हिब्रू 11:6 - परमेश्‍वरए ताँ तमु क्युइर

⁶ बिश्‍वास आलल्‍ले खाबज्‍यै या परमेश्‍वरलाइ सैं तोंन् लल् आखाँ। तलेबिस्याँ खाउ म्हि परमेश्‍वरए चेंदो खमुँ च म्हिइ “परमेश्‍वर क्ह्रोंसेंन मुँ धै खीलाइ म्‍हैब्मैंलाइ खीजी इनाम पिंब्‍मुँ,” बिसि बिश्‍वास लल् त्‍हुम्।

हिब्रू 11:6 ပူးပေါင်းရင်းမြစ်များ

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

भजनमैं 106:24

चमैंइ खीजी बिबै बाछा आक्वें, छतसि चमैंइ कनान ह्‍युलर होंल् आङिंसि च छ्याँबै ह्‍युललाइ तो धोंइ आङ्हाँ।

भजनमैं 119:10

ङइ ह्रोंसए सैं न्होंउँइँलेन् क्हिलाइ म्हैमुँ; क्हिए ताँमैं थोसि प्रबइले ङ जोगेमिंन्

भजनमैं 58:11

छाब् म्रोंसि “ठिक के लब्मैंइ क्ह्रोंसेंन इनाम योब् मुँन; धै पृथ्‍बीर ठिक निसाफ लब परमेश्‍वर मुँन,” बिसि म्हिमैंइ बिब्मुँ।

भजनमैं 73:28

दिलेया परमेश्‍वरने चेंदो तरिब ङए ल्हागिर छ्याँब ग, याहवेह परमेश्‍वरए प्हलेर्न ङ ग्वार योंबर खइमुँ। छतसि क्हिए ताँन् केमैंए बयन ङइ लब्मुँ।

भजनमैं 78:22

तलेबिस्याँ चमैंइ परमेश्‍वरए फिर बिश्‍वास आलल, खीजी जोगेमिंम् बिबै ताँर चमैंइ भर आथेंल।

भजनमैं 78:32

छान् ललेया चमैंइ पाप के लरिइ; खीजी औदिबै केमैं ललैया चमैंइ खीए फिर बिश्‍वास आल।

हितोपदेश 11:18

दुष्‍ट म्हिइ छलु म्हिलुए के लम्; दिलेया छलु म्हिलु आलल्‍ले ठिक के लबै म्हिइ खैलसे या इनाम योंम्।

हितोपदेश 8:17

ङलाइ म्हाँया लब्मैंने ङइ म्हाँया लम्, धै ङलाइ म्हैब्मैंइ ङने त्होब्मुँ।

मत्ती 11:26

ओ आबा, क्हिजी छान् लब छ्याँब ङ्हाँइ।”

मत्ती 5:12

च त्हेर क्‍हेमैं बेल्‍‍ले सैं तोंन्, तलेबिस्याँ स्‍वर्गर क्‍हेमैंए इनाम थेब तब्मुँ। छलेन स्‍योंम्बै अगमबक्‍तामैंलाज्यै या म्‍हिमैंइ ह्रुगुदिल।

मत्ती 6:16

“झाइले क्‍हेमैं बर्त टिमा फिब्लो पार्दिब्मैंइ धोंले लि छुले आटिद्। तलेबिस्याँ म्हिमैंने ‘बर्त टिइमुँ’ बिसि उँइँबर चमैंइ लि छु लम्। क्ह्रोंसेंन ङ क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 6:33

बरु ओंसों क्हेमैंए सैं परमेश्‍वरए ग्याल्सउँइँ ल्‍हैदिद्, खीजी बिब् धोंले ताँन् लद्। धै खीजी चु ताँन् सैमैं क्हेमैंलाइ थप्दिमिंब्मुँ।

मत्ती 6:5

“झाइले क्हेमैंइ प्राथना लमा फिब्लो पार्दिब्मैंइ धोंले सुँइ स्यो सैंइ स्योले आलद्। चमैंइ अरू म्‍हिमैंइ म्रोंरिगे बिसि च्हों धिंजरे नेरो घ्याँए रेजरे रासि प्राथना लम्। ङ क्ह्रोंसेंन क्हेमैंने बिमुँ, चमैंइ योंल् त्हुबै इनाम योंल् खाँइमुँ।

मर्कूस 16:17

बिश्‍वास लब्‍मैंइ ङए शक्‍ति योंसि छाबै औदिबै चिनुमैं लल् खाँब्मुँ: चमैंइ ङए मिं किंसि मोंमैं ल्‍हाब्‍मुँ, छारा क्युइमैं पोंब्‍मुँ।

लूका 12:31

बरु ओंसों परमेश्‍वरए ग्याल्स म्‍हैद्‌। झाइले खीजी चु ताँन् सैमैं क्‍हेमैंलाइ पिंब्‍मुँ।

लूका 6:35

छले आङिं, ह्रोंसए शत्तुरमैंलाज्यै या म्‍हाँया लद्, चमैंए फिर ल्हयो खद्, एल् आखाँबै म्‍हिमैंलाज्यै या छे पिंन्। छलस्याँ परमेश्‍वरङाँइँले क्‍हेमैंइ थेबै इनाम योंब्‍मुँ। धै क्‍हेमैं ताँन् भन्दा थेबै परमेश्‍वरए च्ह-च्हमि ठर्दिब्‍मुँ, तलेबिस्याँ परमेश्‍वरजी बैगुनिमैं नेरो दुष्‍टमैं फिर ल्हयो खम्।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 8:24

ङइ क्हेमैंने बिइ, क्‍हेमैं ह्रोंसए पापर्न सिब्मुँ, तलेबिस्याँ ‘ङ जोगेमिंबै म्रुँ ख्रीष्‍ट ग’ बिसि क्हेमैंइ आक्वेंस्याँ क्हेमैं ह्रोंसए पापर्न सिब्मुँ।”

रोमी 10:14

दिलेया परमेश्‍वरए फिर बिश्‍वास आलब्‍मैंइ खीने खैले प्राथना लब? धै परमेश्‍वरए बारेर आथेब्‍मैंइ खीए फिर खैले बिश्‍वास लब? झाइले परमेश्‍वरए बारेर खाबज्‍यै आबिमिंस्‍याँ म्‍हिमैंइ खैले थेब?

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

हिब्रू 11:26

मोशाइ मिश्र ह्‍युलर्बै ताँन् सै न्होर योंब् भन्दा ख्रीष्‍टए ल्हागिर आगुइ स्यारलै सैदिइ टिब थेबै ताँ मैंइ, तलेबिस्याँ परमेश्‍वरउँइँले लिउँइँ योंबै इनाम चइ ङ्ह्‍योरिल।

हिब्रू 3:12

छतसि ओ अलि-अङाँमैं, सैं चिद्, क्‍हेमैं न्‍होंरि खाबलैया बिश्‍वास आलबै आछ्याँबै सैंइ लमा क्हेमैं सोगों परमेश्‍वरउँइँले ह्रेंगो आबोरिगे।

हिब्रू 4:2

मोशाइ मिश्र ह्‍युलउँइँले तेइ पखबै इस्राएलीमैंइ धोंले ङ्योज्‍यै या सैं तोंबै ताँ थेइमुँ। दिलेया चमैंइ सैं तोंबै ताँ थेलेया आक्वें छतसि चमैंलाइ तोइ फायदा आत।

हिब्रू 4:6

ओंसोंन् सैं तोंबै ताँ थेब्‍मैंइ परमेश्‍वरजी बिबै ताँ आङिंबइले भों न्‍हल् योंबै क्ल्ह्‍योर होंल् आयों। छतसि भों न्हल् योंबै क्ल्ह्‍योर होंल् त्हुब्मैं अझै को-कोइ चैमुँ।

हिब्रू 7:19

तलेबिस्याँ ओंसोंबै ठिमइ तोइ के पक्‍का लल् आखाँ। तारे चए क्ल्ह्‍योर च भन्दा छ्याँबै आशा मुँबै ठिम तइमुँ। च घ्‍याँउँइँले ङ्यो परमेश्‍वरए ङाँर फेनेल् खाँम्।

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

२ पत्रुस 1:10

छतसि ओ ङए अलि-अङाँमैं, परमेश्‍वरजी क्‍हेमैंलाइ त्हाँसि हुइमुँ बिबै ताँ क्ह्रोंसेंन् ग बिसि उँइँबै ल्हागिर क्हेमैं छेनले छ्ह थोद्। छ लस्‍याँ क्‍हेमैं परमेश्‍वरउँइँले खोंयोंइ ह्रेंगो तरिब् आरे।

२ पत्रुस 1:5

छतसि छ्याँबै केमैं लबै भों लसि क्हेमैंए बिश्‍वासए फिर छ्याँबै बानि लद्। धै छ्याँबै बानिए फिर परमेश्‍वरए इच्‍छाए बारेर क्होबै ज्ञान म्हैद्।

२ पत्रुस 3:14

छतसि ओ ङए थुमैं, च त्हिंइ खोंयों तब् ङ्‍हे बिसि क्हेमैं खीए घ्‍याँ ङ्ह्‍योब्मैं ग। छतसि प्रभुए उँइँर तोइ खोट नेरो छ्याब् आरेब् तसि ताँनने क्ह्रिसि टिबै भों लद्।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”

रूथ 2:12

छले छ्याँबै के लबइले क्हिए फिर इस्राएलए परमेश्‍वर याहवेहजी आशिक पिंरिगे। खी ङाँर क्हि खइमुँ, छतसि खीजी खोंयोंन् बिलै क्हिए फिर आशिक पिंरिगे।”