हिब्रू 13:17 - परमेश्‍वरए ताँ तमु क्युइर

¹⁷ क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

हिब्रू 13:17 ပူးပေါင်းရင်းမြစ်များ

उत्पत्ति 16:9

याहवेहए स्वर्गदूतजी चने बिइ, “क्हिए नेब्स्यो ङाँर एसि ह्‍याद्, धै चए न्होंर टिद्।”

प्रस्थान 32:31

च लिउँइँ मोशा याहवेह ङाँर ह्‍यासि बिइ, “चु म्हिमैंइ थेबै पाप लइमुँ! चमैंइ माराए कु बनेसि फ्योइमुँ।

हितोपदेश 5:13

गुरूमैंइ बिबै ताँमैं ङइ आङिं, धै म्हिमैंइ लोमिंमा ङइ थेबै न्ह आल।

लूका 16:2

“छतमा प्लबै म्हिइ चलाइ हुइसि बिइ, ‘क्‍हिए बारेर ङइ थेबै ताँ तो जा? क्‍हिइ लबै केए हिसाब ङलाइ पिंन्। तलेबिस्याँ तारे क्‍हि ङए सै न्होरए चाँजो लल् योंरिब् आरे।’

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

रोमी 14:12

छतमा ङ्यो ताँनइ ह्रों-ह्रोंसइ लबै केए हिसाब परमेश्‍वरलाइ बुजीदिल् त्‍हुम्।

१ कोरिन्थी 16:16

छतसि ओ अलि-अङाँमैं, क्‍हेमैं या छाबै म्‍हिमैं नेरो चमैंने क्ह्रिसि छलेन् के लब्‍मैंइ बिबै ताँमैं ङिंन् बिसि ङ क्‍हेमैंने यो छ्युँ लम्।

एफिसी 5:21

ख्रीष्‍टलाइ म्हाँदिबइले क्‍हेमैं ताँन् घ्रि घ्रिए न्होंर टिल् त्‍हुम्।

फिलिप्पी 1:4

बेल्‍ले सैं तोंदै ङइ खोंयोंन् बिलै क्‍हेमैंए ल्हागिर प्राथना लमुँ,

फिलिप्पी 2:12

छतसि, ओ ङइ खोबै अलि-अङाँमैं, क्हेमैंइ खोंयोंइ ङइ बिबै ताँमैं ङिंरिइमुँ। ङ क्‍हेमैंने मुँमा ङए उँइँर लब् धोंले मत्‍त्रे आङिं, ङ क्हेमैंने आरेबै त्हेरै या छलेन परमेश्‍वरने ङ्हिंदै ह्रोंसइ योंबै मुक्‍ति जोगेबर के लसि उँइँन्।

फिलिप्पी 2:16

क्‍हेमैंलाइ छ्ह पिंबै परमेश्‍वरए ताँ भोंन्ले क्हाथेंन्। छले क्हाथेंस्याँ येशू ख्रीष्‍ट युबै त्हिंइर ङइ क्हेमैंए ल्हागिर लबै दुःख छलेन् खेरो आह्‍याना बिसि ङए सैं तोंब्मुँ।

फिलिप्पी 2:29

छतसि बेल्‍ले सैं तोंदै चए मान लद्। छाबै म्‍हिमैंलाइ मान लल् त्हुम्।

फिलिप्पी 3:18

ङइ चु ताँ ल्‍हें खे क्हेमैंने बिल् खाँइमुँ, धबै या बिमुँ। ङए सैं बेल्‍ले नइमुँ। को-कोइ म्हिमैंम् अझै क्रूसर सिमिंबै येशू ख्रीष्‍टए शत्तुरन् तसि छ्ह थोम्।

फिलिप्पी 4:1

छतसि, ङइ खोबै अलि-अङाँमैं, छलेन् क्हेमैं प्रभुए भोंब् तरिद्। ङइ क्‍हेमैंलाइ म्हाँया लमुँ, धै क्हेमैंए साँ खरिम्। क्हेमैंइ ङए सैं तोंन् लमिंइमुँ छतसि क्हेमैं ङए मुकुट ग।

२ थेसलोनिकी 3:14

ङिइ चु प्ह्रिछ्यार प्‍ह्रिबै ताँ खाबै आङिं, च म्हिलाइ छेन्‍ले ङो सेथेंन्। च फा पिन् तरिगे बिसि चने प्रब-टिब ने पोंब आलद्।

१ तिमोथी 5:17

बिश्‍वासीमैं छेनाले ल्होमिंबै एल्डरमैं, खासगरि परमेश्‍वरए ताँ बिमिंसि लोमिंबर भों लब्मैंइ दुःख सैदि डबल योंल् त्हुम्।

हिब्रू 13:24

क्‍हेमैंए ताँन् अगुवामैं नेरो ताँन् बिश्‍वासीमैंने ङिए जय मसीह मुँ बिमिंन्। छलेन इटालिया ह्‍युलर्बै अलि-अङाँमैंज्यै या क्‍हेमैंने जय मसीह बिमिंइमुँ।

हिब्रू 13:7

ओंसों क्‍हेमैंने परमेश्‍वरए ताँ बिमिंबै अगुवामैं मैंन्। चमैंइ खैले छ्ह थोइ, चमैंए छ्हर तो-तो तइ धै चमैं खैले सिइ बिसि सैंर मैंन्, धै चमैंइ लब् धोंबै बिश्‍वास क्‍हेमैंज्यै या लद्।

याकूब 4:7

छतसि परमेश्‍वरजी बिब ङिंन्, दुष्‍टए ताँ आङिंन्। छलस्याँ दुष्‍ट क्‍हेमैंउँइँले न्हेह्‍याम्।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”