हिब्रू 13:12 - परमेश्‍वरए ताँ तमु क्युइर

¹² छलेन येशूज्यै खीए ह्रोंसए कोउँइँले म्‍हिमैं पापउँइँले फ्रेमिंसि पबित्र लमिंबै ल्हागिर खिइ या सहरए बैरु दु:ख नोइ।

हिब्रू 13:12 ပူးပေါင်းရင်းမြစ်များ

लूका 4:29

छतसि चमैंइ येशूलाइ नाँसउँइँले बैरु तेवासि खेंमैंइ बनेबै सहरए कोंर्बै च्होर बोसि खीलाइ क्युरु भ्‍योंवाल् म्हैइ।

यूहन्‍ना 17:19

चमैं क्ह्रोंसेंन्बै पबित्र म्हिमैं तरिगे बिसि ङ चमैंए ल्हागिर ह्रोंसलाइ पबित्र लम्।

यूहन्‍ना 19:34

दिलेया सिपाइमैं न्होंर्बै घ्रिइ खीए कोखर बर्साइ ल्हिबै तोदोंन् को नेरो क्यु त्होंइ।

चेला चिब्मैंए केमैं 7:58

चए बिरोधर ग्वाइ पिंब्मैंइ ह्रों-ह्रोंसए क्वें प्लिसि शाऊल मिं मुँबै फ्रेंसिए प्हले ङाँर थेंइ। धै चमैंइ स्तिफनस सहरउँइँले बैरु तेइ बोसि युँमाइ ल्हिइ।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

एफिसी 5:26

बिश्‍वासीमैंलाइ पबित्र लबर ख्रीष्‍टजी ह्रोंसए बचनउँइँले नेरो क्युइ ख्रुसि चोखो लमिंइ।

हिब्रू 10:10

तलेबिस्याँ येशू ख्रीष्‍टजी परमेश्‍वरए सैंर मैंबै ताँ पूरा लमिंइ। छतसि येशू ख्रीष्‍टजी खीए ज्यु खोंयोंइ तरिबै ख्रो तिब्ले पिंबइले ङ्यो पबित्र लमिंइमुँ।

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।

हिब्रू 2:11

तलेबिस्याँ म्हिमैंलाइ पबित्र लमिंबै येशू नेरो येशूजी पबित्र लमिंल् खाँबै म्हिमैं परवा घ्रिर्बैन् ग। छतसि चमैंने अलि बिबर येशू फा आपे।

दर्शन 14:20

च अँगुर म्हाबै क्ल्ह्‍यो सहरए बैरु मुँल। चर बोसि म्हाबै अँगुरउँइँले त्होंबै कोइ सोंप्र किलो मिटर समा प्हानेल धै च को सोंग्रु गैरु मुँल।