32 अरू ल्हें ताँ ङइ तो बिले? तलेबिस्याँ परमेश्वरए फिर बिश्वास लबै स्योंम्बै म्हिमैं गिदोन्, बाराक, शिमशोन, यिप्ता, दाऊद, शमूएल नेरो अगमबक्तामैंए बारेर्बै ताँमैं बिबै त्हे तोगो ङने आरे।
मोशा नेरो हारून खीए खेगिमैं मुँल, खीए मिं किंब्मैं न्होंर शमूएल मुँल। चमैंइ याहवेहने ग्वार ह्रिमा खीजी चमैंलाइ ज्वाफ पिंइ।
च त्हेर क्हेमैं बेल्ले सैं तोंन्, तलेबिस्याँ स्वर्गर क्हेमैंए इनाम थेब तब्मुँ। छलेन स्योंम्बै अगमबक्तामैंलाज्यै या म्हिमैंइ ह्रुगुदिल।
“झाइले परमेश्वरए ग्याल्सर स्योंम्बै अब्राहाम, इसहाक, याकूब नेरो अगमबक्तामैं टिरिब क्हेमैंइ म्रोंब्मुँ। दिलेया परमेश्वरजी क्हेमैं बैरु भ्योंवाब्मुँ, झाइले क्हेमैं क्रोदै स ह्राब्मुँ।
“दिलेया अब्राहामइ चने बिइ, ‘मोशा नेरो अगमबक्तामैंए ताँ आक्वेंस्याँ म्हि घ्रि सिबउँइँले सोगों तसि चमैं ङाँर ह्याना बिलेया चमैंइ क्वेंरिब् आरे।’”
येशूजी अरू ल्हेंन् केमैं या लइ। च ताँन् केमैं घ्रि घ्रिले प्ह्रिइ बिस्याँ प्ह्रिबै कितबमैं ह्युलर आत्हेमल बिसि ङए सैंर ङ्हाँम्।
स्योंम्बै अगमबक्तामैंइ ‘खीए फिर बिश्वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”
च के लमा प्लिब्ब्रासे ङ्हच्यु बर्ष तल। “च लिउँइँ परमेश्वरजी ङ्योए खेमैंलाइ जोगेमिंबै ल्हागिर खीए ताँ बिमिंबै शामूएलए पलो समा चमैंए ल्हागिर निसाफ लबै म्हिमैं पिंइ।
शामूएल नरो चए लिउँइँबै अगमबक्तामैं ताँनइ तिंजोरो तरिबै ताँमैंए बारेर बिल।
ङ्योइ लबै आछ्याँबै केमैंउँइँलेन् परमेश्वरजी लबै छ्याँबै केमैं म्हिमैंइ म्रोंम् बिस्याँ ङ्योइ तो बिब् दि? “खीए ह्रिस ङ्योए फिर उँइँमा परमेश्वरजी लल् आतबै के लइ!” बिब् वा? आङिं! (दिलेया म्हिमैंइ छलेन मैंल् खाँम्।)
ङि यहूदीमैंए खे अब्राहाम परमेश्वरए उँइँर खैले ठिक ठर्दिइ? चए बारेर सैंर मैंले।
छतसि ङ्योइ तो बिले? परमेश्वरए दयाम्हाँया झन् ल्हें योंरिगे बिसि ङ्यो झन् पापन् लरिब् आ?
छ बिस्याँ ङ्यो तो बिले? ठिमन् पाप वा? कत्ति आङिं! ठिम आरेस्याँ ङइ पाप बिब तो जा बिसि आसेमल, तलेबिस्याँ ठिमइ “लोब आलद्” आबिस्याँ ङइ लोब लब तो जा बिसि आसेमल,
ओ अलि-अङाँमैं, स्योंम्बै परमेश्वरए ताँ पोंबै म्हिमैंए बारेर सैंर मैंन्। चमैंए फिर दुःख तलेया सैदिसि टिब् धोंले क्हेमैं या टिद्।
तलेबिस्याँ अगमबाणि पोंमा म्हिमैंइ खेंमैंए सैंर खबै ताँमैं पोंब आङिं, बरु पबित्र प्ल्हजी म्हिमैंलाइ लोमिंसि चमैंइ परमेश्वरजी पोंन् बिबै ताँमैं पोंब् ग।
स्योंम्बै पबित्र अगमबक्तामैंइ पोंबै अगमबाणिए ताँमैं नेरो क्हेमैं ङाँर खबै कुल्मिंबै चेला चिब्मैंइ बिबै ताँमैं क्हेमैंइ मैंरिगे बिब ङए सैं मुँ।