हिब्रू 12:4 - परमेश्‍वरए ताँ तमु क्युइर

⁴ तलेबिस्याँ पापए बिरोधर नेल् त्हुमा क्हमैं सिलन् त्हुबर आफेइमुँ।

हिब्रू 12:4 ပူးပေါင်းရင်းမြစ်များ

मत्ती 24:9

“च त्हेर म्‍हिमैंइ क्‍हेमैं दुःख योंरिगे बिसि क्‍हासि दुष्‍टमैंए योर पिंवाब्मुँ, धै चमैंइ क्‍हेमैं सैवाब्‍मुँ। क्‍हेमैंइ ङए ताँ क्वेंइ बिसि ताँन् म्हिमैंइ क्‍हेमैंलाइ हेल लब्‍मुँ।

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।

फिलिप्पी 2:8

छले म्‍हिए क्‍हो किंसि, ह्रोंसन् च्‍योंब तसि क्रूसर सिबै त्हे समा परमेश्‍वरजी बिबै ताँ ङिंइ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

हिब्रू 13:13

छतसि ङ्यो या सहरउँइँले बैरु खी ङाँर ह्‍याले, धै खीजी सैदिब् धों तबै दुःख ङ्योज्यै सैदिले।

दर्शन 12:11

ङ्योए अलि-अङाँमैंइ क्‍यु च्हजए को नेरो खेंमैंइ पिंबै ग्वाइउँइँले च दुष्‍टए फिर ट्होइमुँ, तलेबिस्याँ खेंमैंए ज्युए म्हाँया आलल्‍ले चमैं सिबरै या तयार मुँल।

दर्शन 17:6

झाइले च च्हमिरिइ परमेश्‍वरए म्‍हिमैंए को नेरो येशूए ल्हागिर सिब्‍मैंए को थुँसि म्हेरब ङइ म्रोंइ। च म्रोंसि ङ प्लेटोयाइ।

दर्शन 18:24

अगमबक्‍तामैं नेरो परमेश्‍वरए म्‍हिमैं सैवाबै को च सहर तिगोंन् तल, छलेन पृथ्‍बीर म्हिमैंइ सैवाब्मैंए को या च सहरर्न मुँल।”

दर्शन 2:13

दुष्‍टइ ग्याल्स लबै क्ल्ह्‍योर क्‍हि टिइमुँ बिब ङइ सेइमुँ। दिलेया दुष्‍ट टिबै क्‍ल्‍ह्‍योर ङए बारेर भर लल् खाँबै ग्वाइ पिंबै एण्‍टिपासलाइ म्‍हिमैंइ सैवानाबिलेया क्‍हिइ ङए फिर बिश्‍वास लब आपिइमुँ।