हिब्रू 12:6 - परमेश्‍वरए ताँ तमु क्युइर

⁶ तलेबिस्याँ याहवेहजी म्हाँया लब्‍मैंलाइ छ्याँबै बानि तरिगे बिसि तार झोंम्, धै ह्रोंसजी खोबै प्हसेमैंलाइ खीजी दण्ड पिंम्।”

हिब्रू 12:6 ပူးပေါင်းရင်းမြစ်များ

भजनमैं 119:71

ङए फिर दुःखमैं तखब छ्याँबन् तइ, तलेबिस्याँ क्हिए निसाफमैं ङइ क्होल् योंइ।

भजनमैं 119:75

ओ याहवेह, क्हिजी लबै निसाफमैं ठिक मुँ। तले ङलाइ दुःख पिंइ बिस्याँ क्हि भर लल् खाँब मुँ बिसि ङइ सेइमुँ।

भजनमैं 94:12

ओ याहवेह, क्हिजी तार झोंबै म्हि नेरो ह्रोंसए ठिमउँइँले क्हिजी लोमिंबै म्हिइ आशिक योंम्।

हितोपदेश 13:24

च्हलाइ तार आझोंबै आबाइ च्हलाइ हेल लम्, दिलेया च्हलाइ खोबै आबाइ छेनाले तार झोंम्।

हितोपदेश 3:11

ओ ङए च्ह, याहवेहजी तार झोंमा छोरों आङ्हाँन्। खीजी हौदिमा आछ्याँब आमैंन्,

हितोपदेश 3:12

तलेबिस्याँ खैले आबाइ ह्रोसए च्हलाइ तार झोंमुँ, छलेन याहवेहज्यै या ह्रोंसइ खोबै म्हिलाइ तार झोंम्।

याकूब 1:12

खैबै दुःख तलेया तोइ आङ्हाँन्ले ढुक्‍काले टिबै म्हिइ आशिक योंब्मुँ, तलेबिस्याँ बिश्‍वासए जाँच तमा सैदिल् खाँबै म्हिइ लिउँइँ खोंयोंइ आखाँबै छ्ह योंब्मुँ। चु छ्ह परमेश्‍वरजी खीलाइ म्हाँया लब्मैंलाइ पिंम् बिसि बाछा फैइमुँ।

याकूब 5:11

च आङ्हिंन्ले दुःख सैदिबै म्‍हिमैंने ङ्योइ ङ्‍हो सब्मैं बिम्। स्‍योंम्‍बै अय्यूब बिबै म्‍हिइ सैदिबै दु:ख नेरो प्रभुजी लिउँइँ चए फिर ल्हें आशिकइ प्लिंमिंइ बिबै ताँ या क्‍हेमैंइ थेइमुँ। छतसि प्रभुजी दयाम्हाँया लम् बिबै या ङ्योइ सेइमुँ।

दर्शन 3:19

म्हाँया लब्मैंलाइ ङइ हौदिमुँ, धै तार झोंम्। छतसि भों लसि क्‍हिइ लबै पापउँइँले सैं एद्।

रूथ 1:3

चर टिमा नाओमीए प्युँ एलीमेलेक सियाइ, धै नाओमी नेरो चए च्ह ङ्हिं मत्‍त्रे तइ।