हिब्रू 11:40 - परमेश्‍वरए ताँ तमु क्युइर

⁴⁰ तलेबिस्याँ परमेश्‍वरजी ङ्योए ल्हागिर झन् छ्याँबै चाँजो लल, धै ङ्योने बालु मत्‍त्रे चमैं पबित्र तरिगे बिब खीए सैं मुँल।

हिब्रू 11:40 ပူးပေါင်းရင်းမြစ်များ

हिब्रू 11:16

बरु चमैंल झन् छ्याँबै ह्‍युल, अथवा स्‍वर्गर, ह्‍याबै सैं मुँल। छतसि परमेश्‍वर “चमैंए परमेश्‍वर ग” बिबर फा आपिल, तलेबिस्याँ खीजी चमैंए ल्हागिर सहर घ्रि तयार लथेंइमुँ।

हिब्रू 5:9

खी ताँन् जाँचउँइँले पास तल् खाँसि खीए ताँ म्हाँदिब्‍मैं ताँनए ल्हागिर खी खोंयोंइ आखाँबै छ्हए मुल तइमुँ।

हिब्रू 7:19

तलेबिस्याँ ओंसोंबै ठिमइ तोइ के पक्‍का लल् आखाँ। तारे चए क्ल्ह्‍योर च भन्दा छ्याँबै आशा मुँबै ठिम तइमुँ। च घ्‍याँउँइँले ङ्यो परमेश्‍वरए ङाँर फेनेल् खाँम्।

हिब्रू 7:22

परमेश्‍वरजी चबै चु कसमउँइँले ओंसों भन्दा छ्याँबै बाछा पक्‍का लमिंबै म्हि येशून् ग।

हिब्रू 8:6

दिलेया च ओंसों फैबै बाछा भन्दा प्रभु येशूजी म्‍हिमैंए ल्हागिर लमिंबै बाछा झन् थेब मुँ। छतसि परमेश्‍वर नेरो म्‍हिमैं न्होंरि येशूजी लमिंबै बाछा ओंसोंबै बाछा भन्दा छ्याँब मुँ। छलेन स्‍योंम्‍बै खेगिमैंइ भन्दा येशूजी झन् बेल्‍ले थेबै के लइमुँ।

हिब्रू 9:23

स्वर्गर्बै नकल लबै सैमैंलाइमि छले पबित्र लल् त्हुम् बिस्याँ, स्‍वर्गर्बै सैमैंलाइ पबित्र लबै ल्हागिर झन् बेल्‍ले पबित्र सैए ख्रो चैदिइ।

दर्शन 6:11

चमैं घ्रि घ्रिलाइ फोस्रे ब्योंबै क्‍वें पिंसि “म्‍हिमैंइ क्‍हेमैंलाइ सैवाब् धोंलेन्, क्‍हेमैंए अलि-अङाँमैं नेरो अरू के लबै थुमैंलाज्यै या सैवाब्‍मुँ। च सैल् त्हुब्मैं ताँन् आसैन् समा अझै तिस्‍याँदे पैंन्,” बिसि परमेश्‍वरजी चमैंने बिइ।