउँइँले धबै सोगों लमिंइ। चु ताँ ङिइ म्रोंइमुँ।

चेला चिब्मैंए केमैं 4:10

नासरतर्बै येशू ख्रीष्‍टए मिंर चु म्हि ससि क्हेमैंए उँइँर राइमुँ बिसि क्हेमै नेरो इस्राएलर्बै ताँन् म्हिमैंइ सेल् त्हुम्। क्हेमैंइ येशूलाइ क्रूसर च्योवाल, दिलेया परमेश्‍वरजी खीलाइ सिबउँइँले धबै सोगों लमिंइ।

चेला चिब्मैंए केमैं 5:30

क्हेमैंइ यशूलाइ सिए क्रूसर च्योवासि सैवाइ। दिलेया ङ्योए खेंमैंए परमेश्‍वरजी येशू सिबउँइँले धबै सोगों लमिंइ।

रोमी 1:4

ङ्योए प्रभु येशू ख्रीष्‍ट सिसेया पबित्र प्ल्हए थेबै शक्‍तिउँइँले सोगों तबइले “येशू परमेश्‍वरए च्‍हन् ग!” बिबै प्रमान खीजी ङ्योलाइ उँइँमिंइ।

रोमी 10:7

छलेन ‘ख्रीष्‍टलाइ सिबउँइँले पखबर क्रोंर खाब् ह्‍याब?’ बिबै सैं या आमैंन्।”

रोमी 15:33

शान्‍ति पिंबै परमेश्‍वर क्‍हेमैं ताँनने तरिगे। आमेन, छान तरिगे।

रोमी 16:20

ङ्योलाइ शान्‍ति पिंबै परमेश्‍वरजी युनन् दुष्‍टलाइ क्‍हेमैंए प्‍हलेइ प्‍लेल् पिंब्‍मुँ। ङ्योए प्रभु येशूए थेबै दयाम्हाँया क्‍हेमैंने बालु तरिगे।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

१ कोरिन्थी 14:33

तलेबिस्याँ क्हेमैंइ परमेश्‍वरए सेवा लमा गोलमोल आतल्‍ले छेनाले लल् त्हुम् बिब खीए सैं मुँ। ताँन् क्‍ल्‍ह्‍योर्बै परमेश्‍वरए फिर बिश्‍वास लबै म्‍हिमैं धोंले

१ कोरिन्थी 15:15

चए फिरै या ङि परमेश्‍वरए बारेर स्योर तेसि पोंब्मैं तब्मुँ, तलेबिस्याँ परमेश्‍वरजी “ख्रीष्‍टलाइ सिबउँइँले धबै सोगों लमिंइ” बिसि खीए बारेर ङिइ ग्वाइ पिंइमुँ। क्ह्रोसेंन सियाब्मैं धबै सोगों आतस्याँ खीजी ख्रीष्‍टलाज्यै या सोगों आलमल।

१ कोरिन्थी 6:14

परमेश्‍वरजी ह्रोंसए शक्‍तिजी प्रभु येशू सिबउँइँले सोगों लमिंइ। छलेन ङ्योलाज्यै या खीए शक्‍तिजी सोगों लमिंब्‍मुँ।

२ कोरिन्थी 13:11

ओ अलि-अङाँमैं, छेन्‍ले टिद् ओ, जय मसीह। ताँन् केमैं छेनाले लबै भों लदु, घ्रिइ-घ्रिए सैं क्होमिंबै के लदु, क्ह्रिसि टिदु, घ्रिइ-घ्रिलाइ सैदिदु। झाइले खीए म्हाँयाउँइँले ङ्योए सैं क्‍होल् लमिंबै परमेश्‍वर क्‍हेमैंने तब्‍मुँ।

२ कोरिन्थी 4:14

येशू ख्रीष्‍टलाइ सिबउँइँले सोगों लमिंबै परमेश्‍वरजी ङिलाज्यै या येशू ख्रीष्‍टने घ्रिन् लसि सिबउँइँले सोगों लमिंब्‍मुँ, धै खीजी ङिलाइ क्‍हेमैंने बालुन् खीए ङाँर बोब्‍मुँ बिब ङि सेइमुँ।

गलाती 1:1

कुल्मिंबै चेला चिब ङ पावलउँइँले जय मसीह मुँ। कुल्मिंबै चेला चिब (तसि परमेश्‍वरए के लबर) ङलाइ म्‍हिमैंइ त्हाँसि कुलब् आङिं, म्‍हिमैंइ खटिदिब आङिं। येशू ख्रीष्‍टलाइ सिबउँइँले सोगों लमिंबै परमेश्‍वर आबा नेरो येशू ख्रीष्‍टजीन् ङलाइ त्‍हाँसि कलब् ग।

एफिसी 1:20

च थेबै शक्‍तिउँइँलेन् परमेश्‍वरजी येशू ख्रीष्‍टलाइ सिबउँइँले सोगों लमिंसि स्वर्गर ग्याल्स लरिगे बिसि खीए क्‍योलोउँइँ क्हुँल् पिंइमुँ।

फिलिप्पी 4:9

क्‍हेमैंइ ङउँइँले तो तो ताँ लोइ, धै तो ताँ थेइ, ङए छ्हर क्हेमैंइ तो ताँ म्रोंइ, च धोंन् लद्। छलस्याँ शान्‍ति पिंबै परमेश्‍वर क्‍हेमैंने तब्‍मुँ।

कलस्सी 2:12

छलेन क्‍हेमैं क्‍युर प्‍ल्हुँसि बप्‍तिस्मा किंमा क्हेमैं ख्रीष्‍टनेन् बालु सिसि पाब् ग। परमेश्‍वरजी ख्रीष्‍टलाइ सिबइले धबै सोगों लमिंल, धै क्हेमैंइ खीए शक्‍तिए फिर बिश्‍वास लबइले खीजी क्हेमैंलाज्यै या ख्रीष्‍टनेन् बालु सोगों लमिंइमुँ।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

१ थेसलोनिकी 5:23

शान्ति पिंबै परमेश्‍वरजी ताँन् सैर क्‍हेमैंलाइ पबित्र लमिंरिगे, धै ङ्योए प्रभु येशू युबै त्हेर क्हेमैंए ज्यु, सैं, खों, बेल्‍ले छ्याँब नेरो खोट आरेब तरिगे।

२ थेसलोनिकी 3:16

तारे पिरु ङ्योए सैं क्‍होल् लमिंबै प्रभुजी खोंयों बिलै या क्‍हेमैंलाइ खैतबै त्हेर्न बिलै छिं ङ्हाँल् लमिंरिगे। क्‍हेमैं ताँनने प्रभु तरिगे।

हिब्रू 10:22

छतसि ङ्योए आछ्याँबै सैंमैं चोखो लसि पबित्र क्युइ ङ्योए ज्यु ख्रुमिंइ, छतसि छ्याँबै सैंइ खीए फिर बिश्‍वास लसि खीए फिर सैं केंसि ङ्यो परमेश्‍वरए उँइँर ह्‍याले।

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।

हिब्रू 9:20

छले कोइ प्रामा मोशाइ बिइ, “परमेश्‍वरजी क्‍हेमैंने बिबै बाछाए को चुन् ग।”

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

१ पत्रुस 2:25

क्‍हेमैं क्युमैं धोंले घ्‍याँ फ्ल्येसि प्ररिल। दिलेया तारेम् क्हेमैंलाइ जोगेमिंबै प्ह्रोंछैं ङाँर क्हेमैं एखइमुँ।

१ पत्रुस 5:4

छलस्याँ ताँन् भन्दा मूलि प्‍ह्रोंछैं युबै त्हेर क्‍हेमैंइ खोंयोंइ आङ्योंलोंब नास आतबै छ्याँबै मुकुट योंब्‍मुँ।