हिब्रू 12:25 - परमेश्‍वरए ताँ तमु क्युइर

²⁵ छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

हिब्रू 12:25 ပူးပေါင်းရင်းမြစ်များ

प्रस्थान 16:29

सैंर थेंन्, याहवेहजी क्हेमैंए ल्हागिर प्रिबै त्हिंइ पिंइमुँ। छतसि याहवेहजी क्हेमैंए ल्हागिर ट्हुगैंर ङ्हिरोबै क्हें पिंइमुँ। ङिगैंर क्हेमैं ताँन् खनिर मुँ चर्न टिरिद्, खाबै या ह्रोंसए धिंउँइँले बैरु आह्‍याद्।”

प्रस्थान 20:22

छले ह्‍यामा याहवेहजी मोशाने बिइ, “ङ स्वर्गउँइँले क्हेमैंने पोंब क्हेमैंइ म्रोंइमुँ बिसि क्हिइ इस्राएलीमैंने बिद्।

हितोपदेश 1:24

दिलेया ङइ हुइमा क्हेमैंइ थेल् आङिं, ङ ङाँर खो बिसि ङइ यो स्योंम क्हेमैं खाबै या आख।

हितोपदेश 1:32

खेंमैंए सैंर मैंब् धोंले प्रबइले आमादुमैं सिब्मुँ, छले ज्ञान बुद्धिए ताँमैंलाइ तो धोंइ आङ्हाँबै आमादुमैं नास तयाब्मुँ;

हितोपदेश 13:18

लोदा-सैंदाए ताँ आङिंबै म्हि फापिल् त्हुब्मुँ धै दुःख खब्मुँ, दिलेया लोदा सैंदाए ताँ थेबै म्हिइ मान योंब्मुँ।

हितोपदेश 15:32

लोदा सैंदाए ताँ आथेबै म्हिइ ह्रोंसल्न न्होह्रों लम्, दिलेया लोदा सैंदाए ताँ ङिंबै म्हि ह्रब्-सेब् तम्।

हितोपदेश 8:33

ङए अर्थि थेदु धै ह्रब्-सेब् तदु, च हेल आलद्।

मत्ती 17:5

पत्रुसइ छले ताँ लनालन् चारबै न्‍हाँम्‍स्योइ खेमैंलाइ हुवाइ। धै “चु ङइ खोबै च्‍ह ग। चु म्रोंसि ङ बेल्‍ले सैं तोंइमुँ। चइ बिबै ताँ छेनाले थेद्!” बिबै कै च न्‍हाँम्‍स्यो न्‍होंउँइँले थेइ।

मत्ती 8:4

झाइले येशूजी चने, “चु ताँ खाबलाज्यै या आबिद्। ह्‍यासि ख्रो पिंबै खेगिने क्हिए ज्यु उँइँन्, ‘क्हि सयना’ बिब म्हिमैंइ सेरिगे बिसि मोशाइ बिब् धोंले भेटि पिंन्।”

चेला चिब्मैंए केमैं 7:35

“चु मोशाने इस्रालिमैंइ ‘क्हि ङिए फिर्बै चिब तसि निसाफ लबर खाबइ कुलल?’ बिमा चमैंइ खीजी बिबै ताँ आङिंल। दिलेया परमेश्‍वरए स्वर्गदूत मोशाने झ्याडिर म्रोंयुल। झाइले च स्वर्गदूतजी ल्होमिंबइले चमैंए फिर्बै चिब नेरो चमैं जोगेमिंबै म्हि लसि परमेश्‍वरजी मोशा कुल्मिंइ।

१ थेसलोनिकी 5:15

खाबज्‍यै क्हेमैंए न्होह्रों लवालेया खि आफोद्, दिलेया बिश्‍वासीमैंए फिर नेरो अरू म्‍हिमैंए फिरै या छ्याँबै के लबै सैं मैंन्।

२ तिमोथी 4:4

छले चमैं क्‍ह्रोंसेंन्‍बै ताँमैंउँइँले स्योयासि स्योलिबै ताँमैंए लिलि प्रयाब्मुँ।

हिब्रू 1:1

स्‍योंमा परमेश्‍वर खीए ताँ बिमिंबै म्हिमैंउँइँले ङ्योए खेमैंने ल्‍हें खे, ल्हें खालर्बै चिनुमैंउँइँले पोंइ।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।

हिब्रू 12:19

क्हेमैं बेल्‍ले ङ्‍हेबै त्हुतुरुए चेंदो आखइमुँ, धै थेबै कै घ्रिए चेंदो या क्हेमैं आखइमुँ। च कै थेब्मैंइ “तारे छाबै कै थेल् आत्हुरिगे,” बिसि यो छ्युँ लइ,

हिब्रू 3:12

छतसि ओ अलि-अङाँमैं, सैं चिद्, क्‍हेमैं न्‍होंरि खाबलैया बिश्‍वास आलबै आछ्याँबै सैंइ लमा क्हेमैं सोगों परमेश्‍वरउँइँले ह्रेंगो आबोरिगे।

हिब्रू 3:17

परमेश्‍वर प्‍लिच्‍यु बर्ष समा खाबने ह्रिस खल? च पाप लब्‍मैंने आङिं वा? चमैं क्यु आयोंबै क्ल्ह्‍योर सियाल् खाँल।

हिब्रू 8:5

दिलेया चुर्बै ख्रो पिंबै खेगिमैंइ स्‍वर्गर्बै पबित्र क्ल्ह्‍योए नकल लसि छरिए सेवा मत्‍त्रे लम्। तलेबिस्याँ मोशाइ पबित्र क्ल्ह्‍यो बनेल् म्हैमा परमेश्‍वरजी चने बिइ, “क्‍हिने कोंर उँइँमिंबै नमुना अनुसार ताँन् सै बनेद्।”

१ पत्रुस 1:22

क्‍हेमैंइ क्ह्रोंसेंन्बै परमेश्‍वर म्हाँदिसि ह्रोंसलाइ चोखो लबइले, ह्रोंसए आघें अलिलाइ आफेलनाले म्हाँया लद्, धै घ्रिइ घ्रिलाइ सैं न्होंउँइँलेन् म्हाँया लद्,

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।

दर्शन 22:9

दिलेया चइ ङने बिइ, “छ आलद्! परमेश्‍वर मत्‍त्रे फ्‍योद्! क्हि, अगमबाणि पोंबै क्‍हिए आघें-अलिमैं नेरो चु कितबर मुँबै ताँमैंइ बिब् धोंले प्रब्मैं धोंबन् ङ परमेश्‍वरए के लबै दूत मत्‍त्रे ग।”