हिब्रू 11:9 - परमेश्‍वरए ताँ तमु क्युइर

⁹ बिश्‍वासउँइँलेन् अब्राहाम आगुए ह्‍युलर्बै म्हि धोंले परमेश्‍वरजी पिंस्‍यो बिसि बाछा फैबै ह्‍युलर टिइ। इसहाक नेरो याकूब धोंले च तम्बुजरे टिइ। चमैं या अब्राहामने बा-बालुन् परमेश्‍वरजी पिंम् बिसि बाछा फैबै हगवालमैं मुँल।

हिब्रू 11:9 ပူးပေါင်းရင်းမြစ်များ

उत्पत्ति 12:8

च क्ल्ह्‍योउँइँले ह्‍यासि च बेथेलए स्यारउँइँ मुँबै कोंर टिइ। धै बेथेललाइ पश्‍चिमउँइँ नेरो ऐ सहरलाइ स्यारउँइँ लसि ह्रोंसए तम्बु टौंदिइ। चर चइ याहवेहए ल्हागिर ख्रो पिंबै क्ल्ह्‍यो घ्रि बनेसि याहवेहए मिं किंइ।

उत्पत्ति 13:18

झाइले अब्रामइ ह्रोंसए तम्बु सार्दिसि हेब्रोनर मुँबै मम्रेए फलाँटए सिंधुमैं ङाँर खसि चर्न टिइ। चइ चर याहवेहए ल्हागिर ख्रो पिंबै क्ल्ह्‍यो घ्रि बनेइ।

उत्पत्ति 13:3

च नेगेबउँइँले प्रदै ओंसों चइ बेथेल नेरो ऐए म्हाँजोर तम्बु टौंदिबै क्ल्ह्‍‍योर फेखइ।

उत्पत्ति 17:8

क्हि तोगो टिबै चु कनान ह्‍युल क्हि नेरो क्हिए लिउँइँ खबै सन्तानलाइ खोंयोंइ बिलै क्ल्हे तबर पिंब्मुँ, धै ङ चमैंए परमेश्‍वर तब्मुँ।”

उत्पत्ति 18:6

झाइले अब्राहाम च तोदोंन् तम्बुर सारा ङाँर ह्‍यासि “युन्ले प्रो ङ्‍हब्यों चेंसि क्हें झोंन्,” बिइ।

उत्पत्ति 18:9

चमैंइ चने “क्हिए प्ह्रेंस्यो सारा खनिर मुँ?” बिसि ङ्योएमा चइ “चम् तम्बुर मुँ,” बिइ।

उत्पत्ति 21:34

च लिउँइँ अब्राहाम पलिश्तीमैंए ह्‍युलर ल्हें त्हिंइ समा टिइ।

उत्पत्ति 23:4

“ङ अरू ह्‍युलउँइँले खसि क्हेमैंए म्हाँजोर टिइमुँ। ङए प्ह्रेंस्यो सियाइ। छतसि सिनु पाबै छगोंए ल्हागिर क्ल्ह्‍यो घ्रि ङने चुँन् ओ।”

उत्पत्ति 25:27

चमैं थेब् तसि आघें एसाव बेल्‍ले छेनाले मेत्हँले ल्हिल् ह्रब तइ। धै याकूब बिस्याँ धिर्न च्याँले टिरिब तइ।

उत्पत्ति 28:4

क्हि तोगो चुर आगुए ह्‍युलर टिरिइमुँ, दिलेया परमेश्‍वरजी चु ह्‍युल अब्राहामलाइ पिंब् ग। क्हि चु ह्‍युलर्बै क्ल्हे तरिगे बिसि परमेश्‍वरजी अब्राहामए फिर पिंबै आशिक क्हि नेरो क्हिए प्हसेंमैंलाज्यै या पिंरिगे।”

उत्पत्ति 31:25

लाबानइ याकूबलाइ स्यामा याकूबइ ह्रोंसए तम्बु गिलादए कोंर टौंदिल। छलेन लाबानज्यै ह्रोंसए आघें-अलिमैंने बालु तम्बु च क्ल्ह्‍योर्न टौंदिइ।

उत्पत्ति 35:27

याकूब चए आबा इसहाक ङाँर मम्रे बिबै क्ल्ह्‍योर खइ। (चु क्ल्ह्‍यो किर्यत-अर्बा नेरो हेब्रोन बिब् ग।) चर अब्राहाम नेरो इसहाक ओंसों टिल।

उत्पत्ति 36:7

चमैंल ल्हें सै न्होर मुँल, छतसि चमैं बालुन् टिल् आखाँ। चमैंए खेदोमैंइ लमा चमैं टिबै क्ल्ह्‍योर निर्बा तल् आखाँ।

उत्पत्ति 47:9

याकूबइ बिइ, “ङइ तोगो समा थोबै छ्ह प्रसे सोंच्यु तइ। ङए छ्ह रिन्ठि नेरो दुःखर थोरिइमुँ। ङए खेमैं ल्हें सोल चमैं सोब्द प्रे छ्ह तोगो ङल आयोइमुँ।”

भजनमैं 105:12

कनान ह्‍युलरि चमैं च्योमा च्युगुदे मत्‍त्रे मुँल, सारय च्युगुदे, चमैं आगुए ह्‍युलर्बै म्हिमैं धों मुँल,

हिब्रू 6:17

परमेश्‍वरजी बाछा फैसि पिंम् बिबै सैमैं योंल् त्‍हुब्‍मैंलाइ “खीए ताँ खोंयोंइ आप्लिं,” बिसि उँइँमिंबै सैं लइ। छतसि खीजी कसम चसिन् च बाछा पक्‍का लइ।