हिब्रू 12:5 - परमेश्‍वरए ताँ तमु क्युइर

⁵ परमेश्‍वरजी लोदा सैंदा लमिंबै ताँ क्हेमैंइ म्‍लेवाइ वा? क्हेमैं खीए प्हसेमैं ग। छतसि खीजी बिइ, “ओ ङए च्‍ह, छ्याँबै बानि तरिगे बिसि प्रभुजी क्‍हिलाइ तार झोंल् म्हैमा छेनाले मैंन्, खीजी दण्ड पिंमा सैं च्योंब आलद्।

हिब्रू 12:5 ပူးပေါင်းရင်းမြစ်များ

भजनमैं 118:18

याहवेहजी ङ थेबै दण्ड पिंइमुँ, दिलेया खीजी ङ सिल् आपिंइमुँ।

भजनमैं 119:109

ङ कालए सुँर्न फेल् त्हुलैया क्हिए ठिमर्बै ताँमैं ङइ म्‍लेरिब् आरे।

भजनमैं 119:16

क्हिजी पिंबै ठिममैंर ङए सैं तोंरिब्मुँ; धै क्हिए ताँमैं ङ खोंयोंइ म्‍लेरिब् आरे।

भजनमैं 119:67

ङए फिर दुःख खब् भन्दा ओंसों ङ घ्याँ फ्लेसि प्ररिल, दिलेया तारेम् क्हिजी बिबै ताँमैं ङिंसि ङ प्रब्मुँ।

भजनमैं 119:75

ओ याहवेह, क्हिजी लबै निसाफमैं ठिक मुँ। तले ङलाइ दुःख पिंइ बिस्याँ क्हि भर लल् खाँब मुँ बिसि ङइ सेइमुँ।

भजनमैं 119:83

केर आफेबै च्युँयाबै छाकल धोंन् ङ तयाइमुँ, दिलेया क्हिए निसाफमैं ङइ आम्‍लेइमुँ।

भजनमैं 94:12

ओ याहवेह, क्हिजी तार झोंबै म्हि नेरो ह्रोंसए ठिमउँइँले क्हिजी लोमिंबै म्हिइ आशिक योंम्।

हितोपदेश 3:1

ओ ङए च्ह, ङइ लोमिंबै ताँमैं आम्‍लेद्, ङइ बिबै ताँमैं ह्रोंसए खोंर थेंन्।

हितोपदेश 4:5

“बुद्धि म्हैद्, च्हैंब् मैंब लल् खाँब तद्; ङइ बिबै ताँमैं आम्‍लेद्, धै ङइ बिबै ताँमैं थेलैया आथेब् धों आलद्।

लूका 24:6

येशू चुर आरे, खी सोगों तसि रेह्‍याल् खाँइ। गालीलर मुँमा खीजी क्‍हेमैंने तो बिल च ताँ मैंन्दि।

लूका 24:8

चमैंए ताँ थेसि च्हमिरिमैंइ येशूजी बिबै ताँ चिइ।

१ कोरिन्थी 11:32

दिलेया प्रभुजी ङ्योए निसाफ लमा खीए फिर बिश्‍वास आलब्मैं धोंलेन् ङ्यो या नास आतरिगे बिसि ङ्योलाइ तार झोंम्।

गलाती 6:9

छतसि ङ्योइ आनारल्‍ले अरूमैंलाइ ल्होले, तलेबिस्याँ ङ्यो आनारल्‍ले के लसिन् टिइबिस्‍याँ ठिक त्हेर ङ्योइ रोमैं योंब्‍मुँ।

१ तिमोथी 1:20

चमैं न्होंरि हुमेनियस नेरो अलेक्जेन्डर बिब छाबै म्‍हिमैं ग। चमैंइ परमेश्‍वरए बारेर आछ्याँबै ताँ आपोंरिगे बिसि ङइ चमैं दुष्‍टए योर्न पिंवाइ।

हिब्रू 12:7

आबाइ तार झोंल् म्हैब् ग बिब् मैंसि क्‍हेमैंइ सैदिद्। परमेश्‍वरजी क्‍हेमैंए फिर प्‍हसेमैंने धोंलेन् ब्यबहार लमुँ। तलेबिस्याँ आबाइ तार आझोंबै प्हसे खाब् तम् रो?

हिब्रू 13:22

ओ ङए अलि-अङाँमैं, क्हेमैंए ल्हागिरि ङइ चु रिन्ठि लोदा सैंदाए ताँमैं प्ह्रिइमुँ। गार आम्हाँदिल्‍ले ङिंन् ओ।

याकूब 1:12

खैबै दुःख तलेया तोइ आङ्हाँन्ले ढुक्‍काले टिबै म्हिइ आशिक योंब्मुँ, तलेबिस्याँ बिश्‍वासए जाँच तमा सैदिल् खाँबै म्हिइ लिउँइँ खोंयोंइ आखाँबै छ्ह योंब्मुँ। चु छ्ह परमेश्‍वरजी खीलाइ म्हाँया लब्मैंलाइ पिंम् बिसि बाछा फैइमुँ।

दर्शन 3:19

म्हाँया लब्मैंलाइ ङइ हौदिमुँ, धै तार झोंम्। छतसि भों लसि क्‍हिइ लबै पापउँइँले सैं एद्।