हिब्रू 11:39 - परमेश्‍वरए ताँ तमु क्युइर

³⁹ खेंमैंइ लबै बिश्‍वासइ लमा चमैंल छ्याँबै बयन तइ। दिलेया परमेश्‍वरजी बाछा फैसि पिंम् बिबै सै बिस्याँ चमैंइ आयोंल।

हिब्रू 11:39 ပူးပေါင်းရင်းမြစ်များ

हिब्रू 10:36

परमेश्‍वरजी बिब् धोंले के लब नेरो खीजी बाछा फैसि पिंम् बिबै सै योंबै ल्हागिर क्हेमैं बिश्‍वासर भोंसि तइ टिल् त्हुम्।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

हिब्रू 11:2

तलेबिस्याँ छाबन् बिश्‍वास स्‍योंम्‍बै म्‍हिमैंइ लबइले परमेश्‍वरजी चमैंलाइ खोमल।

हिब्रू 9:15

छतसि ख्रीष्‍टजी छारा बाछा लमिंबइले परमेश्‍वरजी त्‍हाँबै म्‍हिमैंइ खीजी फैबै बाछार्बै खोंयोंन् बिलै तरिबै आशिक योंल् खाँम्। तलेबिस्याँ ओंसोंबै बाछाए न्‍होंर टिमा चमैंइ पाप लइ, दिलेया चमैंए पापए ल्हागिर ख्रीष्‍ट सिमिंसि चमैंलाइ जोगेमिंइमुँ।

१ पत्रुस 1:12

चमैंने उँइँमिंबै ताँ चमैंए ल्हागिर आङिं, चमैंइ क्‍हेमैंए सेवा लरिल बिसि परमेश्‍वरजी सेल् पिंइ। धै चु ताँ स्वर्गउँइँले कुल्मिंबै पबित्र प्ल्हउँइँले क्हेमैंने सैं तोंबै ताँ बिमिंबै म्हिमैंउँइँले क्हेमैंइ थेइमुँ। स्‍वर्गदूतमैंज्यै या चु ताँ था सेदा ङ्हाँइमुँ।