हिब्रू 11:34 - परमेश्‍वरए ताँ तमु क्युइर

³⁴ कोइइ बेल्‍ले लुँबै मि सैवाइ, कोइ सेलाँइ (तरवारइ) सैल् म्‍हैब्मैंउँइँले जोगेइ, कोइ भों आरेलेया भोंब् तइ, कोइइ ल्हडें लबर भों योंसि अरू ह्‍युलर्बै फौजीमैं ल्‍हावाइ।

हिब्रू 11:34 ပူးပေါင်းရင်းမြစ်များ

भजनमैं 124:7

नमे सैइ प्रबै म्हिइ चुबै ङोउँइँले नमे स्योरब् धोंले ङि स्योर खइमुँ; चमैंए जाल ट्होयाइ, धै ङि त्होंल् योंइ!

भजनमैं 144:10

क्हिजी म्रुँमैंलाइ ट्होल् पिंमुँ, क्हिजी ह्रोंसए के लबै दाऊदलाइ न्होह्रों लबै सेलाउँइँले जोगेमिंमुँ।

भजनमैं 6:8

ओ आछ्याँबै के लबै म्हिमैं, ङ ङाँइँले ह्‍याद्, तलेबिस्याँ ङ क्रोब याहवेहजी थेइमुँ।

भजनमैं 66:12

क्हिजी म्हिमैंलाइ ङिए क्र फिर प्लेल् पिंइ, ङि मि नेरो क्युउँइँले तसि ह्‍याइ, दिलेया क्हिजी छ्याजाल्हुलु तबै क्‍ल्‍ह्‍योर ङि पखमिंइ।

प्रस्थान 18:4

अर्को च्हए मिं एलीएजर मुँल, तलेबिस्याँ मोशाइ, “ङए आबाए परमेश्‍वरजी ङलाइ ल्होमिंसि फारोए सेलाँउँइँले ङ जोगेमिंइ,” बिल। छतसि च्हए मिं चइ एलीएजर थेंइ।)

लूका 21:24

शत्तुरमैंइ चमैं को-कोइ सेलाँइ (तरवारइ) सैवाब्‍मुँ, कोइ फैसि ह्‍युल ह्‍युलर बोब्‍मुँ। परमेश्‍वरजी चमैंने तोक्‍दिबै त्‍हे आतन् समा अरू ह्रेंर्बै म्हिमैंइ यरूशलेम खेंमैंए अधीनर थेंब्मुँ।”

१ पत्रुस 4:12

ओ ङइ खोबै थुमैं, क्‍हेमैंलाइ जाँज लबर थेबै दुःख क्‍हेमैं फिर तखमा आतबै के तखइ बिसि क्हेमैं अचम्‍मा आङ्हाँन्।